Tùm i dzuŋu zə kuum Yeso Klisto tə Jɔn â tɔɔnə 6:27 - Kaa n Kəzə̀ n fəghə mə

²⁷ Kə̂ ghaa nə̂ fwaʼanə ni keeli fəzəə wey u loʼnə ni bəb, fəd fwaʼ na ni keeli fəzəə wey u doʼlə tsalinə. À wey loʼ fəzəə wey Waa wù sɔŋtsuʼ î fuunə tə̀ ghaa, boʼ nə̀, Bày, tɔŋŋə Kəzə̀ n kuu naŋa tsəə wi n kow wi.”

Tùm i dzuŋu zə kuum Yeso Klisto tə Jɔn â tɔɔnə 6:27 ပူးပေါင်းရင်းမြစ်များ

Matyo 17:5

Nghee tə̀ tə nam ghɔɔmənə, mbaʼ tə fəmə tə n tsəd bə ghə, dzə̀ i loʼ zə n shi bə fu tii nə təmbaʼ dza, “À wən loʼ waa wuŋ u tsuʼu wə, à loʼ wi tə i ghəŋŋənə nə̀ mə i ngii duʼlə. I zow na tə̀ wi.”

Matyo 25:46

Sey, ghə i tûm nuu ndòw ghə n luʼu key ghə̂ a fəʼlənə tii nəŋə tədzəm, ghə̂ ghey ghə loʼnə tsətsəghə i zə̂ itsali.”

Matyo 3:17

Ghə n zow dzə̂ i loʼ zə i ghɔɔmə shiə tsu bənə n bikighow dza, “À wən loʼ waa wuŋ u tsuʼu wə, à loʼ wi tə i ghəŋŋənə nə̀ mə i ngii duʼlə.”

Matyo 6:19

Yeso n dza kpiʼi ndow tə̀ ghə nə̀, “Kə̂ ghaa nə zuŋŋə naŋanə fə̂ u ghaa wə fa n mbi, n luʼu kən dzî tə loʼnə ni kwu, səsoʼo tə u loʼ soʼonə ni fə, nkee ghə̂ a tsɔŋɔ a loʼ ni bə tsɔŋ.

Matyo 8:20

Yeso n dza ndòw tə̀ wi nə̀, “Kəŋ u khə ghə n bùʼ wə ni tyi nyì doʼo tii, nnən mə idəŋ mə a khənə ghə n ndaw tə, Waa weynum kee khə way luʼu kə ni doʼo zayyə.”

Malakus 1:11

Sey, dzə i lòʼ zə n ghɔɔmə shi tsu bə n bikighow dza nə̀, “Wə lòʼ waa wuŋ u tsuʼu wə, fə̀ŋ zuŋ ngii duʼlənu ghi wɔ.”

Malakus 9:7

Ghə n dza i koʼ, mbaʼ tə n bə tsəd bə ghə, dzə̀ i loʼ zə n shi bə fu tii dza nə̀, “À wən loʼ waa wuŋ u tsuʼu wə, zow na tə̀ wi!”

Lukas 3:22

Zay kə Zow kə n tsu bə n kow wi n wû u kəfə̀, dzə̀ i loʼ zə n ghɔɔmə tsu bə idəŋ dza, “wə̀ loʼ waa wùŋ u tsuʼu wə, n ngii duʼlənu ghi wɔ.”

Lukas 9:35

Dzə n shi bə fuu n mbaʼ dza, “À wən loʼ waa wùŋ u tsuʼu wə n sày kɔʼnə, i zow na tə wi!”

Tùm i dzuŋu zə kuum Yeso Klisto tə Jɔn â tɔɔnə 10:28

N fuu ghə n muu zə itsali zə, ghə nə̂ kpu koʼ way. Wù umɔʼ tsəm way ni bəkeeli nuu ghə n wɔɔ kuŋ.

Tùm i dzuŋu zə kuum Yeso Klisto tə Jɔn â tɔɔnə 11:42

N khənu nə̀ wə zow tsənu gɔŋŋə zuŋ zə, n kee dza bə i zən bòʼ ghə̂ ghən ghə teynə fa, nə ghə bəghəm nə̀ a loʼ wɔ wə tûmnə mə.”

Tùm i dzuŋu zə kuum Yeso Klisto tə Jɔn â tɔɔnə 14:6

Yeso n beeli ndow wi nə̀, “N loʼ jii, isəŋə nsə muu zə. Wù way dzə ni bə n səə Bày nə̀ a ka ney ndòw mə wi n səə wi.

