Kəfwaʼ 13:48 - Kaa n Kəzə̀ n fəghə mə

⁴⁸ Ambə ghə̂ ghey ghə way ghə̂ a Təjuu a zow tsunə ghəə ghən, ghə n duʼlə, fuu soʼo ukali n ghɔɔmə i Mûkəbii zən. Sey, ghə̂ ghən Zə̀ kə â sàynə nə̀ ghə zə̂ itsali, ghə n keeli kɔʼ bəghəm i fə̀ŋ.

Kəfwaʼ 13:48 ပူးပေါင်းရင်းမြစ်များ

Matyo 25:46

Sey, ghə i tûm nuu ndòw ghə n luʼu key ghə̂ a fəʼlənə tii nəŋə tədzəm, ghə̂ ghey ghə loʼnə tsətsəghə i zə̂ itsali.”

Matyo 28:16

Ngəd tə Yeso tey ighəm n ghii fə fəmɔʼ n nuu ndow n Galili, ndòw n kaʼ wey Yeso â dzanə tə̀ ghə nə̀ ghə i ndòw fu.

Lukas 7:8

Kùmnə n lòʼ soʼo n tənə kədaʼa, mə n khə soʼonə sawgoʼ tə n tənə mə. Sey, abə n dza tsunə tə̀ umɔʼ nə ‘Ndow’ tə n mə i ndow, mə n dza tsu tə u lòʼ wə nə ‘Bəghə’ tə n mə i bə, nkee tə wù kəfwaʼ wùŋ nə ‘Ghəŋə ndòw sa’, tə n ghəŋə i ndòw.”

Tùm i dzuŋu zə kuum Yeso Klisto tə Jɔn â tɔɔnə 10:16

N khənu njì tə loʼ tə nə̀ tə way dzə n kaʼ kən. N khə ni ney təmdzəŋi bə ghə, ghə i dzəŋi zow tə̀ mə. Sey nə̀ ghə i dzəŋi loʼ nə kəkaʼ kəmɔʼ, ghə i khə soʼo wù baʼa u tənjì wə umɔʼ.

Tùm i dzuŋu zə kuum Yeso Klisto tə Jɔn â tɔɔnə 11:52

Tə n dza zey soʼo nə̀, Yeso i kad kpu kə way n tow kə naʼ i Təjuu, a i loʼ soʼo ni zuŋŋə dzəŋŋə bə waa a Kəzə̀ ghey ghə saŋŋə doʼo kaabənə n badla tə mbi tədzəm.

Kəfwaʼ 13:12

Ambə gɔvənɔ wən koʼ tsu ghəə ghən a shinə, tə n daŋŋə doʼo bə dzûmə ə Klisto. Dzuu zə zum wi n ghəə ghən tə â diinə bòʼ Mûkəbii.

Kəfwaʼ 13:42

Nghee Pɔl nsə Banabas zəghə tsunə ndaw kədzəŋi ə ghə̂ a Təjuu, nuu ndow, ghə̂ ghə n buʼ kəwɔɔ tə ghə nə̀ ghə i kəm bə kpiʼi n tsuʼ inaʼ wən u kəŋŋə bə nə tə ghə bə dza kpiʼi bə ghə n ghəə a Kəzə̀ ghə.

Kəfwaʼ 15:2

Ghəə zən n ghəŋŋə nə̀ Pɔl nsə Banabas keeli izuu ghi ghə. Sey, dzûmə tə Klisto tey fu n baa say kɔʼ Pɔl, Banabas nsə dzûmə tə loʼ tə nə̀ ghə ndow bəb zow bə ghə i tii zə tə ngəd tə Yeso nsə ghə̂ a nii ghə n dzəŋi kə dzûmə tə Klisto key n Yerosalem.

Kəfwaʼ 15:31

Nghee ghə tɔŋɔ kɔʼnə màʼlə kə tii kə, ghə n ngii duʼlə n təŋkey kə â ngii kuu fə̀ŋ tə ghə.

Kəfwaʼ 2:41

Ndəmə aghə̂ n bəghəm ghɔɔmə i wi, ney mmuu n Kəzə̀. Taŋ a ghə̂ ghey ghə â bəghəmnə tə Yeso n tsuʼ fə tii fə n loʼ tə a loʼ aghə̂ təkam tətəghə.

Kəfwaʼ 2:47

Ghə n fuu nkɔʼlə tə Zə̀ kə, aghə̂ adzəm n ngii ləghə ghə. Tsuʼu n dzəm, Mûkəbii n bəghəshiə aghə̂, kuu kpiʼi kɔʼɔ ndow taŋ ə ghə̂ ghey ghə bəghəmnə tə wi.

