Tùm i dzuŋu zə kuum Yeso Klisto tə Jɔn â tɔɔnə 6:63 - Kaa n Kəzə̀ n fəghə mə

⁶³ À loʼ Zay K-a-zə̀ kə fuunə muu zə, daʼa kə wù sɔŋtsuʼ kə maŋ loʼ kənunu. Ghɔɔmə zən n ghɔɔmə bənə tə̀ ghaa, nuu bə n wɔ Zay K-a-zə̀, kə fuunə muu zə.

Tùm i dzuŋu zə kuum Yeso Klisto tə Jɔn â tɔɔnə 6:63 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 5:21

Bày zhəm dzəŋŋə bə aghə̂ nə̀ ivə, fuu ghə n muu zə, a loʼ ighələ, Waa fuu soʼonə muu zə tə̀ wù wey tə ləghənə ni fu tə̀ wi.

Tùm i dzuŋu zə kuum Yeso Klisto tə Jɔn â tɔɔnə 6:68

Shimun Pita n beeli wi nə̀, “Mûkəbii, ghey kəm loʼ ni ndòw n səə ndee? À loʼ wɔ, wə khənə ghɔɔmə zey i fuunə muu zə itsali zə.

Kəfwaʼ 5:20

“Ndow təmi tsu na n bii kə ndaw Kəzə̀, ghaa dza ndow tə ghə̂ a tii ghə, ghəə ghey adzəm a ghəŋŋənə nə̀ ghə keeli muu zə itsali.”

Roma 10:17

Sey, wù bəghəm kə tûm nə̀ tə n zow tûm tii. À loʼ abə ghə naʼlənə tûm i dzuŋu zə bòʼ Klisto wù zow soʼonə tûm i tii zə.

Roma 2:25

Ni ndzəm səghə kətyi, loʼ abə wə bweynə nghee tə̀ laŋ kə Mushi kə diinə. Abə wù tii kee bwey way nghee tə laŋ kə diinə, tyi kə səghə key maŋ loʼ kənunu.

Roma 8:2

I sey loʼ ntənkey, nghee tə saa loʼ soʼonə nə kəfə̂ kəmɔʼ ghi Yeso Klisto, Zay kə Zow kən kə fuunə muu zə, kə nya fwaʼa n kow mə, ghəŋŋə nə̀ mə i naŋŋə laŋ u wi. Kə n bəghəshi soʼonə mə wɔ daʼa kə ghəə a bəbə kən kə ney bənə və zə.

1 Kɔrint 15:45

À wən loʼ i ghii i tɔ̀ɔ doʼonə n màʼlə K-a-zə̀ nə̀, “Wù sə̂ isə wən Zə̀ kə â bɔmnə â loʼ Adam.” Adam wə ibam wən tɔŋŋə Klisto kee loʼ zày kən kə fuunə muu zə.

Galeshia 5:25

Nghee saa muunə n daʼa kə Zay kə Zow kə, saa khə ni bwey ndow kə n ghow kə ibwey kə wi.

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

Galeshia 6:15

Tə ghə səghə tyi kə kə̀ nkee ghə ka səghə, kweyyə kə loʼ way dzə n sə K-a-zə̀. Isəŋə loʼ kə nə̀, saa doʼo bə ghə̂ a fəghə ghə.

1 Tesalonika 2:13

À wey loʼ ghə i tii zə ghey fuu zeelinə zɔŋŋə kə tə̀ Zə̀ kə n təŋkey ghɔɔmə i wi zən ghaa â zownə n wɔ̂ ghey, ghaa n bəghəm kɔʼ, ghaa â bəghəm naŋa koʼ nə̀ a loʼ ghɔɔmə i Kəzə̀, a way dzə ghɔɔmə i wù sɔŋtsuʼ. À ndzəm loʼ ghɔɔmə i Kəzə̀ n tənkey, ghɔɔmə i tii i fwaʼa n fə̀ŋ tə ghaa ghəŋŋə nə̀ bəghəm i fə̀ŋ i ghaa zə nyîmmə.

1 Timoti 4:8

I dzɔbənu ni dəŋ naŋa wû wə ni naalə wû wə, a kee loʼ nə̀, a dzɔb tsəghəshi ni dəŋ naŋa wû wə n ghəə a Kəzə̀, n təŋkey, ghəə a Kəzə̀ a khə təb key kə khənə muu zən nya nsə i zey zə i nam khə ni bə.

Hibru 13:9

Kə ghaa i nyəŋ laʼ n bàa ndəmə tə aghəə tə loʼ tən ghə diinə nə̀ a way ghəə a Kəzə̀. I dzɔbə nə̀ fə̀ŋ tə saa tə i taw dzɔbə n ndzuŋ ə Kəzə̀, nə̀ a way dzə n ghəə a naŋŋə a laŋ u ghəə ghə ufəzəə. Laŋ u ghəə ghə ufəzəə ghən ka kam gaamə koʼ tsə ghə̂ ghey ghə naŋŋənə laŋ u tii wə n ghə i loʼ zə.

Hibru 4:12

Ghɔɔmə i Kəzə̀ i loʼ utaw, khə soʼo kədaʼa. I tɔb tsəghə təkɔb tədzəm. I khə kədaʼa ni nyi ndow n fə̀ŋ ə wù, n zay kə wù, zuŋ u wû u wù nsə n ghəb u wù. I loʼ ni saʼ moʼlə tə aghə̂ nsə ghə i ghaa zə wù dza i ghəŋŋə.

Jems 1:18

 tsəm kɔʼ Kəzə̀ nə saa doʼo bə waa a wi n bam i ghɔɔmə i wi zən i loʼnə isəŋə, sey nə̀, saa loʼ ni doʼo ghə̂ ghey ghə tsəghəshinə fə wən tə bɔmnə fa n mbi udzəm.

1 Pita 1:23

N dza sey n təŋkey n bam i ghɔɔmə i Kəzə̀ zən i fuunə muu zə, i loʼ soʼonə nəŋə tədzəm, ghə n ji kuulə ghaa tə a loʼ waa a wù wey tə kpuu way, nə̀ à way dzə tə a loʼ waa a wù sɔŋtsuʼ wey tə loʼ nə̀ tə kpuunu.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,

1 Pita 3:21

Mmuu mən mə â bəghəshinə ghə̂ ghən ifam, loʼ tə a loʼ mmuu n Kəzə̀ mən ghə fuunə nya tə̀ ghaa, n bəghəshiənə ghaa. Mmuu n Kəzə̀ mən ghaa neynə, sow maʼa dzə way dzə wə n wû i saa, n fəd loʼ ni dii nə̀ fə̀ŋ tə saa tə zownu n sə K-a-zə̀. Muu n tii n bəghəshiə ghaa n bam i zhəm dzəŋŋə zə ivə i Yeso Klisto.