Tùm i dzuŋu zə kuum Yeso Klisto tə Jɔn â tɔɔnə 15:24

Abə a mə loʼ nə̀ ghə â ka koʼ fwaʼ key mə â fwaʼnə n fəŋŋə kə ghə nə̀ wù loʼ ka kam fwaʼ koʼ tsə, a mə loʼ nə̀ ghə ka kam ghəŋə bəəbə dzə ghə i loʼ zə. A sə fa loʼ kə nə̀ ghə n koʼ, ghə a nam ndow kə n sə kə ni bàa mə ghi Bày wuŋ.

Tùm i dzuŋu zə kuum Yeso Klisto tə Jɔn â tɔɔnə 17:2

Bày, wə n fuu wi n daʼa kə nə̀ tə i saʼa ghə̂ ghə adzəm, sey nə̀ tə loʼ ni fuu muu zə itsali tə̀ ghə̂ ghey wə fuu naŋanə tə̀ wi.

Tùm i dzuŋu zə kuum Yeso Klisto tə Jɔn â tɔɔnə 3:15

sey nə̀, wù wey tə bəghəmnə tə̀ wi, tə i keeli muu zə itsali.

Tùm i dzuŋu zə kuum Yeso Klisto tə Jɔn â tɔɔnə 3:33

Wù wey tə bəghəm naŋanə ghɔɔmə i wi zə, loʼ ni tiilə dza nə̀ ghɔɔmə i Kəzə̀ i loʼ isəŋə.

Tùm i dzuŋu zə kuum Yeso Klisto tə Jɔn â tɔɔnə 6:40

I loʼ sey kuum nə̀, ghəə zey Bày wuŋ ləghənə loʼ nə̀ ghə̂ ghey ghə koʼnə Waa, bəghəm fu tə̀ wi, ghə keeli muu zə itsali. Mə i zhəm dzəŋŋə bə ghə n tsuʼ fey mbi nə̂ maynə tii.”

Tùm i dzuŋu zə kuum Yeso Klisto tə Jɔn â tɔɔnə 6:47

N dza bə isəŋə tə̀ ghaa nə̀, wù wey tə bəghəmnə tə mə, tə î keelinu muu zə itsali zə.

Tùm i dzuŋu zə kuum Yeso Klisto tə Jɔn â tɔɔnə 6:51

N loʼ baa key kə fuunə muu zə, kə key kə shi tsu bənə idəŋ. Wù wey tə zə̂nə baa kə tii kə î keeli muu zə itsali. Baa kən n fuunə loʼ wû wuŋ. N fuu ni kùmshi tow u ghə̂ a mbi nə̀ ghə keeli muu zə itsali.”

Tùm i dzuŋu zə kuum Yeso Klisto tə Jɔn â tɔɔnə 6:53

Yeso n dza ndòw tə̀ ghə nə̀, “N dza bə isəŋə tə̀ ghaa nə̀ abə wù ka fə wû u Waa wù sɔŋtsuʼ, mə̂ kɔʼ soʼo kaŋ tə wi tən tə i fəələnə, tə î keeli dzə way muu zə itsali zə.

Tùm i dzuŋu zə kuum Yeso Klisto tə Jɔn â tɔɔnə 6:54

Ghə̂ ghey ghə fəənə wû wuŋ wə, mə̂ soʼo kaŋ tuŋ tən mə i fəələnə, i keeli muu zə itsali. Mə̀ i zhəm dzəŋŋə bə ghə n tsuʼ fey mbi nə̂ maynə tii.

Tùm i dzuŋu zə kuum Yeso Klisto tə Jɔn â tɔɔnə 6:58

À wən loʼ baa kən kə tsu bənə idəŋ. Kə way dzə tə̀ a loʼ baa key ghə bày bày a ghaa ghə â zə̂ə tsənə. Ghə â zə̂ənu, ghə n nam kpuulə. Wù wey tə kee zə̂nə baa kən î keeli muu zə itsali.”

Tùm i dzuŋu zə kuum Yeso Klisto tə Jɔn â tɔɔnə 6:62

Abə à mə̀ baa loʼ nə̀ ghaa koʼ ndòw Waa wù sɔŋtsuʼ tə kɔʼɔ dzəŋŋə ndòwnə n luʼu key tə nuu bənə tii, tə ghaa mə ji ngee?

