Tùm i dzuŋu zə kuum Yeso Klisto tə Jɔn â tɔɔnə 8:55 - Kaa n Kəzə̀ n fəghə mə

⁵⁵ Ghaa khə dzə way wi, abə mə, n kee khənu wi. Abə n dza bənə nə̀ n khə way wi, i sey dii nə̀ n badla soʼo aghəə tə̀ a loʼ ghaa. N kee khənu wi, mə u naŋŋənə ghɔɔmə i wi zə.

Tùm i dzuŋu zə kuum Yeso Klisto tə Jɔn â tɔɔnə 8:55 ပူးပေါင်းရင်းမြစ်များ

Matyo 11:27

Nghee tə̀ Yeso gɔŋŋə may tsunə, tə n dza tə̀ ghə̂ ghə nə̀, “Bày wuŋ n fuu ghəə ghə adzəm tə̀ mə, wù loʼ khə way Waa tii à may kə Bày, wù loʼ khə soʼo way Bày à may kə Waa nsə wù wey Waa tsəm tsunə ni dii Bày tə̀ wi.”

Lukas 10:22

“Bày wùŋ n fu may fə wə udzəm tə̀ mə, wù lo khə way Waa tsəghəshiə way Bày, ighələ tə̀ wù way tə khənə Bày tsəghəshiə way Waa, nsə ghə̂ ghey Waa say kɔʼnə ni dii fu wi tə̀ ghə.”

Tùm i dzuŋu zə kuum Yeso Klisto tə Jɔn â tɔɔnə 1:18

Wù loʼ ka kam kòʼ koʼ Zə̀ kə, a loʼ kə sɔʼi fə Waa wi wən tə loʼnə n səə Bày, tə dii bənə wi tə̀ saa.

Tùm i dzuŋu zə kuum Yeso Klisto tə Jɔn â tɔɔnə 10:15

Nghee tə Bày wuŋ khənə mə, mə u khə soʼonə Bày wuŋ, à loʼ ighələ tə̀ n khənə njì tuŋ tə, njì tuŋ tə u khə soʼonə mə, à wey loʼ ghə i tii zə n loʼnə ni kpu n tow kə njì tuŋ.

Tùm i dzuŋu zə kuum Yeso Klisto tə Jɔn â tɔɔnə 15:10

Abə ghaa naŋŋə laŋ wuŋ wə, mə i ləghə ghaa, ighələ tə̀ n naŋŋənə laŋ u Bày wuŋ wə, tə u ləghənə mə.

Tùm i dzuŋu zə kuum Yeso Klisto tə Jɔn â tɔɔnə 15:21

Ghə̂ a mbi a nə ghəə ghən adzəm ghəŋŋə n kow ghaa bòʼ mə, n təŋkey, ghə khə way wù wey tə tûm bənə mə.

Tùm i dzuŋu zə kuum Yeso Klisto tə Jɔn â tɔɔnə 16:3

Ghə nə ghəə ghən ghəŋŋə n kow ghaa, n təŋkey, ghə khə way mə, khə soʼo way Bày wuŋ.

Tùm i dzuŋu zə kuum Yeso Klisto tə Jɔn â tɔɔnə 17:25

Bày wuŋ u dzuŋu wə, wə loʼ tsətsəghə. Nghee ghə̂ a mbi ghən buʼ khə kə way wɔ, n kee khənu wɔ, ngəd tuŋ tə u khə soʼo nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 6:46

Wù loʼ way dzə fa n mbi tə loʼnə nə̀ tə n koʼ koʼ tsə Bày a may kə way tə wey tə shi tsu bənə n səə Zə̀ kə, à loʼ kə wi tə loʼnə nə̀ tə n koʼ koʼ tsə Bày.

Tùm i dzuŋu zə kuum Yeso Klisto tə Jɔn â tɔɔnə 8:19

Ghə n bəb ndòw tə̀ wi nə̀, “Bày wə loʼ ghee?” Yeso n dza ndòw tə̀ ghə nə̀, “Ghaa khə way mə, khə soʼo way Bày wuŋ. Abə ghaa mə̂ khənə Bày wuŋ, ghaa mə̂ khə soʼo mə̀.”

Tùm i dzuŋu zə kuum Yeso Klisto tə Jɔn â tɔɔnə 8:29

Wù wey tə tûmnə mə loʼ ghi mə, tə ka mə naŋa taʼa dzə n nəŋə mə, n təŋkey, n ghəŋŋə ndòw kə ghəə zey i ghəŋŋənə wi nə̀ tə i duʼlə.”