Kəfwaʼ 20:13

Ghey n daŋŋə ndow nyi kɔʼ nə kəfən, baŋ daŋ shi ndow n naʼ i Asos ni ney daŋ tsə Pɔl fu n təŋkey, tə â nuu ndow nə aghow, kee dza naŋa tsu nə ghey ney daŋ tsə wi fu nə kəfən.

Kəfwaʼ 22:10

Mə n bəb tə wi nə̀, ‘Mə i jiə tsu ngee a Mûkəbii?’ Mûkəbii n dza tə mə nə̀, ‘Nuu kɔʼ, wə nyi ndow n Damaskus. À loʼ fu ghə i dza bənə tə̀ wɔ ghəə ghey adzəm Zə̀ kə dza naŋa nə̀ wə ghəŋə.’

Kəfwaʼ 28:23

Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.

Kəfwaʼ 8:8

Ghəə ghən n ghəŋŋə nə̀ ghə̂ ghə inaʼ a tii a ngii keeli iduʼlə.

Roma 11:7

Saa loʼ ni kəm dza tsu nə̀ ngee nya a? Ghə̂ ghə Izree ghə â ka keeli dzə fə key ghə â kəŋənə, â lo kə sə fə aghə̂ fən Zə̀ kə â sày naŋanə. Zə̀ kə n kee ghəŋə nə̀ ghə̂ a loʼ ghey tawwə naŋa kɔʼ fə̀ŋ tə ghə nə̀ ghə i zow way ghəə zey tə dzanə tə ghə.

Roma 13:1

Aghə̂ adzəm khə ni zow tə ghə̂ ghey ghə loʼnə tow wə inaʼ n təŋkey, ghə way fu n daʼa kə ghə. À loʼ Kəzə̀ tə tsuʼ naŋa ghə nə ghə i saʼa ghə̂ ghə.

Roma 8:28

Saa khənu nə̀, Zə̀ kə ghəŋŋə nə̀ ghəə ghey adzəm a shiənə, a fwaʼ n ndzuŋ ə ghə̂ ghey ghə ləghənə wi. À wən loʼ saa ghən Zə̀ kə â tɔŋɔnə nə̀ saa ghəŋə ghəə ghey tə â bayyə naŋanə nə saa ghəŋə.

1 Kɔrint 16:15

Waazə ghə, ghaa khənu nə̀ Stefanas ghi ghə̂ ghey n ndaw wi â loʼ ghə̂ a sə isə ghə ni fəd doʼo bə dzûmə tə Klisto n mboʼo Akaya. Ghə a fuu may ndownə wû i ghə zə ni fwaʼa tə̀ ghə̂ a Kəzə̀ ghə.

Efesus 1:11

À loʼ nghee saa loʼnə nə kəfə kəmɔʼ ghi Klisto, Zə̀ kə say soʼonə saa nə̀ saa keeli naamə key tə â naʼa naŋanə. Tə n bɔɔmə fwaʼ kɔʼ bə aghəə adzəm tə̀ tə â moʼlə naŋanə ni fwaʼ, tə n bayyə naŋa i tsu.

Efesus 1:19

N gɔŋŋə soʼo nə̀ ghaa zowkeeli tsu ndzoʼo daʼa kə nii kən Zə̀ kə khənə, nə̀ wù ndɔm way ni fòʼlə. À loʼ daʼa kə tii kə, kə fwaʼanə n kow saa ghən saa bəghəmnə tə̀ wi,

Efesus 1:4

Zə̀ kə mâ khə sày saa nə̀ ghə ka mbi kam bɔm, nə̀ saa i loʼ ghə̂ a wi ghə nghee saa loʼ nə kəfə kəmɔʼ ghi Klisto, sey nə̀ saa i zow, khə way dzə u loʼ wə n sə kə wi. Bòʼ ləghə zən tə khənə n kow saa,

Efesus 1:5

tə mâ khə bayyə naŋa nə̀ saa i bə doʼlə waa a wi n bam i Yeso Klisto, n təŋkey, â loʼ ghəə zey tə â tsəm tsu ni fwaʼ n fə̀ŋ ə wi i dzuŋu zə.

2 Tesalonika 3:1

Ni guŋ kɔʼ waazə ghə, ghaa i gɔŋŋə tə ghey. Ghaa i gɔŋŋə nə̀ ghɔɔmə i Mûkəbii zam ndow luʼu tədzəm, nsə nə̀ ghə̂ ghə i loʼ ni ngɔɔmə naŋa ghɔɔmə i tii zə tə̀ zə â loʼ nə ghi ghaa.