Tùm i dzuŋu zə kuum Yeso Klisto tə Jɔn â tɔɔnə 6:68

Shimun Pita n beeli wi nə̀, “Mûkəbii, ghey kəm loʼ ni ndòw n səə ndee? À loʼ wɔ, wə khənə ghɔɔmə zey i fuunə muu zə itsali zə.

Tùm i dzuŋu zə kuum Yeso Klisto tə Jɔn â tɔɔnə 8:18

Sey, n tiilə dza wû wuŋ, Bày wey tə tûmnə mə, tə u təmi tiilə soʼonə bòʼ mə̀.”

Kəfwaʼ 10:38

Ghaa khənu nghee Zə̀ kə â tsuʼ naŋanə Yeso, wù Nazaled, fuu tsu wi n Zay kə Zow kə nsə daʼa kə. Ghaa khə soʼonu nghee tə â bwey kaabənə, ghəŋŋə ndzuŋ, baŋŋə ghə̂ ghən adzəm ghə a loʼ nə n tənnə daʼa kə avəətsəə, n təŋkey, Zə̀ kə â loʼ ghi wi.

Kəfwaʼ 2:22

Pita n daŋŋə dza tə ghə nə “Ghə̂ ghə Izree ghə, ghaa zow! Yeso wù Nazaled wən Zə̀ kə â sàynə, tə n dii bə wi tə ghaa n faalə mən tə â ghəŋənə, tsəə tən tə â diinə nsə ghəə a səŋi ghən tə â ghəŋənə n fəŋŋə kə ghaa. Wû i ghaa, ghaa mgbaŋ khənu ghəə a tii ghə.

Roma 4:11

Ghə â wɔ səghənu tyi kə Abraham kə. Ghə â səghə tyi kə wi tə a loʼ tsəə ni dii tsu nə̀ tə â bəghəm tə̀ Zə̀ kə nə̀ ghə ka kam səghə tyi kə wi kə. Zə̀ kə n ney ndow wi nə̀ tə loʼ wù wən tə loʼnə tsətsəghə bòʼ bəghəm i fə̀ŋ zey tə khənə n kow wi. Sey, Abraham loʼ bày tə ghə̂ ghən adzəm ghə bəghəmnə tə Zə̀ kə, Zə̀ kə a ney soʼonə ghə nə̀ ghə loʼ tsətsəghə abə ghə tsəm loʼ kə nə̀ ghə ka kam səghə tyi u ghə wə.

Roma 6:23

I loʼ sey n təŋkey, fə̂ key wù keelinə abə tə ghəŋŋənə ghəə a bəbə ghə, loʼ ivə. Naamə key Zə̀ kə kee fuunə tə̀ wù wey tə loʼnə nə kəfə kəmɔʼ ghi Mûkəbii saa Yeso Klisto loʼ muu zən i nə may way.

1 Kɔrint 6:13

Ghə̂ a loʼ ghə a dza soʼo nə̀, “Ghə â ghəŋə ufəzəə tə̀ nəghə wə, ghəŋə soʼo unəghə tə̀ fəzəə wə.” Ow a loʼ isəŋə! A kee loʼ nə̀, Zə̀ kə î ləŋi maʼanu fə̂ u tii wə udzəm. Ghaa khə way ni ney wû i ghaa, ghaa i ghəŋŋə ghəə a laŋŋə ghə tii, ghaa khə ni fəd ney wû i ghaa, ghaa i kɔʼlə Mûkəbii tii. A loʼ Mûkəbii tə fuunə fə key wû u ləghənə.

1 Kɔrint 9:2

Abə ghə̂ a nuu a moʼlə kə nə̀ n way ngəd ə Yeso, n khənu nə̀ ghaa kee khənu nə̀ n loʼ ngəd ə Yeso, n təŋkey, nghee ghaa loʼnə nə kəfə kəmɔʼ ghi Klisto dii bənu nə̀ n loʼ ngəd.

2 Kɔrint 4:18

I loʼ sey n təŋkey, ghey naŋŋə dzə way sə̂ zə n fə̂ wən a koʼonə, ghey fədlə naŋŋə ndòw isə̂ n fə̂ wey a koʼo way, bòʼ nə̀, fə̂ wən a koʼonə, u doʼlə tsuŋŋə way, fə̂ wey a koʼo way kee doʼlə tənənu.

