Tùm i dzuŋu zə kuum Yeso Klisto tə Jɔn â tɔɔnə 6:45 - Kaa n Kəzə̀ n fəghə mə

⁴⁵ I loʼ n maʼlə key tûm tə Kəzə̀ tə â tɔ̀ɔ naŋa nə̀, ‘À loʼ Kəzə̀ kə î diinə ghə̂ ghə adzəm n ghəə ghə’. Ghə̂ ghey ghə zownə ghɔɔmə i Kəzə̀ zə̀, zoʼlə aghəə n wɔ wi, i bə doʼlənu ghi mə.

Tùm i dzuŋu zə kuum Yeso Klisto tə Jɔn â tɔɔnə 6:45 ပူးပေါင်းရင်းမြစ်များ

Matyo 11:27

Nghee tə̀ Yeso gɔŋŋə may tsunə, tə n dza tə̀ ghə̂ ghə nə̀, “Bày wuŋ n fuu ghəə ghə adzəm tə̀ mə, wù loʼ khə way Waa tii à may kə Bày, wù loʼ khə soʼo way Bày à may kə Waa nsə wù wey Waa tsəm tsunə ni dii Bày tə̀ wi.”

Matyo 17:5

Nghee tə̀ tə nam ghɔɔmənə, mbaʼ tə fəmə tə n tsəd bə ghə, dzə̀ i loʼ zə n shi bə fu tii nə təmbaʼ dza, “À wən loʼ waa wuŋ u tsuʼu wə, à loʼ wi tə i ghəŋŋənə nə̀ mə i ngii duʼlə. I zow na tə̀ wi.”

Malakus 1:2

Wù tûm Kəzə̀ Ayzaya â tɔ̀ɔ naŋa n màʼlə K-a-zə̀ nə̀ “Koʼo, mə i tûm ndow tsəndəghə zuŋ isə, Tə i ndow bayyə naŋa tsu jii zə tə̀ wɔ,

Lukas 1:70

tə̀ tə â khə dza naŋanə tə̀ tûm tə Kəzə̀ tə wi tə zow tə n num tə ibam tə nə̀,

Lukas 18:31

Yeso n səŋ təmi ndow ghi tsətəndəghə tə wi tey ighəm nsə ghə̂ ghə abəghə, dza ndow tə ghə nə̀, “A sa ndòw n Yerosalem, ghəə ghey tûm tə Kəzə̀ tə â tɔ̀ɔ naŋanə bòʼ Waa wù sɔŋtsuʼ, khə ni ney kəbənə fu.

Tùm i dzuŋu zə kuum Yeso Klisto tə Jɔn â tɔɔnə 10:27

Nji tuŋ tə zowkeelinu dzə̀ zuŋ. N khənu ghə, ghə u dzûmənə mə.

Tùm i dzuŋu zə kuum Yeso Klisto tə Jɔn â tɔɔnə 6:37

Ghə̂ ghey adzəm Bày wuŋ fuu naŋanə tə̀ mə, î teeli bə doʼlə ghi mə. Abə wù bə doʼo bənə ghi mə, mə î dzum nuu koʼ way wi.

Tùm i dzuŋu zə kuum Yeso Klisto tə Jɔn â tɔɔnə 6:65

Tə n dza kpiʼi tsu nə̀, “À wən loʼ ghə i tii zə mə â dzanə tə̀ ghaa nə̀, wù way dzə ni bə doʼo ghi mə nə̀ Bày wuŋ ka bəghəm nə̀ tə doʼo ghi mə.”

Kəfwaʼ 13:40

Ney na ghə̂mə zə nə̀ kə ghəə ghən ghə̂ a tûm tə Kəzə̀ tə â naʼanə nə doʼlənə isəŋə n kôw ghaa. Ghə â naʼa naŋa nə̀,

Kəfwaʼ 7:42

Zə̀ kə n nyoʼo ndow dzəm tə ghə, zəghə maʼa ndow ghə nə ghə i ngɔɔmə ndow səghəbələ mən n loʼnə idəŋ, ndzɔŋ nsə nyi zə. I tɔ̀ɔ doʼo n màʼlə kə tûm tə Kəzə̀ nə̀, ‘A ghə̂ ghə Izree ghə! Â way dzə tə mə ghaa â wey nyam tə̀ tə aloʼ umaʼlə nghee tə ghaa â loʼnə n mbvən ə ntsaŋ nə tənum nghəm nkaykə.

Efesus 1:17

N gɔŋŋə nə̀ Zə̀ kə, tə khənə ghaʼ zə idzəm, tɔŋŋə bày Mûkəbii saa Yeso Klisto fuu ghaa n zay kən kə fuu tɔb wə nsə zay kən kə chiə diinə ghəə a Kəzə̀ ghə sey nə̀, ghaa tɔʼ keeli tsu wi.

Filipi 3:15

À wən loʼ jìi zey saa ghən adzəm saa beyyə dzənə n ghəə a Kəzə̀, saa khə ni koʼo ghəə ghə tii. Abə wù loʼ khənə ghə i loʼ zə tə tɔʼɔ zowkeeli way, n moʼlə nə̀ Zə̀ kə î chiə diinu ghə i tii zə soʼo tə̀ wi.

1 Tesalonika 4:9

Ni ghɔɔmə nya kuum ləghə zey ghaa khənə ni khə n wû i ghaa tə̀ a loʼ awaazə, ghey kəm khə dzə way ghəə i loʼ zə ni dza tə̀ ghaa, n təŋkey Zə̀ kə n ghaa dəŋ n jìi zey ghaa khənə ni ləghə tiillə wù zə.

Hibru 10:16

“Mə Mûkəbii n dza nə̀ à wən loʼ kaa mən mə i zə̂ə kɔʼɔnə ghi ghə N tsuʼu n mən n bəghənə. Mə i kuu naŋŋə ndow laŋ wuŋ n fə̀ŋ tə ghə, N tɔ̀ɔ naŋa ndow soʼo n tow u ghə.”

1 Jɔn 2:27

A kee bə ghaa, Klisto n ghaa tsuʼ naŋa nghee tə fuunə ghaa n Zay kə Zow kə wi kə. Nghee Zay kə Zow kə loʼ dzənə n kôw ghaa, ghaa kəm khə dzə way ni kəŋ wù loʼ nə̀ tə dii ghaa n ghəə ghə. Tə i dii ghaa n ghəə ghey adzəm ghaa ləghənə ni keeli. Ghəə ghən tə i diinə tə ghaa loʼ isəŋə, a way dzə ghəə a badla ghə. Sey, dzûmə na ghəə ghey tə diinə tə ghaa, tə ghaa doʼo nə kəfə kəmɔʼ ghi Klisto.