Màʼlə kə Jud tə̀ ghə̂ a Kəzə̀ ghə 1:4 - Kaa n Kəzə̀ n fəghə mə

⁴ N dza sey n təŋkey, ghə̂ a loʼ ghə n bə tsɔŋ tsəghə nyi fey n fəŋŋə kə ghaa nə̀ ghə khə way Zə̀ kə. Ghə ney kɔʼ ndzuŋ zən Zə̀ kə diinə tə saa fəd naŋa kɔʼ nə̀ a loʼ jii tə ghə ni ghəŋŋə ghəə a laŋŋə ghə. Ghə tuu maʼa soʼo Yeso Klisto wən à loʼ kənə wi Bày saa nsə Mûkəbii saa.

Màʼlə kə Jud tə̀ ghə̂ a Kəzə̀ ghə 1:4 ပူးပေါင်းရင်းမြစ်များ

Matyo 13:25

ambə n tsuʼu tə nə̀ ghə̂ a bweelinu, wù təngəmə ə wi n bə zəghə tsu uzhìi n səb a tii ghə, nuu ndow i wi zə.

Tùm i dzuŋu zə kuum Yeso Klisto tə Jɔn â tɔɔnə 17:3

Muu zə itsali zən loʼ tə̀ ghə ni khə wɔ, nə̀ a may kə wɔ wə ndzəm loʼnə Zə̀ kə, nsə ni keeli soʼo Yeso Klisto wən wə â tûm bənə fa n mbi.

Kəfwaʼ 11:23

Ambə tə ndow nyi ndow nə̀, koʼ tsu ghəə a dzuŋu ghən Zə̀ kə ghəŋənə tə ghə, tə n duʼlə naʼ idzəm, kuu ndow fə̀ŋ tə ghə nə ghə təmi taw tsu kə ghi Mûkəbii n fə̀ŋ tə ghə tə tədzəm.

Kəfwaʼ 15:24

Ghey n zow nə̀ ghə̂ a loʼ ghə â shi kɔʼ fa n fəŋŋə kə ghey bə fuu ghaa n chɔd wə, fwɔd soʼo tɔb u ghaa nə̀ ghaa khə ni səghə utyi. Ghey dza i dza bə tə ghaa nə̀, â ka tûm dzə ghey ghə.

Galeshia 2:4

Ghə nəb ityim a loʼ ghə n nyi bə n fəŋŋə kə ghey tə a loʼ ghə̂ a tətsìi. Ghə â bə ni tsi koʼ muu i dzuŋu zən ghey khənə nghee ghey loʼnə nə kəfə kəmɔʼ ghi Yeso Klisto. Ghə â ləghə ni ghəŋə nə̀ ghey doʼo ukɔd n laŋ u ghə̂ a Təjuu.

Galeshia 5:13

Waazə, ghə Zə̀ kə a say shi bə ghaa nə̀ kə ghaa nə kəm muulənə tə a loʼ ukɔd n tənə kəlaŋ. I kə ghaa nə kee ney kɔʼɔnə nə̀ nghee ghaa kəm way kɔd wə n tənə kəlaŋ, a loʼ kəbùʼ tə ghaa ni ghəŋŋə ghəə a bəbə ghən gow uwû ghaa ləghənə ni ghəŋŋə. Fət ney na buʼ kə tii kə ni gaamə tiilə wû i ghaa nə iləghə.

Efesus 4:14

Sey, saa i kəm way dzə tə̀ a loʼ aghinətəghə n bəghəm i fə̀ŋ i saa. Saa i kəm fwɔdlɔ way tə̀ a loʼ kəfən n dzuu, zəŋ maŋa tənnə kaabənə, zə n tən n bad kən, zə n kəm tən ndow n bad kə key, ghə̂ a tsìi ghə i way ni maŋ sìi ndzəŋ saa n tɔb u ghə u tsɔŋɔ wə.

1 Timoti 5:8

Abə wù laalə way tə tyəm a ndaw a wi ghə, a ka tsəm dza ghə̂ ghey ghə muunə n ndaw ghi wi, i sey diinə tə kəm bəghəm dzə way tə Klisto, tə u bəb tsəghəshi soʼonə wù wən tə ka bəghəm tə Klisto.

2 Timoti 2:12

Abə saa tɔʼ kow tsunə fə̀ŋ tə, Saa i dzəŋi saʼa soʼo mbi ghi wi. Abə saa tuu maʼanə wi, Tə i tuu maʼa soʼo saa.