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

Filipi 2:13

Ghaa keeli tsu nə̀ a loʼ Kəzə̀ kə fwaʼanə n kow ghaa, ghəŋə ghaa nə̀ ghaa i khə zay ni fwaʼ tə wi, fuu soʼo ghaa n daʼa kə nə̀ ghaa ghəŋə ghəə ghey a kpiilənə tə wi.

Kolose 1:29

À wey loʼ zuŋ key n kuu nyiə ndownə səŋ zə ni fwaʼ n daʼa kə səŋi kən kə fwaʼanə n kow mə nə a fuu Klisto.

Kolose 2:22

Ndzoʼo laŋ wən maŋ loʼ laŋ wən wù sɔŋtsuʼ diinə. Laŋ wən maŋ loʼ fə wən u kəm khə way fwaʼ kə abə nəŋə i tsəghə dzənə.

Kolose 3:2

Ghaa khə ni moʼlə tənə kə ghəə ghən a loʼ idəŋ, a way dzə ghəə ghən a loʼnə fa mbi,

1 Tesalonika 1:3

Abə ghey gɔŋŋənə tə̀ Zə̀ kə tə loʼnə Bày saa, ghey n moʼlə bə fwaʼ key ghaa fwaʼanə bòʼ bəghəm i fə̀ŋ i ghaa, nsə ghəə a dzuŋu ghey ghaa ghəŋənə bòʼ ləghə zey ghaa khənə n wû i ghaa, ghaa n təmi taw soʼo bòʼ bəghəm i fə̀ŋ zey ghaa khənə n kow Mûkəbii ə saa Yeso Klisto.

2 Timoti 2:19

Ghə i dzuŋu i loʼ nə tsə kə ndaw key à səd kɔʼ bənə Zə̀ kə, fə kə loʼ kə way ni soʼlə, ghə a tɔ̀ɔ naŋa tsu tii nə̀, “Mûkəbii khənu ghə̂ ghey ghə loʼnə a wi ghə”, Nsə nə̀, “Ghə̂ ghey adzəm ghə dzanə nə̀ ghə loʼ n tənə zəd i Mûkəbii, Ghə khə ni tyi zəghə maʼa ghəə a bəbə ghə.”

Hibru 12:16

Kə wù ghaa u loʼ u nə ghəŋŋə ghəə a laŋŋə ghə, kə wù ghaa u loʼ u doʼlə nə̀ tə khə way Zə̀ kə tə a loʼ Isaw wən tə â fìinə daʼa wey tə â shi bə n ghii wə tə̀ a loʼ waa u sə isə wə n nəŋə i zəə zə imɔʼ.

Hibru 4:11

Sey, saa dəm tsu ni ndow nyi n luʼu kə zayyə kə tii kə, sey nə̀, kə wù saa u loʼ u nə bwu khə̂mənə tə̀ ghə bày bày a saa ghə â bwu khə̂mənə a dza ghə â tuu ni bəghəm tə̀ Zə̀ kə.

Jems 1:11

I loʼ nə̀, abə tsə shi kɔʼ bənə, zuʼ kə tsə kə tii kə ngii taw tsunə, kə n zuʼ maʼa kɔʼ ughìi. Bəllə wə ughìi u tii wə n gɔy zum nuu kɔʼ, wə n kəmə nyiəllə soʼo way. A loʼ soʼo ighələ ghi ghə̂ ghey ghə kuum nə̀, və i ney nuulə ghə nə̀ ghə zow kaabə kə ghəə ghə ukhəə a ghə.

1 Pita 1:24

I loʼ tə i tɔ̀ɔ doʼonə n màʼlə K-a-zə̀ nə̀, “Wù sɔŋtsuʼ maŋ loʼ kə tə a loʼ kəghìi, Nyiələ i ghə i maŋ loʼ kə tə a loʼ bəllə u ghii u mbvən wə. Ghii u tii u fɔɔ zum nuu kɔʼɔnu, bəllə u tii wə n zəʼlə nuu tsu.

2 Pita 1:17

Ghey â loʼnu fu n nəŋə zey Zə̀ kə tə loʼnə Bày â fuu wi ngɔɔmə zə nsə kɔʼlə mə. Dzə̀ i loʼ zə n dəb dza shi tsu bə fu idəŋ nə̀, “À wən loʼ waa wuŋ wən n ngii ləghənə, n ngii duʼlənu ghi wi!”