Kəfwaʼ 13:45 - Kaa n Kəzə̀ n fəghə mə

⁴⁵ Ambə tow wə inaʼ u ghə̂ a Təjuu ghey koʼ tsunə nɔɔ kə aghə̂ kən, ghə n kaʼ ni ghoʼ, khə̂mə ghəə ghən Pɔl dzanə, kpaalə soʼo wi.

Kəfwaʼ 13:45 ပူးပေါင်းရင်းမြစ်များ

Matyo 23:13

Yeso n dza tə ghə nə̀, “Ngoʼ î loʼ tə̀ ghaa, ghə̂ a dii a kəlaŋ ghə nsə ghə̂ a tə Falasi ghə, n təŋkey, ghaa loʼ ghə nəb ityim. Ghaa fii naŋŋə fuʼ u ndaw u fɔɔ wə idəŋ wə nə̀ kə̂ ghə̂ a nə̂ nyiənə tii, wû u ghaa, ghaa u nyiə soʼo way tii, ghaa u ləghə way nə̀ ghə̂ a loʼ a nyi.

Matyo 27:18

Tə â sey bəbə n təŋkey, tə â khənu nə̀ ghə̂ a Təjuu ghə â ney bə Yeso n səə wi nə a loʼ kəghoʼ.

Kəfwaʼ 13:50

Ngəd tə Təjuu tə n fədlə kuu tənyɔʼ n kow gheyzən a səŋi ghə nsə gheynum a nii ghey ghə ngɔɔmənə Zə̀ kə fu inaʼ nə ghə nuu təmi kɔʼ n tow kə Pɔl nsə Banabas. Ghə n zey ndow ni chɔd Pɔl nsə Banabas, dzum shi daŋŋə ndow ghə fu n mboʼo tii.

Kəfwaʼ 14:19

Ghə̂ a Təjuu a loʼ ghə, ghə a nuu bənə n naʼa tə Antyɔk nsə nə Ikonum n ndow bə fu n Listra. Ghə nəəbə tsu nɔɔ kə aghə̂ key nə ghə dzəŋi bə i ghə. Sey ghə n təmmə Pɔl nə atay, sii nuu shi ndow ghi wi n naʼ i tii zə ndow maʼa naŋa ndow wi, khə kə nə̀ tə n kpuu.

Kəfwaʼ 14:2

Ghə̂ a Təjuu ghən ghə â khə way bəghəm i fə̀ŋ zə n fədlə kuu tənyɔʼ, bəəbə maʼa kɔʼ fə̀ŋ tə ghə̂ ghey ghə way ghə̂ a Təjuu ghə kuum Pɔl ghi Banabas nsə dzûmə tə Klisto tə loʼ tey.

Kəfwaʼ 14:4

Ghə̂ ghə n dzawwə doʼo bə fu tii inaʼ, ghə̂ a loʼ ghə n bəghəm dzəŋi ndow ghi ngəd tə Təjuu, a loʼ ghey ghə bəghəm dzəŋi ndow ngəd tə Yeso tey.

Kəfwaʼ 14:5

Sey, ghə̂ a loʼ ghə n ghə̂ ghey ghə way ghə̂ a Təjuu ghə nsə ghə̂ Təjuu ghə n ndow koʼ ndow ghə̂ a nii ghey fu inaʼ, ghə n bəghəm dzəŋi kɔʼ ni chɔd Pɔl nsə Banabas, ghə təmmə wey ghə nə atay.

Kəfwaʼ 17:5

Ghə̂ a Təjuu a loʼ ghey n kee ghoʼo ghə i tii zə. Ghə n tɔŋɔ zuŋŋə bə ngaamə tə aghə̂ tə loʼ tə n jii, teyyə naŋa kɔʼ inaʼ nə ifuu. Ghə n kwɔɔ ndow n ndaw Jason, ghə kəŋə ndownə Pɔl ghi Silas ni ney fu shi bə ghə tə nɔɔ kə aghə̂ key.

Kəfwaʼ 18:6

Ambə ghə̂ a Təjuu khə̂mə ghɔɔmə i Pɔl zə, zey ndow ni kpaalə wi, tə buʼ maʼa tsu kəbvə n ndzə̂ tə wi ni dii tsu nə̀ tə n nyoʼo dzəm tə ghə. Tə n dza tə ghə nə̀, “Və i ghaa i laalə kə ghaa, wɔɔ kuŋ kə way tii. Ni nuu tsu nya ndow isə, mə i tûm i dzuŋu i nya naʼlə kə tə ghə̂ ghən ghə way ghə̂ a Təjuu ghə.”

Kəfwaʼ 19:9

Ghə̂ a ghə a loʼ ghə n kee taw n tow kə, tuu ni bəghəm tûm i dzuŋu zə, khəə soʼo ghəə a bəbə ghə kuum Jìi zey Mûkəbii ləghənə n sə kə aghə̂. Pɔl n zəghə tsu ghə, ney nuu ndow ghi dzûmə tey tə â bəghəmnə tûm i dzuŋu zə ghi wi. Ghə n dzəŋi ndow ghɔɔmə zeeli tsə tsuʼu n dzəm n dzuu i ndaw i nii zey Tayranus â dii tsənə ghə̂ tii.