2 Timoti 3:6

Ghə loʼ ndzoʼo ghə̂ ghən ghə tsɔŋɔ nyiənə n ndaw tə ghə̂, ghə tsìi gheyzən ghən fə̀ŋ tə ghə tə taw way, gheyzən ghən ghə loʼ nə̀ bəb i ghə zə n ghə tsəghəshi, moʼlə tə bəbə tə a sìi ndzəŋŋə kaabə soʼonə ghə.

1 Pita 2:16

Ghaa khə muu tə a loʼ ghə̂ ghən ghə way n tənə wù. Kə ghaa nə kee taa daŋanə n ndzoʼo muu zən ni ghəŋŋə ghəə a bəbə ghə. Ghaa khə ni fəd muu tə a loʼ ghə̂ a kəfwaʼ a Kəzə̀.

1 Pita 2:8

I tɔ̀ɔ doʼo soʼo n màʼlə K-a-zə̀ nə̀, “À wən loʼ tay zən ghə̂ ghə i taŋŋə bwunə tii, Naa key kə i ghəŋŋənə nə̀ ghə̂ a bwu.” Ghə i taŋŋə bwu n təŋkey ghə â ka bəghəm ghɔɔmə i Kəzə̀ zə. À wən bɔɔmə loʼ ghəə zey Zə̀ kə â bayyə naŋanə tə̀ ghə.

1 Pita 4:18

I tɔ̀ɔ doʼo n màʼlə K-a-zə̀ nə̀, “Abə i loʼ ni taw tə ghə̂ a dzuŋu ghə ni keeli ibəghəshi, Zə i boʼo taw ngee tə ghə̂ a bəbə ghən ghə khə way Zə̀ kə ni keeli ibəghəshi ə?”

2 Pita 2:10

Tə i chɔdlɔ tsəghəshiə ghə̂ ghey ghə ghəŋŋənə dzəə dzəə tə aghəə tey gow uwû ghə ləghənə, koʼo kìi soʼo daʼa K-a-zə̀. Ghə̂ ghən ghə diinə ghəə a badla ghən tsəŋə way ghə i loʼ zə, ngii kɔʼlə soʼo iwû. Ghə buʼu tsəŋə way ni tsayyə zay wey u loʼnə idəŋ.

2 Pita 2:7

Zə̀ kə n kee bəghəshi tsu Lɔd wən tə â loʼnə wù tsətsəghə. Fə̀ŋ â ngii fəmmə Lɔd boʼnə ghə̂ ghən ghə naŋŋə way laŋ kə â ghəŋŋə dzəə dzəə tə aghəə.

2 Pita 3:7

Zə a kee loʼ nə̀ n ghɔɔmə i wi i mɔʼɔ zən, Zə̀ kə n baʼ naŋa shi bə dəŋ key kə loʼnə nya nsə ghəlitsə kə nə̀ ghə i ləmmə tsu nəŋə zey tə i saʼanə ghə̂ ghey ghə ngɔɔmə way wi. Tə i ləŋi maʼa ghə nə uvələ.

1 Jɔn 2:22

Wù wən tə badlanə ghəə ghə loʼ wù wən tə tuu maʼanə nə̀ Yeso way dzə wù wən Zə̀ kə tsuʼ naŋanə. À loʼ ndzoʼo wù tii tə loʼnə wù təngəmə ə Klisto. Tə tuu maʼa Bày nsə Waa wi.

Màʼlə kə Jud tə̀ ghə̂ a Kəzə̀ ghə 1:15

Tə i bəghə ghi ghə ni bə saʼ aghə̂ adzəm, tə chɔd soʼo ghə̂ ghey ghə ngɔɔmə way Zə̀ kə adzəm n ghəə a bəbə ghey ghə ghəŋŋənə. Tə i chɔdlɔ soʼo ghə̂ ghən ghə ngɔɔmə way Zə̀ kə n ghəə a bəbə ghən ghə â dzanə n tow K-a-zə̀.”

Màʼlə kə Jud tə̀ ghə̂ a Kəzə̀ ghə 1:18

Ghə â dza tə ghaa nə̀, “Abə mbi nə may bənə, ghə̂ a loʼ a nə bəghənu, ghə nə tsoʼo ghaa. Ghə̂ ghən nə dzûmə ndow kə ghəə ghey fə̀ŋ tə ghə tə ləghənə ni ghəŋə.”

Chi dii 15:4

A loʼ ndee tə i tsəŋə way wɔ a Mûkəbii? À loʼ ndee tə i tuunə ni ney bə nkɔʼlə n zəd zə ə? À may kə wɔ wə zownə Naʼa tədzəm i bəghənu Ghə fuu wɔ n kɔʼlə mə, N təŋkey aghə̂ adzəm n koʼ nə̀ wə ghəŋŋə ghəə a loʼnə tsətsəghə.”