Kəfwaʼ 14:4 - Kaa n Kəzə̀ n fəghə mə

⁴ Ghə̂ ghə n dzawwə doʼo bə fu tii inaʼ, ghə̂ a loʼ ghə n bəghəm dzəŋi ndow ghi ngəd tə Təjuu, a loʼ ghey ghə bəghəm dzəŋi ndow ngəd tə Yeso tey.

Kəfwaʼ 14:4 ပူးပေါင်းရင်းမြစ်များ

Lukas 2:34

Sey Shimiɔŋ n buulə tsu ghə, dza ndòw tə̀ Maria nə̀, “waa wən, a tûm bə Kəzə̀. Bòʼ wi, ghə̂ a loʼ ghə î keeli tsɔɔmə i bəbə zə, a loʼ ghə i keeli ibəghəshi n naʼ zə Izree. Tə î loʼ tsəə ə Kəzə̀, seykə, ndəmə aghə̂ ghə i kɔɔbə wi,

Tùm i dzuŋu zə kuum Yeso Klisto tə Jɔn â tɔɔnə 7:43

Sey, nɔɔ kə aghə̂ key n dzawwə doʼo tsu n moʼlə tə ghə bòʼ Yeso.

Kəfwaʼ 13:2

Nghee ghə ngɔɔmənə Mûkəbii, bam idzuu, Zay kə Zow kə n dza tə ghə nə̀, “Sày naŋa kɔʼ n na Banabas nsə Sɔl tə mə, nə̀ ghə i fwaʼa fwaʼ kən n tɔŋɔnə ghə tii nə ghə bə fwa.”

Kəfwaʼ 13:45

Ambə tow wə inaʼ u ghə̂ a Təjuu ghey koʼ tsunə nɔɔ kə aghə̂ kən, ghə n kaʼ ni ghoʼ, khə̂mə ghəə ghən Pɔl dzanə, kpaalə soʼo wi.

Kəfwaʼ 13:50

Ngəd tə Təjuu tə n fədlə kuu tənyɔʼ n kow gheyzən a səŋi ghə nsə gheynum a nii ghey ghə ngɔɔmənə Zə̀ kə fu inaʼ nə ghə nuu təmi kɔʼ n tow kə Pɔl nsə Banabas. Ghə n zey ndow ni chɔd Pɔl nsə Banabas, dzum shi daŋŋə ndow ghə fu n mboʼo tii.

Kəfwaʼ 14:14

Ambə Pɔl nsə Banabas wən ghə â loʼnə ngəd tə Yeso tə, zow tsunə ghəə ghən, ghə n baalə maʼa tsu ndzə tə ghə, tyi nyi ndow n fəŋŋə kə aghə̂, buʼlə shiə kɔʼɔ kəbɔŋ nə̀,

Kəfwaʼ 14:19

Ghə̂ a Təjuu a loʼ ghə, ghə a nuu bənə n naʼa tə Antyɔk nsə nə Ikonum n ndow bə fu n Listra. Ghə nəəbə tsu nɔɔ kə aghə̂ key nə ghə dzəŋi bə i ghə. Sey ghə n təmmə Pɔl nə atay, sii nuu shi ndow ghi wi n naʼ i tii zə ndow maʼa naŋa ndow wi, khə kə nə̀ tə n kpuu.

Kəfwaʼ 14:2

Ghə̂ a Təjuu ghən ghə â khə way bəghəm i fə̀ŋ zə n fədlə kuu tənyɔʼ, bəəbə maʼa kɔʼ fə̀ŋ tə ghə̂ ghey ghə way ghə̂ a Təjuu ghə kuum Pɔl ghi Banabas nsə dzûmə tə Klisto tə loʼ tey.

Kəfwaʼ 14:5

Sey, ghə̂ a loʼ ghə n ghə̂ ghey ghə way ghə̂ a Təjuu ghə nsə ghə̂ Təjuu ghə n ndow koʼ ndow ghə̂ a nii ghey fu inaʼ, ghə n bəghəm dzəŋi kɔʼ ni chɔd Pɔl nsə Banabas, ghə təmmə wey ghə nə atay.

Kəfwaʼ 19:9

Ghə̂ a ghə a loʼ ghə n kee taw n tow kə, tuu ni bəghəm tûm i dzuŋu zə, khəə soʼo ghəə a bəbə ghə kuum Jìi zey Mûkəbii ləghənə n sə kə aghə̂. Pɔl n zəghə tsu ghə, ney nuu ndow ghi dzûmə tey tə â bəghəmnə tûm i dzuŋu zə ghi wi. Ghə n dzəŋi ndow ghɔɔmə zeeli tsə tsuʼu n dzəm n dzuu i ndaw i nii zey Tayranus â dii tsənə ghə̂ tii.

Kəfwaʼ 28:24

Ghə̂ a loʼ ghə n bəghəm fuu ndow soʼo ghəə ghey tə dzanə, a loʼ ghə n ka kee bəghəm.

1 Kɔrint 9:5

Ghə moʼlə nə̀ i kpiilə soʼo way tə̀ ghey ni ney ndow weyzən wən tə bəghəmnə tə̀ Zə̀ kə n wey, ghey i bwey dzəŋi ndow ghi wi tə ngəd tə Klisto tə loʼ tey nsə waazə a Mûkəbii ghi ghə Pita ghə â ghəŋŋənə ə?

1 Tesalonika 2:14

Waazə ghə, ghaa â bɔɔmə bwey kə n ghow kə ibwey kə ghə̂ ghey ghə loʼnə n ndaw tə Kəzə̀ tey n naʼ i Judeya, ghə loʼ nə̀ ghə n bəghəm tə̀ Yeso Klisto. Ghaa â bɔɔmə fəghə kɔʼ bə n wɔɔ kə ghə̂ ghə inaʼ a ghaa, ighələ tə̀ ghə â fəghənə n wɔɔ kə ghə̂ a Təjuu ghən ghə â ka bəghəm tə̀ Klisto.