Kəfwaʼ 10:19 - Kaa n Kəzə̀ n fəghə mə

¹⁹ Nghee Pita nam kəŋə tow kə ni zowkeeli ghəə zey jim wey diinə, Zay kə Zow kə n dza ndow tə wi nə̀, “Ghə̂ a tey bii atəghə, ghə kəŋŋə bənə wɔ.

Kəfwaʼ 10:19 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 16:13

Abə Zay kən kə dìi bənə isəŋə bòʼ Kəzə̀ nə bənə, tə nə dìi bə ghaa nə isəŋə kuum Kəzə̀. Zay kə Zow kə nə ghɔɔmə way ghəə ghə n daʼa kə wi, tə nə teeli ghɔɔmə kə ghəə zey tə zow ghii zə, tə nə dza zey bə tə̀ ghaa ghəə zey i khə ni bə shi.

Kəfwaʼ 10:18

Ghə n bəb nyi ndow n dzə̀ i taw zə nə̀, “Shimun wən ghə tɔŋŋə nə̀ a loʼ Pita, muunu fa n ndaw ə?”

Kəfwaʼ 10:3

N tsuʼ fə loʼ fə, nə a kɔʼɔ ndow tənəŋə tətəghə n tsə tə, jim wə n bə wi nə tə mə koʼ ndow tsəndəghə ə Kəzə̀ i nyi bənə, dza tə wi nə̀, “Kɔnilus!”

Kəfwaʼ 11:12

Zay kə Zow kə n dza bə tə mə nə̀ kə n nə səmənə ni ndow ghi ghə. Waazə a saa ghən a tuubə n bə dzəŋi ghi mə, ghey n ndow nyi ndow n ndaw wù tii.

Kəfwaʼ 13:2

Nghee ghə ngɔɔmənə Mûkəbii, bam idzuu, Zay kə Zow kə n dza tə ghə nə̀, “Sày naŋa kɔʼ n na Banabas nsə Sɔl tə mə, nə̀ ghə i fwaʼa fwaʼ kən n tɔŋɔnə ghə tii nə ghə bə fwa.”

Kəfwaʼ 15:7

Ambə ghə ngii fə tsu dzuu ghə n ghə i tii zə, Pita n nuu təmi kɔʼ, dza tə ghə nə̀, “Waazə ghə, ghaa khənu nə̀ Zə̀ kə mâ buʼ sày mə n fəŋŋə kə ghaa nə̀ n bə naʼa tûm i dzuŋu zə tə ghə̂ ghən ghə way ghə̂ a Təjuu ghə, sey nə̀ ghə loʼ ni mbɔŋ zow, ghə bəghəm soʼo tə Klisto.

Kəfwaʼ 21:4

Ghey n koʼ tsu dzûmə tə Klisto tə loʼ tə fu, doʼo kəŋə ndow ntsuʼu nsəghəmbəghə fu ghi ghə. Zay kə Zow kə n chimmə kɔʼ ghə, ghə n dza tə Pɔl nə kə wə nə ndow daŋŋənə n Yerosalem.

Kəfwaʼ 8:29

Zay kə Zow kə n dza ndow tə Filip nə̀, “Ndow n səə kaya zey wə kuʼlə bwey dzəŋi ndow ghi ghii zə.”

1 Kɔrint 12:11

Ghəə ghən adzəm a fuu bə Zay kə Zow kə mɔʼɔ kə, à tsə̀mə tsuu soʼo wi ndzoʼo naamə key tə i fuunə tə̀ kay wù.

1 Timoti 4:1

Zay kə Zow kə n ghəŋə nə̀ təjìi tədzəm nə̀ saa keeli nə̀ abə mbi nə may bənə, ndəmə aghə̂ a nə tuu ni bəghəm ghəə ghən dzûmə tə Klisto tə diinə, ghə nə fədlə dzûmə ndow ghəə a badla ghey vəətsəə a diinə.