Tùm i dzuŋu zə kuum Yeso Klisto tə Jɔn â tɔɔnə 8:44

Ghaa loʼ kə tə̀ a loʼ bày ghaa, tɔŋŋə Satan, moʼlə tə ghaa tə loʼ kə ni ghəŋŋə ghəə ghey bày ghaa ləghənə. Ni ney nuu bə tə̀ mbi a nə kaʼnə, tə weyyə aghə̂, tə ka kam təmi koʼ tsə nə isəŋə, n təŋkey, tə khə dzə way isəŋə i loʼ zə n kow wi. Abə tə badlanə ghəə ghə, tə sey ghɔɔmə shiə bə kə ghəə ghey a loʼnə n fə̀ŋ ə wi, n təŋkey, tə loʼ wù badla wə aghəə wə, a loʼ də̀ŋ kə ghəə a badla ghə.

Tùm i dzuŋu zə kuum Yeso Klisto tə Jɔn â tɔɔnə 8:51

N dza bə isəŋə tə̀ ghaa nə̀, wù wey tə ney naŋanə ghɔɔmə zuŋ zə, nə kpu koʼ way.”

Tùm i dzuŋu zə kuum Yeso Klisto tə Jɔn â tɔɔnə 8:52

Ghə̂ a Təjuu ghey n dza tə̀ wi nə̀ “Ghey n ndzəm keeli nya nə̀ zay kə bəbə kə loʼ n kow wɔ. Abraham mâ khə kpu, tûm tə Kəzə̀ tə n bə kpu soʼo, wə u kee dzanə nə̀ abə wù naŋŋənə ghɔɔmə zə zə̀ tə nə kpu koʼ way.

Kəfwaʼ 17:23

N sey dza n təŋkey, nghee n bwey laalə kaabə bənə luʼu tey ghə fəələnə maʼlə wə tii, mə n ndow koʼ tsu bənə kə loʼ kə nə ghaa n tɔ̀ɔ naŋa tii nə̀, ‘Tə Zə̀ key ghey khə way.’ Zə̀ key ghaa maŋa bam fey nə ghaa tɔʼ khə way, a baa loʼ kə ghi n naʼlə bə tə ghaa fa nya.

2 Kɔrint 4:6

À loʼ Kəzə̀ tə â dza tsu nə̀, “Tsə u bàŋ shi bə nə kələm”, à loʼ wi tə ghəŋənə nə̀ tsə u bàŋ n fə̀ŋ tə ghey sey nə̀ ghey koʼ kɔʼlə n Kəzə̀ mən n baŋanə n tûm usə u Klisto.

1 Jɔn 1:6

Abə saa dzanə nə̀ saa loʼ n fə kəmɔʼ ghi wi, nam ghəŋŋə kə ghəə a bəbə ghə. Sey, saa badla aghəə, saa a muu soʼo way nə isəŋə.

1 Jɔn 2:22

Wù wən tə badlanə ghəə ghə loʼ wù wən tə tuu maʼanə nə̀ Yeso way dzə wù wən Zə̀ kə tsuʼ naŋanə. À loʼ ndzoʼo wù tii tə loʼnə wù təngəmə ə Klisto. Tə tuu maʼa Bày nsə Waa wi.

1 Jɔn 2:4

Wù wən tə dzanə, “N khənu wi.” Kee fədlə ghəŋŋə way ghəə ghey tə dzanə, tə sey loʼ wù badla wə aghəə wə, isəŋə i loʼ zə u way soʼo n kow wù tii.

1 Jɔn 5:10

Wù wey tə bəghəmnə nə̀ tə loʼ Waa Kəzə̀, sey khənu n fə̀ŋ ə wi nə̀ ghəə ghən Zə̀ kə tiilə dza bənə kuum waa wi loʼ isəŋə. Wù wey tə ka bəghəm tə Zə̀ kə, loʼ wù badla wə aghəə wə, bòʼ nə̀, tə ka bəghəm dzə ghəə ghən Zə̀ kə tiilə dza bənə kuum waa wi.

Chi dii 3:9

Koʼo na! Ghə̂ ghey ghə loʼnə n ndaw kədzəŋi ə Satan, ghə̂ a badla ghə aghəə ghey ghə dza nə̀ ghə loʼ ghə̂ a Təjuu loʼ sey nə̀ ghə way, mə i ghəŋŋə tsu ghə nə̀ ghə bə təm tənguʼ n tənə wɔ, ghə bəghəm kɔʼ soʼo nə̀ mə n wɔ ləghə tən.