Kəfwaʼ 10:35 - Kaa n Kəzə̀ n fəghə mə

³⁵ tə bəghəm naŋŋə aghə̂ adzəm, abə wù tii ngɔɔmə dzənə wi ghəŋŋə soʼo ghəə ghey a loʼnə tsətsəghə. Tə ney way n taŋ nə̀ wù tii shi n naʼ i ghaa zə.

Kəfwaʼ 10:35 ပူးပေါင်းရင်းမြစ်များ

Lukas 1:28

Tsəndəghə ə Kəzə̀ zey n ndòw n səə Maria dza tə̀ wi nə̀, “N tɔŋŋə zow bə wɔ a Maria, Bày n wɔ ləghə, tə u loʼ soʼo ghi wɔ.”

Kəfwaʼ 10:2

Tə â ngii gaʼ fə̀ŋ n ghəə a Kəzə̀. Wi ghi ghə̂ a wi ghə n ndaw adzəm n ngɔɔmə tsə Kəzə̀. Tə n buu n wɔɔ kə ni gaamə ghə̂ a Təjuu a laa ghə, gɔŋŋə soʼo tə Zə̀ kə nəŋə tədzəm.

Kəfwaʼ 10:28

Tə n dza tə ghə nə̀, “Ghaa tɔʼ khənu nə̀ laŋ kə ghey kə ka bəghəm dzə nə̀ wù Juu təmdzəŋi ghi wù wən tə way wù Juu, nkee ni bwey koʼ wi. Zə̀ kə n kee dii bə tə mə nə̀ kə n nə neynə wù loʼ tə a loʼ wù wey tə dzəənə nkee tə a loʼ wù wey wù Juu way ni təmdzəŋi ghi wi.

Kəfwaʼ 15:9

Tə n ney ghə ighələ tə̀ tə â neynə saa nghee tə sow maʼa tsu fə̀ŋ tə ghə tə n ghəə a bəbə ghey ghə â ghəŋŋənə bòʼ bəghəm i fə̀ŋ zey ghə khənə n kow Yeso.

Kəfwaʼ 9:31

À wən loʼ nəŋə zən kɔŋŋə kə â nyi bənə tii n kow ghə̂ ghə n dzəŋi u dzûmə tə Klisto wən n Judeya, Galili nsə n Samaria. Zay kə Zow kə n kuu fə̀ŋ tə ghə nə̀ ghə i muu n jìi zey Mûkəbii ləghənə. Taŋ a ghə n nyîmmə kɔʼɔ ndow naʼ idzəm.

Roma 2:13

I loʼ sey n təŋkey, a way dzə wù wey tə khənə ghəə ghey laŋ kə dzanə, tə doʼlənə tsətsəghə n sə K-a-zə̀, à loʼ wù wey tə ghəŋŋə ghəə ghə tə laŋ kə diinə, tə doʼlənə tsətsəghə n sə K-a-zə̀.

Roma 2:14

Isəŋə loʼ nə̀, ghə̂ ghən ghə way ghə̂ a Təjuu ghə, ghə khə way laŋ kə Mushi kə. Abə ghə kee ghəŋə ndownə ghəə ghey a shi kpiilənə ghi laŋ kə, i sey diinə ghə khənu laŋ kə n fə̀ŋ tə ghə abə ghə tsəm khə kə way ghəə zey laŋ kə diinə.

Roma 3:22

Zə̀ kə ney naŋŋə ghə̂ ghey adzəm ghə bəghəmnə tə̀ Yeso Klisto nə̀ ghə loʼ tsətsəghə. Tə ghəŋŋə sey tə ghə̂ ghey adzəm ghə bəghəmnə tə Klisto, tə ney way n taŋ nə̀ wə loʼ wù Juu nkee wə way wù Juu.

1 Kɔrint 12:13

N jìi i mɔʼɔ zə, saa adzəm, abə wə loʼ kə wù Juu nkee wù wən tə way wù Juu, wə loʼ kəkɔd nkee wù ngəŋ, a loʼ kə Zay kə Zow kə mɔʼɔ kə, kə fuunə ghaa n mmuu n Kəzə̀ mə ni ghəŋə nə̀ saa doʼo nə kəfə kəmɔʼ. Ghəə zey i loʼnə, loʼ nə̀ saa dzəŋi khə kə Zay kə Zow kə kəmɔʼ.

2 Kɔrint 7:1

Waazə ghuŋ a dzuŋu ghə, nghee tə̀ Zə̀ kə təb naŋanə ghəə ghən tə̀ saa, saa khə ni sow zowwə tsu wû i saa n wɔ ghəə ghən adzəm a loʼnə ni dzəələ wû i saa n fə̀ŋ nsə nə kəzay, a i muu muu zey i zownə, tsəŋə ndow soʼo Kəzə̀.

Galeshia 3:28

Ghaa ghən ghaa bəghəm nə tə Yeso Klisto, ghaa nya loʼ kəfə kəmɔʼ ghi Yeso Klisto. Kweyyə kə loʼ kə way dzə a dza nə̀ u loʼ wù Juu nkee u way wù Juu, u loʼ kəkɔd nkee wù ngəŋ, u loʼ weyzən nkee weynum.

Efesus 1:6

Tə â ghəə ghən ghəŋə sey nə̀, saa i kɔʼlə wi bòʼ ndzuŋ ə wi i nii zən tə funə tə saa naʼ idzəm n bam i Waa wi wən tə gaʼnə fə̀ŋ.

Efesus 5:21

Ghaa khə ni zow tə̀ waazə a ghaa ghə ni dii tsu nə̀ ghaa ndzəmə ngɔɔmənu Klisto.

Filipi 3:3

Ghey loʼ ghə̂ ghey ghə loʼnə nə ghə n ndzəm səghə tyi u ghə wə, tɔŋɔ ghey ghən ghey ngɔɔmənə Zə̀ kə n daʼa kə kən Zay kə Zow kə fuunə tə ghey. Ghey gaʼ fə̀ŋ n fwaʼ kə Yeso Klisto, à way dzə fwaʼ kə wù sɔŋtsuʼ.

Kolose 1:6

Tûm i dzuŋu zən zaamə n fəŋŋə kə ghaa tə i zaamə nə n mbi idzəm, ni ney nuu bə n tsuʼ fey ghə â naʼa tûm i dzuŋu zə tə ghaa, ghaa n zow, ndzəm zowkeeli tsu ndzuŋ zən Zə̀ kə khənə n kow ghaa.

Kolose 3:11

N muu i fəghə zən, kweyyə kə loʼ kə kəm way dzə a dza wə loʼ wù Juu nkee wə way wù Juu, nə ghə səghə tyi kə nkee ghə ka səghə ə, wə loʼ kəkɔd nkee wə way kəkɔd ə. Nə wə loʼ wù kətûm, nə wə loʼ wù mbvən, kweyyə kə loʼ kə way dzə. Isəŋə loʼ kə nə̀ Klisto loʼ kətow nə aghəə adzəm nə təjìi tədzəm.

1 Jɔn 2:29

Saa khə Klisto tə a loʼ wù wey tə loʼnə tsətsəghə, saa a khə soʼonə nə̀ wù wən tə ghəŋənə ghəə a wi ghə tsətsəghə, à loʼ waa Kəzə̀.