Tùm i dzuŋu zə kuum Yeso Klisto tə Jɔn â tɔɔnə 8:34 - Kaa n Kəzə̀ n fəghə mə

³⁴ Yeso n dza ndòw tə̀ ghə nə̀, “N ndzəmə dza bə tə̀ ghaa nə̀, wù wey tə ghəŋŋənə ghəə a bəbə ghə, loʼ kəkɔd tə bəb zə.

Tùm i dzuŋu zə kuum Yeso Klisto tə Jɔn â tɔɔnə 8:34 ပူးပေါင်းရင်းမြစ်များ

Matyo 5:18

N kuum dza bə tə̀ ghaa nə̀, bikighow nsə ghəlitsə kə i bə maynu, kasə nyaŋinyaŋi fə ighəə nkee luʼu fə loʼ fə n laŋ K-a-zə̀, î ndòw way luʼu kə nə̀ ghəə a tii ghə adzəm a kà ney bənə kə.

Tùm i dzuŋu zə kuum Yeso Klisto tə Jɔn â tɔɔnə 3:3

Yeso n beeli ndòw wi nə̀, “N kuum dza bə isəŋə tə̀ wɔ nə̀, wù way ni koʼ fɔɔ u Kəzə̀ nə̀ ghə ka wi ji kuulə.”

Kəfwaʼ 8:23

Mə n koʼ nə̀ wə ngii khə kəghoʼ n fə̀ŋ zə, wə loʼ soʼo kəkɔd tə ghəə a bəbə ghə.”

Roma 6:12

Sey, kə ghaa nə̂ bəghəmnə nə̀ ghəə a bəbə a kəm keeli kədaʼa n vən fə uwû fə ghaa, n jìi zey ghəə a bəbə ghə a loʼ ni ghəŋə nə̀ ghaa i ghəŋŋə ndow ghəə a bəbə ghey vən fə uwû fə ghaa fə ləghənə.

Roma 6:16

Ghaa khə way nə̀ abə ghaa fuu nyi ndownə wû i ghaa zə ni zow tə wù loʼ tə a loʼ ukɔd, ghaa sey loʼ kɔd u wi. I sey diinə, ghaa loʼ ni doʼo ukɔd tə bəb zə, i ney ndow ghaa nə ivə, nkee ghaa doʼo ukɔd tə Zə̀ kə, tə ghəŋŋə nə̀ ghaa doʼo bə tsətsəghə.

Roma 6:6

Saa khənu nə̀ muu i wey zey saa â bùʼ khə tsənə mâ kpuu nuu ghi Yeso n zat kə fəkaʼ, sey nə̀, Zə̀ kə loʼ ni sow maʼa ghəə a bəbə ghən a fwaʼanə n kow saa. Zə̀ kə sow maʼa ghəə a bəbə ghən sey nə̀ kə saa nə kəm doʼlənə kɔd wə tə̀ ghəə a bəbə ghə.

Roma 7:14

Saa khənu nə̀ laŋ kə nuu bə n wɔ Zə̀ kə, mə n kee maŋ loʼ wù tə ghəŋənə ghəə ghey gow uwû ləghənə. N maŋ loʼ nə ghə n fìi fuu mə tə̀ a loʼ kəkɔd tə bəb zə.

Roma 7:25

N kee fuu kəzɔŋŋə K-a-zə̀ tə bəghəshinə mə n bam i Yeso Klisto tə loʼnə Mûkəbii saa. Ghaa koʼonu jìi zey n loʼnə nya tii ə? N fə̀ŋ zuŋ, n ndzəmə ləghənu ni naŋŋə laŋ u Kəzə̀, à kee loʼ nə̀ nghee n ghəŋŋənə ghəə ghey vən fə uwû fuŋ fə ləghənə, mə n doʼ kɔd kə tə bəb zə.

Roma 8:21

bəghəshi fə u mbi n ndzoʼo kɔd kən u loʼnə tii, nsə nə̀ kə waa a Kəzə̀ a nə kəmə doʼlənə n tənə daʼa kə ghəə a bəbə ghə, ghə keeli soʼo kɔʼlə n loʼnə tə̀ waa a Kəzə̀ ghə.

Efesus 2:2

Ghaa â muu tsə nə̀ ghaa dzûmə ndow ghəə a mbi a bəbə ghə, zow laŋ u Satan, Zay kə bəbə kən kə saʼanə zay u bəbə wən u loʼnə idəŋ. À loʼ wi tə fwaʼanə n kow ghə̂ ghən ghə naŋŋə way laŋ u Kəzə̀ wə.

Taytus 3:3

N dza sey n təŋkey, saa soʼo, saa â bùʼ loʼ tsə ghə̂ a laʼlə ghə tə a loʼ ghə. Saa â zow way tə̀ Zə̀ kə, ghəŋŋə soʼo ghəə a bəbə ghə. Ghə n məŋŋə naŋa saa, saa n fəd doʼo ndow ukɔd n baa fə u mbi. Saa n muu tən kə ni ghəŋŋə ghəə a bəbə ghə nsə ni mbuŋŋə fə wey ghə̂ a khənə. Saa n ghəŋə nə̀ ghə̂ ghə i baa saa, saa n baa soʼo wû i saa.

2 Pita 2:19

Ghə̂ a dii a tsɔŋɔ ghən dza tə ghə nə̀, ghə loʼ ni ghəŋə ghəə zey ghə ləghənə nə̀ ghə ka bəb zow, loʼ sey nə̀ wû i ghə loʼ ukɔd tə̀ bəb zə. I loʼ sey n təŋkey, fə key kə taw tsəghə dzənə wù, wù tii sey loʼ kəkɔd tə̀ fə kə tii kə.