Tùm i dzuŋu zə kuum Yeso Klisto tə Jɔn â tɔɔnə 8:54 - Kaa n Kəzə̀ n fəghə mə

⁵⁴ Yeso n beeli ndòw ghə nə̀, “Abə a mə loʼ nə̀ n kɔʼlə wû wuŋ, kɔʼlə n tii n mə loʼ kənunu. Wù wey tə fuunə mə n kɔʼlə mə loʼ Bày wuŋ, tə wey ghaa dzanə nə̀ a loʼ Zə̀ kə ghaa.

Tùm i dzuŋu zə kuum Yeso Klisto tə Jɔn â tɔɔnə 8:54 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 17:1

Ambə Yeso ghɔɔmə may tsu ghəə ghən, tə n bwùm laalə kɔʼ ndow kədəŋ, kaʼ ndow ni gɔŋŋə nə̀, “Bày, nəŋə zə n kpi nya tə̀ wɔ ni ghəŋə nə̀ ghə̂ a koʼ kɔʼlə mey waa wə khənə, tə̀ tə ney bə wɔ n kɔʼlə mə a Bày.

Tùm i dzuŋu zə kuum Yeso Klisto tə Jɔn â tɔɔnə 17:5

Bày, ney naŋa mə n səə wɔ tə̀ mə i khə kɔʼlə mə, kɔʼlə n mɔʼɔ mey ghi wɔ â khə tsə tə mbi a nə zey tsu.

Tùm i dzuŋu zə kuum Yeso Klisto tə Jɔn â tɔɔnə 2:11

À wən loʼ tsəə ə Yeso i sə̂ isə zə tə â ghəŋənə n naʼ i Kana n mboʼo Galili. Â loʼ soʼo fu ngəd tə Yeso tə â koʼnə daʼa kə wi kə, sey, ghə n bəghəm fuu tə̀ wi.

Tùm i dzuŋu zə kuum Yeso Klisto tə Jɔn â tɔɔnə 5:41

N ləghə dzə way nə̀ ghə̂ a fuu mə n kɔʼlə mə.

Tùm i dzuŋu zə kuum Yeso Klisto tə Jɔn â tɔɔnə 7:18

Wù wey tə ghɔɔmənə n ngəŋ ə wi sey ləghə nə̀ ghə̂ ghə i fuu bə wi n kɔʼlə mə. Wù wey tə kee ləghənə ni fuu kɔʼlə mə tə wù wey tə tûmnə wi, ghɔɔmə kə isəŋə, wù tii badla soʼo way ghəə ghə.

Tùm i dzuŋu zə kuum Yeso Klisto tə Jɔn â tɔɔnə 7:39

Yeso â ghəə ghən a dza bòʼ Zay kə Zow key ghə̂ ghey ghə bəghəmnə tə̀ wi î keelinə. Â loʼ n nəŋə i tii zə nə̀ Zə̀ kə ka kam tûm dzə Zay kə Zow kə tə̀ ghə̂ ghey ghə bəghəmnə tə̀ wi, n təŋkey, Zə̀ kə â ka kam kɔʼlə dzə̂ Yeso n ghaʼ i wi.

Tùm i dzuŋu zə kuum Yeso Klisto tə Jɔn â tɔɔnə 8:41

Ghaa bɔɔmə ghəŋŋə kə ghəə ghey bày ghaa â ghəŋŋənə.” Ghə n dza ndòw tə̀ wi nə̀, “Zə̀ kə loʼ bày ghey wey ghey khənə, ghey u loʼnə waa a wi ghə, ghey way dzə waa a kəmbay.”

Tùm i dzuŋu zə kuum Yeso Klisto tə Jɔn â tɔɔnə 8:50

N kəŋə dzə way jìi nə̀ ghə̂ ghə i fuu bə mə n kɔʼlə mə. Wù loʼnu tə kee ləghənə nə̀ ghə̂ ghə i fuu bə mə n kɔʼlə mə, à loʼ wi, tə i saʼa fuunə tə̀ mə.

Kəfwaʼ 3:13

Zə̀ kə Abraham, Zə̀ kə Ayzik nsə Zə̀ kə Yakɔb kə, tɔŋɔ Zə̀ kən ghə bày a saa ghə â kɔʼlənə, n kɔʼlə naŋa wù kəfwaʼ a wi Yeso. À loʼ Yeso wən ghaa â fuu tsəʼlə ndownə nə̀ ghə wey wi. Ghaa mâ wi tuu maʼa n sə kə Pilato loʼ sey nə̀ Pilato mâ tsə̀m ni zəghə maʼa wi.

2 Kɔrint 10:18

I loʼ sey n təŋkey, à way dzə wù wey tə kalinə wû u wi wə, tə ghəŋŋənə ghəə ghey a kpiinə n sə K-a-zə̀, à fəd loʼ wù wey Mûkəbii kalinə, tə ghəŋŋənə ghəə ghey a kpiinə n sə K-a-zə̀.

1 Pita 1:12

Zə̀ kə mâ dii naŋa zey bə tə̀ tûm tə wi tə nə̀ fwaʼ kə ghə kə â way dzə ni gaamə wû i ghə, â fəd loʼ ni gaamə ghaa. I loʼ soʼo tə̀ nghee tûm tə Kəzə̀ tən â dza naŋa zey bənə ghəə ghey ghaa zownə nya n wɔ ghə̂ ghey ghə naʼlə bə tûm i dzuŋu zən tə̀ ghaa n daʼa kə Zay kə Zow key Zə̀ kə tûm tsu bənə tə̀ ghaa idəŋ. À wən loʼ aghəə nə̀ tsətəndəghə tə Kəzə̀ tə buʼu dəmə soʼo ni zowkeeli.

1 Pita 1:21

À loʼ n bam i Klisto i ghəŋənə nə̀ ghaa bəghəm tə̀ Zə̀ kən kə â zhəm dzəŋŋə bənə wi nə ivə, kɔʼlə naŋa kɔʼ wi idəŋ. À wey loʼ ghə i tii zə ghaa khənə bəghəm i fə̀ŋ zə, ləmmə tənə soʼo nə̀ Zə̀ kə i ghəŋə ghəə a səŋi ghə tə̀ ghaa.

2 Pita 1:17

Ghey â loʼnu fu n nəŋə zey Zə̀ kə tə loʼnə Bày â fuu wi ngɔɔmə zə nsə kɔʼlə mə. Dzə̀ i loʼ zə n dəb dza shi tsu bə fu idəŋ nə̀, “À wən loʼ waa wuŋ wən n ngii ləghənə, n ngii duʼlənu ghi wi!”