Kəfwaʼ 14:15 - Kaa n Kəzə̀ n fəghə mə

¹⁵ “Kə̂ ghaa nə ghəŋŋənə ghəə ghən, ghey loʼ soʼo ghə̂ a sɔŋtsuʼ tə a loʼ ghaa! Ghey fa bə ni bə naʼa tûm i dzuŋu zə tə̀ ghaa, nə̀ ghaa loʼ ni kwey nuu bə fə̀ŋ tə ghaa n ghəə ghən a gaamə way ghaa, ghaa i ngɔɔmə ndow Zə̀ kən kə loʼnə utaw. À loʼ Zə̀ kən kə loʼnə utaw kə â bɔmnə mbi idzəm, tɔŋɔ bəkighow, ghəlikətsə, tədzuu, nsə fə wey tii udzəm.

Kəfwaʼ 14:15 ပူးပေါင်းရင်းမြစ်များ

Matyo 16:16

Shimun Pita n beeli ndòw wi nə̀, “Wə loʼ Klisto, Waa Kəzə̀, Zə̀ kən kə loʼnə utaw nəŋə tədzəm.”

Tùm i dzuŋu zə kuum Yeso Klisto tə Jɔn â tɔɔnə 5:26

Nghee tə̀ Bày n wû u wi wə, fuunə muu zə tə̀ ghə̂ ghə, tə n ghəŋə nə̀ Waa i loʼ soʼo ni fuu imuu tə ghə̂ ghə.

Tùm i dzuŋu zə kuum Yeso Klisto tə Jɔn â tɔɔnə 7:18

Wù wey tə ghɔɔmənə n ngəŋ ə wi sey ləghə nə̀ ghə̂ ghə i fuu bə wi n kɔʼlə mə. Wù wey tə kee ləghənə ni fuu kɔʼlə mə tə wù wey tə tûmnə wi, ghɔɔmə kə isəŋə, wù tii badla soʼo way ghəə ghə.

Kəfwaʼ 10:26

Pita n kee ney nuu kɔʼ wi, dza nə̀, “Nuu kɔʼ idəŋ, n loʼ soʼo wù sɔŋtsuʼ tə a loʼ wɔ.”

Kəfwaʼ 13:32

Ghey nya fa bə ni naʼa bə tûm i dzuŋu zə tə ghaa bòʼ təb kən Zə̀ kə â təb naŋanə tə ghə bày bày a saa ghə.

Kəfwaʼ 14:21

Ambə ghə ndownə n naʼ i Debe, Pɔl nsə Banabas n naʼa tûm i dzuŋu zə tə ghə̂ ghey fu. Ndəmə aghə̂ n bəghəm tə Yeso fu n naʼ i tii zə. Ghə n kəm nuu tsu fu, ndow dzəŋŋə n naʼ i Listra, tsəghə ndow daŋŋə n naʼ i Ikonum, kəm dzəŋə bə n naʼ i Antyɔk zey n Pisidya.

Kəfwaʼ 14:7

Ghə n ndow n sə kə ni naʼlə tûm i dzuŋu zə fu tii.

Kəfwaʼ 16:30

Tə n ney shi bə ghə dza tə̀ ghə nə̀, “Ghə mûkəbii ghuŋ ghə, n loʼ ni ji ngee ni keeli ibəghəshi ə?”

Kəfwaʼ 27:10

“Waazə ghə, n koʼo tə bwey zən i dzɔb way isə abə saa ndow kə n sə kə. Saa i guŋŋənu fə wə nsə fən kə, ghə̂ ghə i guŋu soʼo muu i ghə.”

Kəfwaʼ 27:21

Nghee ghə ngii doʼo kəŋə ndownə nə̀ ghə ka gaʼ fə kə nə idzuu, Pɔl n nuu təmi kɔʼ n sə kə ghə, dza tə ghə nə̀, “Waazə ghə, abə ghaa mə zow bə ghɔɔmə zuŋ zə, tə saa mə ka nuu shi bə dzə n Krit. Sey, saa mə way dzə ni bə nyîmmə fa, saa mə way soʼo ni guŋu ufə.

Kəfwaʼ 27:25

Sey, waazə ghə, kow tsu na fə̀ŋ tə! N təŋkey, n khə bəghəm i fə̀ŋ n kow Zə̀ kə nə̀ ghəə zey tə dzanə tə mə, i bɔɔmə shiə kə tə̀ tə dzanə.

Kəfwaʼ 4:24

Ambə ghə zow tsunə ghəə ghən, ghə n təmdzəŋi bə ni gɔŋŋə, gɔŋŋə shi kɔʼ n dzə i taw zə tə Zə̀ kə nə̀, “Zə̀ kə, wə loʼ zaamə mbi, à loʼ wɔ wə bɔmnə bikighow kə nsə ghəlitsə kə, à bəm wɔ nali kə dzuu kə, nsə fə wən udzəm u loʼnə fa n mbi.

Kəfwaʼ 7:26

Tsətsə wey, Mushi n koʼ ndow ghə̂ ghə Izree abəghə ghə zùulənə n wû i ghə, tə n dəmə ni bayyə naŋa tsu ghə, dza tə ghə nə̀, ‘A boo, ghaa loʼ awaazə, a loʼ kee ghaa zùulənə n wû i ghaa?’

