Tùm i dzuŋu zə kuum Yeso Klisto tə Jɔn â tɔɔnə 6:69 - Kaa n Kəzə̀ n fəghə mə

⁶⁹ Ghey n bəghəm, ghey n zowkeeli soʼo nə̀ wə loʼ Wù Kəzə̀ u zow wə, Zə̀ kə tûm bənə.”

Tùm i dzuŋu zə kuum Yeso Klisto tə Jɔn â tɔɔnə 6:69 ပူးပေါင်းရင်းမြစ်များ

Matyo 16:16

Shimun Pita n beeli ndòw wi nə̀, “Wə loʼ Klisto, Waa Kəzə̀, Zə̀ kən kə loʼnə utaw nəŋə tədzəm.”

Malakus 1:1

À wən loʼ nghee tə tûm i dzuŋu zə bòʼ Yeso Klisto, Waa Kəzə̀ â kaʼnə tii.

Malakus 1:24

“Wə fa bə ni bə ji ngee ghi ghey a Yeso ə Nazaled? Wə n bə ni bə ləŋi maʼa ghey ə? N khənu wù wey wə̀ loʼnə ghii wə, wə loʼ Wù Kəzə̀ u Zow wə.”

Malakus 8:29

Yeso n bəb ndòw tə̀ ghə nə̀, “Abə ghaa, ghaa dza nə̀ n loʼ ndee” Pita n dza tə wi nə̀, “Wə loʼ wù wey Zə̀ kə â dza naŋa nə̀ i tûm bənu.”

Lukas 9:20

Yeso n bəb tə̀ ghə nə̀, “Abə ghaa, ghaa dza nə̀ N loʼ ndee?” Pita n beeli ndòw wi dza, “Wə loʼ Klisto Waa Kəzə̀.”

Tùm i dzuŋu zə kuum Yeso Klisto tə Jɔn â tɔɔnə 1:29

Tsətsə wey, Jɔn n koʼ ndòw Yeso tə bəghənə n səə wi, tə n dza, “Koʼo na! À wən loʼ Waa njì ə Kəzə̀, tə ney nuulənə bəb i ghə̂ a mbi zə.

Tùm i dzuŋu zə kuum Yeso Klisto tə Jɔn â tɔɔnə 1:41

Ambə Andria zəghə tsunə Yeso, ghə i sə̂ isə zey tə â ghəŋənə â loʼ ni ndow kəŋ ndòw waazə ə wi Shimun. Tə n dza tə̀ wi nə̀, “Ghey n koʼo wù wey Zə̀ kə â dza naŋa nə̀ i tûm bənu.” (Wù wən Zə̀ kə â dza nə̀ i tûm bənu n ghɔɔmə i Grik loʼ Klisto).

Tùm i dzuŋu zə kuum Yeso Klisto tə Jɔn â tɔɔnə 10:36

a kee loʼ kee ghaa dzanə nə̀ n tsayyə Kəzə̀ nghee tə n dza tsunə nə̀, ‘N loʼ Waa Kəzə̀ ə?’ Loʼ sey nə̀ à loʼ Bày tə sày kɔʼnə mə, tûm bə mə fa n mbi.

Tùm i dzuŋu zə kuum Yeso Klisto tə Jɔn â tɔɔnə 11:27

Mata n bəghəm dza nə̀, “Ow a Mûkəbii! N bəghəmnu nə̀ wə loʼ wù wey Zə̀ kə â dza naŋa nə̀ i tûm bənu, Waa Kəzə̀ wən tə â khənə ni bə fa n mbi.”

Tùm i dzuŋu zə kuum Yeso Klisto tə Jɔn â tɔɔnə 20:28

Tɔmɔs n beeli ndow wi nə̀, “Wə loʼ Mûkəbii wuŋ nsə Zə̀ kuŋ kə.”

Tùm i dzuŋu zə kuum Yeso Klisto tə Jɔn â tɔɔnə 20:31

A ghən ghə kee tɔ̀ɔ naŋanə fa, loʼ ni ghəŋə tsu nə̀ ghaa i loʼ ni bəghəm fuu nə̀ Yeso loʼ wù wey Zə̀ kə â dza naŋa nə̀ i tûm bənu, Waa Kəzə̀, nsə nə̀, abə ghaa bəghəm tə̀ wi, ghaa loʼ ni keeli imuu nə̀ i way ni may.

Kəfwaʼ 8:36

Nghee ghə ndownə n jii, ghə ndow koʼ tsu mmuu, wù wey tə â loʼ nə ghə n kàa n dza nə̀, “Koʼo mmuu n mən ə, à loʼ kee wə way ni fuu mə fa n mmuu n Kəzə̀ mə ə?”

Roma 1:3

Tûm tii loʼ bòʼ waa wi Yeso Klisto, ghə â ji bənə wi fa n mbi tə a loʼ waa waa fɔɔ Devid.

Efesus 4:13

Fwaʼ K-a-zə̀ kən khə ni ndow kə sey ni ndow kuum n nəŋə zey saa adzəm i doʼo bənə nə kəfə kəmɔʼ n bəghəm i fə̀ŋ i saa nsə nə̀ saa tɔʼ keeli tsu wù wey Waa Kəzə̀ loʼ ghii kə. N nəŋə zey saa i tɔʼ beyyə tsunə n doʼo i saa ghi Klisto, saa i loʼ ni muu n jìi zey Klisto â muunə tii.

1 Jɔn 4:16

Wû i saa, saa khənu, saa a bəghəm fuu ndow soʼonə n ləghə zən Zə̀ kə khənə n kôw saa. Ləghə i nuu bə n wɔ Zə̀ kə, sey nə̀ ghə̂ ghey ghə muunə nə iləghə, ghə muu nə kəfə kəmɔʼ ghi Zə̀ kə, Zə̀ kə a muu soʼonə nə kəfə kəmɔʼ ghi ghə.

1 Jɔn 5:1

Wù wey tə bəghəmnə nə̀ Yeso loʼ wù wən Zə̀ kə â dza naŋa nə̀ i tûm bənu, tə loʼ waa Kəzə̀. Wù wey tə ləghənə bày, ləghə soʼonu waa wi.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.