Kəfwaʼ 14:22 - Kaa n Kəzə̀ n fəghə mə

²² Ghə n təm tawwə dzûmə tə Klisto tey fu, kuu fə̀ŋ tə ghə nə̀ ghə təmi taw tsu n bəghəm i fə̀ŋ i ghə, dza tə ghə nə̀, “Saa khə ni teeli zow ngoʼ tə̀ saa ni nyi n fɔɔ u Kəzə̀.”

Kəfwaʼ 14:22 ပူးပေါင်းရင်းမြစ်များ

Matyo 10:38

Wù wey tə tuunə ni ney zat kə fəkaʼ kə wi, tə dzûmə bə mə, ka kɔʼ kpii dzə̀ ni doʼo dzûmə wuŋ.

Matyo 16:24

Sey, Yeso n dza ndòw tə̀ ngəd tə wi tə nə̀, “Abə wù dza i dzûmə mə̀, tə khə ni ney tsu nə̀ wû u wi u way dzə fə kə loʼ kə, tə boʼo kɔʼ zat kə fəkaʼ kə wi, tə dzûmə bə mə.

Matyo 19:24

N dza bə tə̀ ghaa nə̀, nyam zən ghə tɔŋŋə nə̀ à loʼ Kamel loʼnu ni zaŋŋə tsəghə tɔɔlə n sə̂ i fəsaʼ, tsəghəshi tə̀ wù kûm wə ni nyi n fɔɔ u Kəzə̀.”

Malakus 10:30

tə i doʼlənə sey nə̀ tə ka keeli dzəŋŋə fə u tii wə udzəm fa n mbi i zən, tə buʼ keeli tsəghəshi daŋŋə fə wey tə khənə nya (təndaw, awaazə, ghə zə̂, awaa nsə sum zə. Fə wən udzəm wə i bəghə soʼo n chɔdmə a tii). A i bə n mbi i fəghə zə, tə î keeli muu zə itsali.

Malakus 9:47

Abə sə̂ zə i ghəŋənə nə̀ wə bwù n bəghəm i fə̀ŋ zə, bɔʼi nuu kɔʼ sə̂ i tii zə. Dzɔb loʼ tə̀ wɔ nə̀ wə nyi n fɔɔ u Kəzə̀ n sə̂ zə imɔʼ, tsəghəshi tə̀ wɔ ni ndòw n vəllə u tsali wə n sə̂ ghə abəghə.

Lukas 24:26

N dza i mâ dii may nə̀ Wù wən Zə̀ kə â dza naŋa nə̀ i tûm bənu î khə ni koʼ ndəmə uchɔd tə̀ wi ni kəm ndòw dzəŋŋə n nkɔʼlə n wi ə?”

Tùm i dzuŋu zə kuum Yeso Klisto tə Jɔn â tɔɔnə 15:18

Yeso n ndow n sə kə ni dza tə̀ ngəd tə wi tə nə̀, “Abə ghə̂ a mbi a bàanə ghaa, keeli tsu na nə̀ ghə n buʼ bàa dzə mə isə, tə̀ ghə ni bàa ghaa.

Tùm i dzuŋu zə kuum Yeso Klisto tə Jɔn â tɔɔnə 15:20

Moʼlə tsu na nə n mâ buʼ dza tə̀ ghaa nə̀, ‘Wù kəfwaʼ tsəghəshiə tsə way mûkəbii ə wi.’ Abə ghə â loʼ ni chɔd mə, ghə i chɔdlɔ soʼonu ghaa. Abə ghə â naŋŋənə ghɔɔmə zuŋ zə, i sey diinə ghə i naŋŋə soʼonu ghɔɔmə i ghaa zə.

Tùm i dzuŋu zə kuum Yeso Klisto tə Jɔn â tɔɔnə 16:33

N ghəə ghən sa dza bə tə̀ ghaa nə̀ ghaa i khə buulə zə n fə̀ŋ tə ghaa, boʼnə ghaa loʼ n fə kəmɔʼ ghi mə. Ghaa nə ngii fəʼlənu fa n mbi, a kee loʼ nə̀ ghaa khə ni kuu tsu təfə̀ŋ tə a loʼ təsawgoʼ, n təŋkey, mə n təm zə̂ mbi.”