1 Kɔrint 8:4

N ghəə a zəə ghə nfəzəə mən ghə fuunə tə̀ muʼu mə, saa ndzəm khənu nə̀ muʼu n khə way daʼa kə loʼ kə fa n mbi, saa a khə soʼonə nə̀ Zə̀ kə loʼ kə kəmɔʼ.

Efesus 4:17

À wən loʼ ghə i tii zə n dza i ghɔɔmə bə tə̀ ghaa n daʼa kən Mûkəbii fuunə tə̀ mə, tɔʼɔ zəllə tsu na. I kə̂ ghaa nə̂ kəm muulənə tə̀ a loʼ ghə̂ ghey ghə ka bəghəm tə̀ Zə̀ kə, ghə moʼlə kə ndzoʼo ghəə ghey a gaamə way wù.

1 Tesalonika 1:9

N dza sey n təŋkey, luʼu tədzəm, ghə tiilə dza kaabənu jìi zey ghaa â kpii neynə ghey tii. Ghə a tiillə dza soʼonə nghee tə̀ ghaa tuu maʼanə ni kəm ngɔɔmə muʼu mə tii, kaʼ ndow ni ngɔɔmə Zə̀ kən kə ndzəm loʼnə Zə̀ kə, loʼ soʼo utaw.

1 Timoti 3:15

abə n kpaʼi loʼlənə ni bə, màʼlə kən kə i ghəŋə nə̀ ghaa keeli nghee dzûmə tə Klisto tə khə ni muu tii n wû i ghə. Dzəŋi kən loʼ dzəŋi kə Zə̀ kən kə loʼnə utaw. À loʼ dzûmə tən tə tɔɔmənə nə̀ ghɔɔmə i Kəzə̀ zə i loʼ tsətsəghə ighələ tə̀ tsə kə ndaw nsə nyəllə u tɔɔmənə ndaw nə̀ kə i nə bwunə.

Hibru 3:12

Waazə ghə, ghaa ney ighə̂mə nə̀ kə wù ghaa u loʼ u nə keeli fə̀ŋ i bəbə zə tə̀ tə loʼ ni tuu ni bəghəm tə̀ Zə̀ kə. Wù wey tə khənə ndzoʼo fə̀ŋ zən, way dzə ni ndow n səə Zə̀ kən kə fuunə muu zə.

Jems 5:17

Elayja â ngəŋŋə loʼ soʼo wù sɔŋtsuʼ tə a loʼ saa, ambə tə gɔŋŋə tsunə n fə̀ŋ ə wi idzəm nə kə ghow i nə tsuunə, zə n bɔɔmə doʼo sey. Ghow zə n ka tsu n ghəlitsə kə tii kə nə tənum tətəghə n bad kə.

Chi dii 14:7

Tə n dza n dzə̀ i taw zə nə̀, “Ngɔɔmə na Zə̀ kə, ghaa fuu soʼo nkɔʼlə tə wi, n təŋkey, nəŋə zey tə khə ni saʼ aghə̂ tii n kpi. Ghaa ngɔɔmə wù wən tə â bɔm bikighow kə, ghəlikətsə, nali kə dzuu nsə tɔŋ n tədzuu mən mmuu n bənə shiənə tii.”

Chi dii 19:10

Mə n bwu ndow n tənə fuu i wi ni ngɔɔmə wi. Tə n fəd dza tə mə nə̀, “Ngaŋ ka ghəŋə sey! N loʼ soʼo wù kəfwaʼ tə a loʼ wɔ ghi ghə̂ ghən ghə bəghəmnə tə̀ Yeso. I ngɔɔmə Zə̀ kə! Boʼnə à loʼ Zay kə Zow kə, kə chi dii ghəə ghə tə̀ tûm tə Kəzə̀ tə kuum Yeso.”

Chi dii 19:19

Mə n daŋŋə koʼ ndow faalə kə nyam mbvən zey, koʼ ndow soʼo dəŋ u ghəlikətsə nsə sawgoʼ tə ghə tə nə̀ ghə n zuŋŋə bə ni zuu ballə wù wey tə â nyəŋənə khinyam key nsə sawgoʼ tə wi tə.

Chi dii 22:9

Tə n fəd dza bə tə̀ mə nə̀, “Ka ghəŋə dzə sey! N loʼ soʼo wù kəfwaʼ tə a loʼ wɔ ghi waazə ghə ghə̀, ghə loʼnə tûm tə Kəzə̀ nsə ghi ghə̂ ghey adzəm ghə dzûmənə ghɔɔmə zən i loʼnə n màʼlə kən. Ngɔɔmə Zə̀ kə!”

Chi dii 4:11

“Mûkəbii ghey nsə Zə̀ kə ghey kə, wə kɔʼ kpiinu nə̀ ghə̂ ghə i fuu wɔ n kɔʼlə mə, ngɔɔmə soʼo wɔ n daʼa key wə khənə. Â bɔm wɔ fə wə udzəm, â tsəm soʼo wɔ nə̀ fə wən i loʼ, u keeli soʼo imuu.”