Kəfwaʼ 14:19 - Kaa n Kəzə̀ n fəghə mə

¹⁹ Ghə̂ a Təjuu a loʼ ghə, ghə a nuu bənə n naʼa tə Antyɔk nsə nə Ikonum n ndow bə fu n Listra. Ghə nəəbə tsu nɔɔ kə aghə̂ key nə ghə dzəŋi bə i ghə. Sey ghə n təmmə Pɔl nə atay, sii nuu shi ndow ghi wi n naʼ i tii zə ndow maʼa naŋa ndow wi, khə kə nə̀ tə n kpuu.

Kəfwaʼ 14:19 ပူးပေါင်းရင်းမြစ်များ

Kəfwaʼ 13:14

Ghə n kee zəghə tsu Pega, nyi ndow n naʼ i Antyɔk, zə a loʼnə n mboʼo Pisidya. Ambə n tsuʼ inaʼ, ghə n nyi ndow doʼo tsu n ndaw kədzəŋi ə ghə̂ Təjuu.

Kəfwaʼ 13:45

Ambə tow wə inaʼ u ghə̂ a Təjuu ghey koʼ tsunə nɔɔ kə aghə̂ kən, ghə n kaʼ ni ghoʼ, khə̂mə ghəə ghən Pɔl dzanə, kpaalə soʼo wi.

Kəfwaʼ 14:1

Ambə Pɔl ghi Banabas bə soʼonə nə Ikonum, ghə n ndow n ndaw kədzəŋi ə ghə̂ a Təjuu, ghɔɔmə n jìi zey ndəmə ghə̂ a Təjuu nsə ghə̂ ghey ghə way ghə̂ a Təjuu ghə â loʼ ni keeli bəghəm i fə̀ŋ.

Kəfwaʼ 14:18

Ghɔɔmə zən n nam way ni buu naŋa nɔɔ kə aghə̂ kən nə̀ ghə ka ndow n sə̂ kə ni fəələ umaʼlə tə Pɔl nsə Banabas.

Kəfwaʼ 14:2

Ghə̂ a Təjuu ghən ghə â khə way bəghəm i fə̀ŋ zə n fədlə kuu tənyɔʼ, bəəbə maʼa kɔʼ fə̀ŋ tə ghə̂ ghey ghə way ghə̂ a Təjuu ghə kuum Pɔl ghi Banabas nsə dzûmə tə Klisto tə loʼ tey.

Kəfwaʼ 14:21

Ambə ghə ndownə n naʼ i Debe, Pɔl nsə Banabas n naʼa tûm i dzuŋu zə tə ghə̂ ghey fu. Ndəmə aghə̂ n bəghəm tə Yeso fu n naʼ i tii zə. Ghə n kəm nuu tsu fu, ndow dzəŋŋə n naʼ i Listra, tsəghə ndow daŋŋə n naʼ i Ikonum, kəm dzəŋə bə n naʼ i Antyɔk zey n Pisidya.

Kəfwaʼ 14:26

Ghə n nuu tsu fu nə Atalya kəfən, ndow dzəŋŋə n naʼ i Antyɔk. À loʼ n luʼu kən ghə â gɔŋŋənə tii nə̀ Zə̀ kə fuu ghə n ndzuŋ ni fwaʼ fwaʼ kən ghə kuʼlə mayyə kɔʼnə.

Kəfwaʼ 14:4

Ghə̂ ghə n dzawwə doʼo bə fu tii inaʼ, ghə̂ a loʼ ghə n bəghəm dzəŋi ndow ghi ngəd tə Təjuu, a loʼ ghey ghə bəghəm dzəŋi ndow ngəd tə Yeso tey.

Kəfwaʼ 14:5

Sey, ghə̂ a loʼ ghə n ghə̂ ghey ghə way ghə̂ a Təjuu ghə nsə ghə̂ Təjuu ghə n ndow koʼ ndow ghə̂ a nii ghey fu inaʼ, ghə n bəghəm dzəŋi kɔʼ ni chɔd Pɔl nsə Banabas, ghə təmmə wey ghə nə atay.

Kəfwaʼ 15:26

À wən loʼ aghə̂ nə̀ ghə n bəghəm ni kpu n zəd i Mûkəbii Yeso Klisto.

