Kəfwaʼ 10:1 - Kaa n Kəzə̀ n fəghə mə

¹ Wù loʼ â loʼnu n naʼ i Kayserya zəd i wi zə â loʼnə nə̀ a loʼ Kɔnilus. Tə n loʼ kətow tə̀ saʼ kə sawgoʼ tə Roma tən tə loʼnə fəbɔm, ghə â tɔŋŋə nə̀ aloʼ “Saʼ kə təsawgoʼ kə Itali.”

Kəfwaʼ 10:1 ပူးပေါင်းရင်းမြစ်များ

Matyo 27:27

Sey sawgoʼ tə n ney kɔʼ Yeso n bii kə Pilato, saʼ kə təsawgoʼ key fu kədzəm n dzəŋi dzəŋ tsəghə kɔʼ wi.

Matyo 27:54

Ambə wù nii ə saʼ kə təsawgoʼ wey nsə sawgoʼ tey tə â keyyənə Yeso koʼ tsunə nghee ghəlitsə kə noʼlənə tii nsə ghəə a loʼ ghey ghə â shiənə, tsəŋ zə n kwu ghə, ghə n dza nə̀, “Wù wən â ndzəm loʼ Waa Kəzə̀.”

Malakus 15:16

Sawgoʼ tey n ney nyi ndòw Yeso n fə̀ŋ ə bii kə gɔvənɔ, tɔŋɔ may bə sawgoʼ tə loʼ tey n saʼ kə tii kə.

Lukas 7:2

Wù nii u təsawgoʼ u loʼ wə n lòʼ fu, wù kəfwaʼ a wi u loʼ wə tə â ngi ləghənə n dzaŋa, loʼ n ghəə a kpuu ghə.

Tùm i dzuŋu zə kuum Yeso Klisto tə Jɔn â tɔɔnə 18:12

Tow kə sàʼ kə təsawgoʼ nsə sawgoʼ tə wi tə ghi bwoli tə ghə̂ a Təjuu tey n daŋŋə kwu kow tsu Yeso.

Tùm i dzuŋu zə kuum Yeso Klisto tə Jɔn â tɔɔnə 18:3

Sey, Judas n ndow bə fu n sum u tii wə n saʼ kə təsawgoʼ kə ghi bwoli tə loʼ tə, tə â keyyənə n dzəŋi kə dzûmə tə Klisto key n Yerosalem, nə a ghə tûm bə ghə fɔɔngili a nii ghə ghi ghə̂ a tə Falasi ghə. Ghə n khə fə u tsam nsə saalə tə, a loʼ ghə n khə udaa.

Kəfwaʼ 10:24

Ghə n nyiə ndow n Kayserya n tsuʼ fə loʼ fey. À n loʼ nə̀ Kɔnilus n tɔŋɔ zuŋŋə bə tyim a wi ghə nsə fə a wi ghə, ghə ləmmənə ghə Pita.

Kəfwaʼ 21:31

Nghee ghə dəmə kaabə ni wey wi, zə ndow nyi ndow n tuŋŋə kə wù nii wey tə â loʼ tow kə n saʼ kə təsawgoʼ kə Roma kə nə̀, Yerosalem idzəm i tey nə ifuu.

Kəfwaʼ 21:8

Tsətsə wey, ghey n zəghə tsu fu, ndow bə n Kayserya, nyi ndow n ndaw fɔɔngili Filip, tə â loʼnə wù umɔʼ n ghə̂ ghey asəghəmbəghə ghə â say kɔʼ n Yerosalem ni gaamə bə ghey ni dzaw ufəzəə.

Kəfwaʼ 22:25

Ambə ghə kwu kow tsu wi nə ubaʼ, Pɔl n nuu bəb kɔʼ tə wù nii təsawgoʼ wey tə â tey fu nə̀, “Laŋ kə bəghəmnu nə ghaa bwɔd wù Rom nə ghaa ka wi saʼ tsu dzə isə ni koʼ nə̀ tə ghəŋə bəəbənu ghə i loʼ zə ə?”

Kəfwaʼ 23:23

Tow kə təsawgoʼ kən n tɔŋɔ tsu sawgoʼ tə nii tə təbəghə, dza tə ghə nə̀, “Bayyə tsu sawgoʼ tə nbɔm n bəghə, ghə̂ a nyəŋə ghə ukhinyam ghə nghəm nsəghəmbəghə nsə ghə̂ ghə nbɔm n bəghə, ghə saynə ghɔŋ ghə, ghə khə ni ndow n Kayserya na n tsuʼu tə nə tənəŋə tətaandzuu.

Kəfwaʼ 23:33

Ambə ghə̂ ghə ukhinyam ghən bə nyi bənə n Kayserya, ghə n fuu ndow màʼlə key tə̀ gɔvənɔ, fuu tsəghə ndow soʼo Pɔl tə wi.

Kəfwaʼ 25:1

Ambə Festus kɔʼ kɔʼnə ndaŋ ə Govenɔ, tə n bə n Kayserya. Ambə tsuʼu n tsəghə tsunə ntəghə, tə n nuu kɔʼ ndow n Yerosalem.

Kəfwaʼ 25:13

Ambə tsuʼu n loʼ n tsəghə tsu, Agripa tə loʼnə də̀ŋ kə ghi Benis n bə n Kayserya ghi ni bə dii uwû tə Festus tə loʼnə gɔvənɔ u fəghə wə.

Kəfwaʼ 27:1

Ambə ghə bəghəm dzəŋi kɔʼ nə̀ ghey ndow n Itali, ghə n ney kɔʼ Pɔl ghi ghə̂ a ndaw tsaʼ a loʼ ghə, fuu tsu tə wù nii təsawgoʼ wən ghə â tɔŋŋə nə̀ a loʼ Juliɔs. Wù wən â loʼ wù n saʼ kə sawgoʼ tey ghə tɔŋŋə nə̀ a loʼ, “Saʼ kə təsawgoʼ tə də̀ŋ kə Rom.”

Kəfwaʼ 27:31

Pɔl n dza ndow tə wù nii təsawgoʼ wey ghi sawgoʼ tə wi tə nə̀, “Abə ghə̂ ghən ka doʼo tsu fa nə kəfən, ghaa i kpuu maynu.”

Kəfwaʼ 27:43

Wù nii təsawgoʼ wey n kee ləghə ni bəghəshi Pɔl, sey, tə n ka bəghəm nə̀ sawgoʼ tey ghəŋə ghəə zey ghə mə kad naŋanə. Tə n dza tsu nə̀ ghə̂ ghey ghə loʼ ni təghə n dzùu, ghə taalə nuu shi ndow nə kəfən isə̂, ghə təghə daŋ ndow n nguŋ ə dzùu.

Kəfwaʼ 8:40

Filip n dza i koʼ nə̀ tə ndow shi n naʼ zə Azotus. Tə n ndow kə n sə kə ni naʼa tûm i dzuŋu zə n naʼa tey tə â loʼnə fu n jii, ndow kuum ndow n Kayserya.