Tùm i dzuŋu zə kuum Yeso Klisto tə Jɔn â tɔɔnə 3:5

Yeso n beeli ndòw wi nə̀, “N kuum dza bə isəŋə tə̀ wɔ nə̀, wù way dzə ni nyi n Fɔɔ u Kəzə̀ nə̀ ghə ka wi ji nə mmuu nsə n Zay kə Zow kə.

Kəfwaʼ 11:23

Ambə tə ndow nyi ndow nə̀, koʼ tsu ghəə a dzuŋu ghən Zə̀ kə ghəŋənə tə ghə, tə n duʼlə naʼ idzəm, kuu ndow fə̀ŋ tə ghə nə ghə təmi taw tsu kə ghi Mûkəbii n fə̀ŋ tə ghə tə tədzəm.

Kəfwaʼ 11:26

Ambə tə koʼ tsunə wi, tə n ney bə wi n Antyɔk. Sey, Banabas ghi Sɔl n doʼo kəŋə ndow kənum ghi dzûmə tə Klisto tey n Antyɔk. Ghə n dii kəŋə ndow ndəmə aghə̂ fu n dzəŋi kə dzûmə tə Klisto. Â loʼ soʼo fuu n Antyɔk ghə â ziʼi tɔŋɔ shi bənə ghə̂ ghən ghə bəghəmnə tə Zə̀ kə nə a loʼ dzûmə tə Klisto.

Kəfwaʼ 11:29

Sey, dzûmə tey n saalə tsu ni fuu igaamə tə wɔɔ a ghə ghə â kɔʼ kuumnə tə dzûmə tey tə loʼ nə n Judeya.

Kəfwaʼ 13:43

Ambə ghə sali tsunə n ndaw kədzəŋi, ndəm ə ghə̂ a Təjuu nsə ghə̂ ghən ghə way ghə̂ a Təjuu ghə, ghə ngɔɔmənə Zə̀ kə Təjuu kə n dzûmə ndow Pɔl nsə Banabas. Pɔl nsə Banabas n kuu fə̀ŋ tə ghə nə ghə təmi taw tsu n ndzuŋ ə Kəzə̀ zən ghə keeli kɔʼnə.

Kəfwaʼ 14:20

Ambə dzûmə tə Klisto tə ndow bənə n luʼu key Pɔl â nyəŋnə tii, tə n kəm ghaʼ nuu kɔʼ idəŋ, nuu nyi dzəŋə ndow ghi ghə n naʼ i tii zə. Ambə tsətsə wey, wi ghi Banabas n nuu ndow n naʼ i Debe.

Kəfwaʼ 14:28

Sey, Pɔl ghi Banabas n ndəŋ doʼo kəŋə ndow fu ghi dzûmə tə Klisto.

Kəfwaʼ 15:32

Judas nsə Silas, ghə â dzəŋi loʼ soʼonə tûm tə Kəzə̀ ghə, n ndəŋ ghɔɔmə kəŋə ndow ghi dzûmə tə Klisto tey, kuu fə̀ŋ tə ghə, təm tawwə soʼo ghə n bəghəm i fə̀ŋ i ghə.

Kəfwaʼ 15:41

Tə n tsəghə ndow jii n Sirya nsə n Silishya, təmə tawwə ndow ghə̂ a dzəŋi kə dzûmə tə Klisto ghey fu.

Kəfwaʼ 18:23

Ambə Pɔl tsuŋŋə doʼo tsunə fu n Antyɔk, tə n zey ni ngəə kaabə naʼa tənaʼa, tsəghə tɔɔlə ndow n mboʼo ə Galeshya nsə n Frigya, təmə tawwə ndow fə̀ŋ tə dzûmə tə Klisto tey fu tədzəm.