Kəfwaʼ 17:13

Ambə ghə̀ a Təjuu ghey n Tesalonika zow tsu nə̀ Pɔl naʼlə ghɔɔmə i Kəzə̀ n Beria, ghə a loʼ ghə n ndow soʼo fu, təəbə tsu aghə̂, teyyə naŋa kɔʼ naʼ i tii zə nə ifuu.

Kəfwaʼ 22:20

Nghee ghə â wey Sitifən wey tə â tiilə dza ghəə ghə ghə̀, mə â tey soʼonu fu, mə n bəghəm fu ndow nə̀ ghə wey wi. À loʼ mə, mə â keyyənə ndzə̂ tə ghə̂ ghey ghə â weynə wi.’

Kəfwaʼ 7:58

Ghə n kwu tsu wi, sìi nuu shi ndow wi nə inaʼ, zey ndow ni təmmə wi nə atay. Ghə̂ ghey ghə â teynə fu, tɔʼɔ zow ghəə ghey Sətifən dzanə, n tsɔʼlə kɔʼ saŋ tə ghə, naŋa ndow n səə waa fəghaŋ u loʼ wə ghə tɔŋŋə nə̀ a loʼ Sɔl.

Kəfwaʼ 9:16

Mə i diinu tə wi nghee tə khə ni fəghə tii bòʼ mə.”

1 Kɔrint 15:31

Waazə ghə, n dza bə tə̀ ghaa nə̀ n koʼo ivə tsuʼu n dzəm. À kee loʼ nə̀, kɔʼlə mey n khənə à loʼ nə̀ ghaa loʼ nə kəfə kəmɔʼ ghi Yeso Klisto tə loʼnə Mûkəbii saa.

2 Kɔrint 11:23

Ghə dza nə̀ ghə loʼ ghə̂ a kəfwaʼ a Klisto ə? (N ghɔɔmə tə̀ a loʼ wù zəghə), n buʼ tsəghəshi ghə. Mə n fwaʼ ndəmə tə aghəə tə səŋi tə, nyi n ndaw tsaʼ n ndəmə tənəŋə, ghə n mə bwɔd n ndəmə tənəŋə, mə n koʼ və zə n ndəmə tənəŋə.

2 Kɔrint 11:25

Ghə n bwɔd mə n kwɔɔ fə kəvuʼ tənəŋə tətəghə, təmmə mə nə̀ atay inəŋə imɔʼ. Fən kə n məllə ghi mə tənəŋə tətəghə. Mə n doʼo bweeli koʼ n dzuu fətsuʼ fəmɔʼ.

2 Kɔrint 11:26

Mə n bwey n ndəmə tənəŋə. Mə n kuŋ kii nə kəfən n ndəmə tənəŋə. Ghə̂ a tsɔŋɔ ghə n wey kìi mə n ndəmə tənəŋə. Ghə̂ a Təjuu ghə n dəm ni wey mə n ndəmə tənəŋə. Ghə̂ ghən ghə way ghə̂ a Təjuu ghə n dəm soʼo ni wey mə. Ghə̂ ghə n dəm ni wey mə n fə̀ŋ inaʼ. Ghə̂ ghə n dəm ni wey mə inaʼ. Mə n kuŋ kìi n nali kə dzuu. Dzûmə tə Klisto tə tsɔŋɔ tə u ləghə soʼo ni wey mə.

1 Tesalonika 2:14

Waazə ghə, ghaa â bɔɔmə bwey kə n ghow kə ibwey kə ghə̂ ghey ghə loʼnə n ndaw tə Kəzə̀ tey n naʼ i Judeya, ghə loʼ nə̀ ghə n bəghəm tə̀ Yeso Klisto. Ghaa â bɔɔmə fəghə kɔʼ bə n wɔɔ kə ghə̂ ghə inaʼ a ghaa, ighələ tə̀ ghə â fəghənə n wɔɔ kə ghə̂ a Təjuu ghən ghə â ka bəghəm tə̀ Klisto.

2 Timoti 3:11

Wə khənu nghee ghə â chɔdnə mə tii nsə nghee mə â fəghənə tii. Wə khə soʼonu chɔd mey mə â keelinə n naʼ i Antyɔk, Ikonum, nsə n Listra. Nghee tə ghəə ghən â shinə n kow mə, Mûkəbii n nam bəghəshi mə n ghəə a tii ghə adzəm.