Kəfwaʼ 14:27 - Kaa n Kəzə̀ n fəghə mə

²⁷ Ambə ghə dzəŋŋə bənə n naʼ i Antyɔk, ghə n zuŋŋə naŋa bə dzûmə tə Klisto tədzəm, tiilə dza ndow jìi zey Zə̀ kə fwaʼnə tii ghi ghə, nsə nghee tə chinə jii nə ghə̂ ghey ghə way ghə̂ a Təjuu ghə̀ bəghəm soʼo tə̀ Yeso.

Kəfwaʼ 14:27 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 9:10

Ghə n bəb nə̀, “Wə kaʼ bə ngee ni koʼo luʼu tə ə?”

Kəfwaʼ 11:18

Ambə ghə zow tsunə sey, ghə kəm khə way ghəə zə ni khə̂mə wi tii, ghə n zey ndow ni fuu ukali tə Zə̀ kə dza nə̀, “I sey dii nə̀ Zə̀ kə n mbɔŋ fuu soʼo ghə̂ ghən ghə way ghə̂ a Təjuu ghə n bùʼ kə nə̀ ghə kweyyə nuu bə fə̀ŋ tə ghə n ghəə a bəbə ghə, ghə keeli soʼo imuu.”

Kəfwaʼ 15:12

Ambə Pɔl nsə Banabas kaʼ tsu ni ghɔɔmə, ghə̂ ghey ghə â adzəm n nuu fuŋ doʼo tsu mɔŋ. Ghə tiilə kɔʼ ndow nghee tə Zə̀ kə ghəŋə nə̀ ghə ghəŋə ndəmə ghəə a faalə ghə nsə ghəə a zum ghə idzuu ghə n fəŋŋə kə ghə̂ ghən ghə way ghə̂ a Təjuu.

Roma 15:18

N ndɔm way ni kɔʼlə uwû n ghə i loʼ zə tsəghəshiə way ghəə ghey Klisto ghəŋənə nə̀ n ghəŋə. Tə ghəŋə nə̀ ghə̂ ghən ghə way ghə̂ a Təjuu ghə i zow tə Zə̀ kə n tûm i dzuŋu zən n naʼlənə tə ghə nsə ghəə ghey n ghəŋŋənə n fəŋŋə kə ghə.

1 Kɔrint 11:18

Ghə i sə̂ i sə i loʼ nə̀, n zow nə̀ abə ghaa dzəŋi bənə tə̀ à loʼ dzûmə tə Klisto, ghaa n way dzə n dzə̀ imɔʼ. Ghəə a tii ghə u loʼ tə̀ mə i bəghəm nə̀ a loʼ isəŋə.

1 Kɔrint 14:23

Ney kɔʼ na nə̀ dzûmə tə Klisto tə təmdzəŋi bənu tədzəm ni fuu nkɔʼlə tə̀ Zə̀ kə, ghə a kaʼ nyi ndownə ni gɔŋŋə n lii tə təghɔɔmə, abə wù kənunu nkee ghə̂ ghən ghə ka bəghəm tə̀ Zə̀ kə kpaʼi ndow bənə fu, ghə i moʼ way nə̀ tow u ghaa u kpiilə way ə?

1 Kɔrint 15:10

N loʼ wù wey n loʼnə ghii wə nya bòʼ ndzuŋ ə Kəzə̀. Ndzuŋ zən Zə̀ kə â diinə tə̀ mə, â ka maŋ nay dzə kənunu. Zə n ghəŋə nə̀ n fəd fwaʼ tsəghəshi tsətəndəghə tə Klisto tə loʼ tey tədzəm. N khənu nə̀ â way dzə n daʼa kuŋ, â loʼ daʼa K-a-zə̀ kə â ghəŋənə mə nə̀ n fwaʼ tsəghəshi ghə adzəm.

1 Kɔrint 16:9

Zuŋ kə tii kə loʼ nə̀, Zə̀ kə n fuu mə fa n bùʼ kə tə̀ mə ni fwaʼ fwaʼ kə səŋi kə, nghee i tsəm loʼ kə nə̀ ndəmə aghə̂ a təʼlənu mə.

1 Kɔrint 5:4

Abə ghaa i təmdzəŋi bənə, mə i loʼ dzəŋi ghi ghaa n moʼlə tuŋ, daʼa kə Mûkəbii ə saa Yeso kə i loʼ soʼo.

2 Kɔrint 2:12

Nghee mə̀ â ndòwnə n naʼ i Trowas ni ndòw naʼa tûm i dzuŋu zə bòʼ Klisto, à n loʼ nə̀ Mûkəbii n chi naŋa jìi tə̀ mə ni fwaʼ fu.

Kolose 4:3

Ghaa i gɔŋŋə soʼo n tow u ghey, nə Zə̀ kə ghəŋə nə̀ ghey keeli kəbuʼ ni naʼa ghəə ghən a nyì doʼonə bòʼ Klisto, n təŋkey, à wən loʼ zuŋ key n loʼnə tii n ndaw tsaʼ.