Kəfwaʼ 6:7

Sey, ghɔɔmə i Kəzə̀ zə n ndow n sə̂ kə ni zaamə, taŋ ə dzûmə tə Klisto tə n nyîmmə kɔʼɔ ndow n Yerosalem, ndəmə ghə fɔɔngili a Təjuu ghə bəghəm soʼo tə Yeso.

Kəfwaʼ 9:16

Mə i diinu tə wi nghee tə khə ni fəghə tii bòʼ mə.”

Roma 8:17

Nghee saa loʼnə waa a Kəzə̀ ghə, saa i zə̂ə soʼonu fə wey Zə̀ kə â təb naŋanə tə ghə̂ a wi ghə. Saa ghi Klisto i dzəŋi zə̂ə soʼonu fə key Zə̀ kə â naŋanə tə wi. I loʼ sey n təŋkey, abə saa ndzəmə fəʼlə dzəŋinə ghi Klisto, saa i keeli soʼonu kɔʼlə mey tə khənə.

1 Kɔrint 1:8

Tə i keyyə ghaa nə̀ ghaa i taw n bəghəm i fə̀ŋ i ghaa ni ndòw kùm ndow, sey nə̀, ghaa i khə way bwu i loʼ zə n muu i ghaa n tsuʼ fey Mûkəbii saa Yeso Klisto i bəghə dzəŋŋənə tii.

Filipi 1:29

Zə̀ kə ka kad fu kə ghaa n ndzuŋ ə wi nə̀ ghaa bəghəm fu tə̀ Klisto, tə fu soʼo ghaa n daʼa kə tii kə nə̀ ghaa khə ni fəghə bòʼ wi.

Kolose 1:23

A kee loʼ kə nə̀, ghaa təmi taw tsu n bəghəm i fə̀ŋ i ghaa n tûm i dzuŋu zən ghaa zownə. Kə ghaa nə bəghəmnə nə wù loʼ kəm soʼlə ghaa n tûm i dzuŋu zən ghaa â zownə, ghaa n gaʼ fə̀ŋ tii. À loʼ bòʼ tûm i dzuŋu zən, mə Pɔl, n loʼnə wù kəfwaʼ ə Klisto tɔŋŋə tûm i dzuŋu zən ghə naʼlənə tə mbi idzəm.

1 Tesalonika 3:13

Ghey gɔŋŋə nə̀ abə ghaa i ghəŋənə ghəə ghən Zə̀ kə təm tawwə fə̀ŋ tə ghaa, tə ghəŋə nə̀ ghaa i loʼ tsətsəghə. Tə i ghəŋə soʼo nə̀ ghaa i loʼ tsətsəghə sə kə wi tə loʼnə Bày saa n nəŋə zey Mûkəbii saa Yeso i bə dzəŋŋənə ghi ghə̂ a wi ghən ghə khə way bəb i loʼ zə.

2 Timoti 1:8

Sey, kə wə i dədlə n tow kə ni təmi tiillə bòʼ Mûkəbii saa, kə wə nə dədlə soʼo n tow kə ni dza ndow nə̀ wə khənu mə wən n loʼ fa n ndaw tsaʼ bòʼ Klisto. Fət təmdzəŋi bə mə ni fəghə bòʼ tûm i dzuŋu zən. Wə khə ni fəghə n təŋkey Zə̀ kə n fuu wɔ n daʼa kə tii kə.

2 Timoti 3:12

Isəŋə loʼ nə̀, wù wey tə ləghə ni muu muu i Kəzə̀ zən i loʼnə nə kəfə kəmɔʼ ghi Yeso Klisto, ghə i chɔdlɔnu wi.

1 Pita 2:21

À wən loʼ ghəə zey Zə̀ kə â tɔŋɔnə ghaa tii n təŋkey, Klisto n wû u wi wə mâ fəghə soʼo n tow u ghaa, dii naŋa tsu ghaa n jìi zey ghaa khə ni ghəŋŋə ghəə ghə tii, sey nə̀ ghaa loʼ ni ney ghow kə ibwey kə wi.

