Tùm i dzuŋu zə kuum Yeso Klisto tə Jɔn â tɔɔnə 6:15 - Kaa n Kəzə̀ n fəghə mə

¹⁵ Yeso n koʼ tɔb kɔʼ nə̀ ghə ləghə ni bə kwu wi nə kədaʼa, ghə tsuʼ wi tə a loʼ kədə̀ŋ, sey tə n nuu kɔʼ dzəŋŋə ndòw nə ukaʼ, doʼo ndòw fu n nəŋə wi.

Tùm i dzuŋu zə kuum Yeso Klisto tə Jɔn â tɔɔnə 6:15 ပူးပေါင်းရင်းမြစ်များ

Matyo 5:1

Nghee tə̀ Yeso koʼ tsunə nɔɔ kə aghə̂ kə bəghənə n səə wi, tə n nuu kɔʼ ndòw nə ukàʼ, ndòw doʼo tsu. Dzûmə tə wi tə n zuŋŋə bə n səə wi.

Malakus 11:9

Ghə̂ ghey ghə â loʼnə n sə kə wi nsə ghə̂ ghey ghə â loʼnə ibam n buʼlə bə nbɔŋ dza nə̀, “Kali u loʼ tə Zə̀ kə, buulə i Kəzə̀ i lo tə̀ wù wey tə bəghənə n zəd i Mûkəbii.

Lukas 19:38

“Zə̀ kə buulə də̀ŋ key kə bənə n zəd i Mûkəbii! Ibuulə nsə kɔʼlə mə i loʼ tə Zə̀ kə idəŋ!”

Tùm i dzuŋu zə kuum Yeso Klisto tə Jɔn â tɔɔnə 18:36

Yeso n beeli ndow wi nə̀, “Fɔɔ wuŋ u way dzə u mbi wə. Abə fɔɔ wuŋ u mə loʼ u mbi wə, tə ghə̂ a kəfwaʼ ghuŋ a mə ka tsəm bəghəm nə̀ ghə̂ a Təjuu a gaʼ kəwɔɔ n kow mə. A fa loʼ kə nə̀ fɔɔ wuŋ u ka shi dzə fa n mbi.”

Tùm i dzuŋu zə kuum Yeso Klisto tə Jɔn â tɔɔnə 5:41

N ləghə dzə way nə̀ ghə̂ a fuu mə n kɔʼlə mə.

Tùm i dzuŋu zə kuum Yeso Klisto tə Jɔn â tɔɔnə 6:22

Tsətsə wey, nɔɔ kə aghə̂ key kə â doʼo səənə n nguŋ inyi i loʼ zey n taa moʼlə tsu nə̀ a mə loʼ kə kəfən kəmɔʼ fu n nguŋ inyi. Ghə n taa moʼlə tsu soʼo nə̀ Yeso â ka nyi dzəŋi dzə ghi ngəd tə wi tə, nsə nə̀ ngəd tə wi tə â nuu naŋa sə tsu wi.

Tùm i dzuŋu zə kuum Yeso Klisto tə Jɔn â tɔɔnə 6:3

Yeso n nuu kɔʼ ndòw nə ukaʼ, ndòw doʼo tsu fu ghi dzûmə tə wi tə.

Hibru 4:13

Fə kə loʼ kə way Zə̀ kə bɔmnə, kə nyi doʼonə sə̂ a wi. Fə udzəm u chi doʼonu, loʼ n mgbaŋ n sə kə wi wən saa khə ni teeli fu taŋ tə̀ wi.