Kəfwaʼ 12:19 - Kaa n Kəzə̀ n fəghə mə

¹⁹ Herɔd n tsəʼlə tsu kəlaŋ nə ghə kəŋ bə Pita. Ghə n kee kəŋ kii tsu wi. Herɔd n saʼ sawgoʼ tey tə â keyyənə Pita, daŋŋə fuu ndow kəlaŋ nə̀ ghə wey ghə. Ambə ghə wey tsunə ghə. Herɔd n zəghə tsu Judeya, ndow dzə doʼo kəŋə ndow n Kayserya.

Kəfwaʼ 12:19 ပူးပေါင်းရင်းမြစ်များ

Matyo 2:1

Ghə â ji Yeso n naʼ i Betelehem n mboʼo Judeya. Â loʼ n nəŋə zey Helɔd â loʼnə də̀ŋ kə tii. Ghə̂ a tɔbə à loʼ ghə n zə̀ghə tsu naʼ i ghə n bad key nyi i shiə kɔʼɔ bənə tii, nyi bə n Yerosalem. Ghə n bəbə bə nə̀,

Matyo 2:13

Ambə ghə̂ a tɔbə ghey nuu tsunə, tsəndəghə ə Kəzə̀ n ndòw bə n səə Yosef nə ujim, dza tə̀ wi nə̀, “Nuu kɔʼ, wə̀ ney kɔʼ waa wən ghî zə̂, ghaa tyi tsu ndòw n naʼ zə Ijip, ghaa doʼo kə fu ni ndow kuum n nəŋə zey mə i teeli bə dza bə tə̀ ghaa nə̀ ghaa loʼ ni dzəŋŋə nya, n təŋkey, Helɔd kəŋə kaabə waa wən ni wey wi.”

Matyo 2:16

Ambə Helɔd bə keeli kɔʼnə nə̀ ghə̂ a tɔbə ghey n wi lòʼlə naŋa, tə n fəələ nay ndòw unəghə, daŋŋə tsəʼlə tsu kəlaŋ nə̀ ghə wey maʼa waa à num ghən ghə loʼnə nə̀ ghə ka kam kuum num tə̀ təbəghə n naʼ i Betelehem nsə n dəŋə kə tii kə kədzəm tə̀ tə â tɔʼlə shi kɔʼnə n wɔ̂ ghə̂ a tɔbə ghey.

Kəfwaʼ 12:18

Nghee tə tsuʼ u zow bə nə̀, luʼu tə n nuu num tsu n kow sawgoʼ tey, ghə sə məʼlənə luʼu key Pita ndownə tii.

Kəfwaʼ 12:4

Ambə tə kwu kɔʼnə Pita, tə n fii naŋa nyi ndow wi n ndaw tsaʼ. Tə n fuu naŋa ndow saʼ u təsawgoʼ ukaykə, nə kəsaʼ kəmɔʼ kə khə təsawgoʼ təkaykə nə ghə i keyyə wi. Herɔd â khə nə̀ abə Zə̂ kə taa zaʼa kə tsəghə tsunə, tə i naŋa shi bə wi n sə kə aghə̂ tə saʼ wi.

Kəfwaʼ 12:6

Ambə n tsuʼu tey Herɔd â khə ni bəd saʼ Pita tii, Pita n nyə̀ŋ n fəŋŋə kə təsawgoʼ təbəghə, nə̀ ghə n wi kùm naŋa nə tətsaʼ təbəghə. Sawgoʼ tə loʼ tə n tey n fuʼ u ndaw tsaʼ tə keyyənə.

Kəfwaʼ 16:27

Ambə wù wey tə laalənə ndaw tsaʼ zhəm kɔʼnə, koʼ ndow nə̀ fuʼu n təndaw n ndaw tsaʼ n loʼ təghə, tə n sɔŋ shi bə kɔb ə wi ni wey wû u wi, moʼlə kə nə̀ ghə̂ a ndaw tsaʼ ghey n tyi shi may.

Kəfwaʼ 21:8

Tsətsə wey, ghey n zəghə tsu fu, ndow bə n Kayserya, nyi ndow n ndaw fɔɔngili Filip, tə â loʼnə wù umɔʼ n ghə̂ ghey asəghəmbəghə ghə â say kɔʼ n Yerosalem ni gaamə bə ghey ni dzaw ufəzəə.

Kəfwaʼ 25:13

Ambə tsuʼu n loʼ n tsəghə tsu, Agripa tə loʼnə də̀ŋ kə ghi Benis n bə n Kayserya ghi ni bə dii uwû tə Festus tə loʼnə gɔvənɔ u fəghə wə.

Kəfwaʼ 27:42

Sawgoʼ tey n kad kɔʼ tsəm nə̀ ghə baa weyyə maʼa tsu ghə̂ a ndaw tsaʼ ghey adzəm nə̀ kə ghə nə təghə shiə ndownə n nguŋ i dzuu, ghə tyi nuu daŋŋə.

Kəfwaʼ 8:40

Filip n dza i koʼ nə̀ tə ndow shi n naʼ zə Azotus. Tə n ndow kə n sə kə ni naʼa tûm i dzuŋu zə n naʼa tey tə â loʼnə fu n jii, ndow kuum ndow n Kayserya.