Kəfwaʼ 5:17

Fɔɔngili u nii nii wə nsə ghə̂ a wi ghə, ghə â loʼnə n zəghə u tə Sadusi, n khə kəghoʼ, ghə daŋŋə dza nə̀ ghə khə ni chɔd ngəd tə Yeso.

Roma 1:29

À n fə̀ŋ tə ghə luu doʼo tən kə lii tə aghəə tey tə kpiilə way n sə K-a-zə̀, tə aloʼ ghəə a bəbə, umə̂, mwam u bəbə wə. Ghəə ghey a kpiilə way tə aloʼ kəghoʼ, ni wey wù, ni tsowwə ghɔɔmə, ni nəbə ghə̂ ghə, khə fənyiʼi n kow ghə̂ ghə, khəə kaabə soʼo təfəghəm.

1 Kɔrint 3:3

I loʼ sey n, n təŋkey, ghaa nam muu ndzoʼo muu zən ghə̂ a mbi a muunə. Abə ghaa nam khənə ghoʼ kə n fəŋŋə kə ghaa, zuulə soʼo n wû i ghaa, i dii bənu nə̀ ghaa loʼ ghə̂ a mbi, ghaa a ghəŋŋə soʼo ghəə ghə tə a maŋ loʼ wù sɔŋtsuʼ wən tə khə way Zə̀ kə.

2 Kɔrint 11:26

Mə n bwey n ndəmə tənəŋə. Mə n kuŋ kii nə kəfən n ndəmə tənəŋə. Ghə̂ a tsɔŋɔ ghə n wey kìi mə n ndəmə tənəŋə. Ghə̂ a Təjuu ghə n dəm ni wey mə n ndəmə tənəŋə. Ghə̂ ghən ghə way ghə̂ a Təjuu ghə n dəm soʼo ni wey mə. Ghə̂ ghə n dəm ni wey mə n fə̀ŋ inaʼ. Ghə̂ ghə n dəm ni wey mə inaʼ. Mə n kuŋ kìi n nali kə dzuu. Dzûmə tə Klisto tə tsɔŋɔ tə u ləghə soʼo ni wey mə.

Galeshia 5:21

wù wey tə ləghə way ni koʼ nə̀ wù loʼ shi kəfə, ni məə khəə nlə mə, dzəŋi u bəbə wə nsə ndəmə ghəə a bəbə a loʼ ghə tə a loʼ a ghən. Tə mə â buʼ kii naŋa dzənə tə ghaa, n nam kii naŋŋə bə ghaa nə̀, wù wey tə ghəŋŋənə ndzoʼo ghəə ghən nə nyi koʼ way n fɔɔ u Kəzə̀.

1 Tesalonika 2:16

Ghə ndeemi iwû ni buu naŋa ghey nə̀ kə̂ ghey nə̂ naʼlənə ghɔɔmə i Kəzə̀ zə tə̀ ghə̂ ghən ghə way ghə̂ a Təjuu ghə, nə̀ ghə mbɔŋ keeli ibəghəshi. Ghə n sey zuŋŋə naŋa kɔʼ bə ghəə a bəbə ghə, sey, ngoʼ ə Kəzə̀ n bə n kow ghə.

2 Timoti 3:11

Wə khənu nghee ghə â chɔdnə mə tii nsə nghee mə â fəghənə tii. Wə khə soʼonu chɔd mey mə â keelinə n naʼ i Antyɔk, Ikonum, nsə n Listra. Nghee tə ghəə ghən â shinə n kow mə, Mûkəbii n nam bəghəshi mə n ghəə a tii ghə adzəm.

Jems 4:5

Ghaa moʼlə nə̀ à maŋ loʼ kənunu i tɔ̀ɔ doʼonə n màʼlə K-a-zə̀ nə̀, “Zə̀ kə ngii ləghənu Zay key tə kuu naŋanə n kow saa.”

1 Pita 4:4

Dzuu i nya zum ghə̂ ghən ghə khə way Zə̀ kə nghee ghaa kəm təmə dzəŋi way ghə n dzəə dzəə kə imuu key ghə muunə ghii kə, à wey loʼ ghə i tii zə ghə kpaalə kaabə tsənə ghaa.

Màʼlə kə Jud tə̀ ghə̂ a Kəzə̀ ghə 1:10

Ghə̂ ghən a maŋa kpaalə kənə fə kə nə̀ ghə buʼ khə way fə kə tii kə. Ghə maŋa ghəŋŋə ghəə zey ghə moʼlə kɔʼnə ni ghəŋə tə a loʼ nyam tə mbvən tə. Ndzoʼo ghəə ghən ghə ghəŋŋənə loʼ ghəə ghey a ləŋi maʼanə ghə.