1 Pita 5:10

À kee loʼ nə̀ abə ghaa fəghə tsu n tɔŋɔ fə inəŋə, Zə̀ key kə diinə fə̀ŋ ə wi i dzuŋu zə tə saa nəŋə tədzəm, à loʼ wi tə â tɔŋɔnə ghaa nə̀ ghaa keeli soʼo kɔʼlə n wi mən n may way n təŋkey saa loʼ nə kəfə kəmɔʼ ghi Klisto. Wi n wû u wi wə i ghəŋə nə̀ ghəə a ghaa adzəm a kəm doʼo bə kədzuŋ, tə ghəŋə nə̀ bəghəm i fə̀ŋ i ghaa zə i taw, tə fuu soʼo ghaa n daʼa kə nə̀ ghaa i tɔʼ tey.

1 Pita 5:9

Ghaa təmi taw tsu n bəghəm i fə̀ŋ i ghaa, kə ghaa nə bəghəm nə̀ tə taw tsəghə ghaa, n təŋkey ghaa khənu nə̀ a wey bɔɔmə loʼ jìi zey waazə a ghaa a fəʼlənə tii n badla tə mbi tədzəm.

2 Pita 1:11

A loʼ n jii i zən Zə̀ kə i fuu ghaa n daʼa kə ni nyi n fɔ̀ɔ wey Mûkəbii saa tə loʼnə Bəghəshi ə saa tɔŋŋə Yeso Klisto saʼanə tii nəŋə tədzəm.

Màʼlə kə Jud tə̀ ghə̂ a Kəzə̀ ghə 1:3

Fə ghuŋ a dzuŋu ghə, nghee mə â tsəm ngii khə kənə zày ni tɔ̀ɔ bə tə ghaa nghee Zə̀ kə i dzəŋi bəghəshiənə saa adzəm tii, mə n koʼ tsu nə̀, i dzɔbənu tə mə ni tɔ̀ɔ bə tə ghaa, n dza bə tə̀ ghaa nə̀ ghaa təmi taw tsu n bəghəm i fə̀ŋ zən Zə̀ kə â fuu naŋanə tə ghə̂ a wi a zow ghə adzəm, ney nuu kəwɔɔ.

Chi dii 1:9

N loʼ Jɔn waazə ghaa wən tə fəʼlə dzəŋinə ghi ghaa n ghəə a fɔɔ u Kəzə̀, kow soʼonə fə̀ŋ tə̀ aloʼ ghaa n təŋkey saa loʼ nə kəfə kəmɔʼ ghi Yeso. Ghə â kwu naŋa mə n naʼ i loʼ zə dzuu dzəŋ tsəghə kɔʼnə n təŋkey mə â naʼlə ghɔɔmə i Kəzə̀, dza soʼo isəŋə zey Yeso â dza naŋanə. Ghə tɔŋŋə naʼ i tiizə nə̀ à loʼ Patmus.

Chi dii 2:10

Kə wə i tsəŋ chɔd wən wə i bə keelinə. Wə ney ighə̂mə boʼnə Satan i kuu ghaa a loʼ ghə n ndaw tsaʼ ni mɔm koʼ ghaa, ghaa i fəghə nə ntsuʼu ighəm. Ghaa keeli tsu kə bəghəm i fə̀ŋ, abə a loʼ kə ivə, mə i fuu ghaa n muu i fəghə zə tə a loʼ kə naamə abə ghaa təm zə kɔʼ.

Chi dii 7:14

Mə n beeli ndow wi dza “Mûkəbii, wə khənu.” Tə n dza, “À wən loʼ ghə̂ ghən ghə nɔb shi bənə n ngoʼ i nii zə. Ghə n ney kɔʼ kaŋ tə Waa Nji tən tə â fəələnə, sow kɔʼ ndzə̂ tə ghə tii nə̀ tə i fəmə.