Tùm i dzuŋu zə kuum Yeso Klisto tə Jɔn â tɔɔnə 21:23 - Kaa n Kəzə̀ n fəghə mə

²³ Zɔŋ wə n fuŋ nay ndow n fəŋŋə kə ghə̂ ghey ghə â bəghəmnə tə̀ Yeso nə̀, ngəd zən i kpu way, loʼ sey nə̀ Yeso â ka dza dzə tə Pita nə̀ ngəd ə tii nə kpu way. Tə â fəd dza nə̀, “Abə n ləghə nə̀ tə muu ni ndow kuum n nəŋə zey mə i dzəŋŋə bənə tii, a wɔ tii fəmmə kee?”

Tùm i dzuŋu zə kuum Yeso Klisto tə Jɔn â tɔɔnə 21:23 ပူးပေါင်းရင်းမြစ်များ

Matyo 16:27

Waa weynum bəghənu n ghaʼ i bày wi zə nsə tsətəndəghə tə Kəzə̀ tə. Tə î naamə kə wù n fwaʼ key tə fwaʼnə.

Kəfwaʼ 1:15

N tsuʼ fə loʼ fə n tsuʼu mən ghə â dzəŋi doʼonə, ghə̂ ghən ghə bəghəm nə tə Yeso n loʼ fu tə a loʼ aghə̂ fəbɔm nsə ghə̂ ghə nghəm n bəghə. Pita n nuu təmi kɔʼ n fəŋŋə kə ghə, ghɔɔmə ndow tə ghə.

Kəfwaʼ 28:14

Ghey n bə koʼ bə dzûmə tə Klisto tə loʼ tə fu, ghə n dza nə̀ ghey muu doʼo tsu iwən ghi ghə. À wən loʼ nghee ghey â bweynə tii ni bə nyi n naʼ i Rom.

Kəfwaʼ 6:3

Waazə ghə, say kɔʼ n na ghə̂ ghə asəghəmbəghə n fəŋŋə kə ghaa, ghə̂ ghən ghaa khənə nə̀ Zay kə Zow kə loʼ n kow ghə, ghə u khə soʼonə tɔb wə, ghaa fuu ndow fwaʼ kən tə ghə nə ghə i fwaʼa.

1 Kɔrint 11:26

I sey dii nə̀, nəŋə tədzəm ghaa zə̂ənə baa kən mə̂ə soʼo lə mən, ghaa sey naʼlə ndow tə̀ ghə̂ a loʼ ghə nə̀ Yeso â kpu n tow u ghaa. Ghaa i naʼlə sa ni ndow kuum n tsuʼ fey tə i bəghə dzəŋŋənə tii.

1 Kɔrint 4:5

Sey, kə ghaa nə tsəʼlənə saʼ n kow wù nə̀ nəŋə i ka kam kpii. Ghaa khə ni ləmə ni ndow kuum n nəŋə zey Mûkəbii i bəghənə tii. À loʼ wi tə i ney naŋŋə bənə ghəə ghey adzəm a nyi doʼonə nə kələm n mgbaŋ, tə i chi dii bə soʼo moʼlə tə bəbə tey ghə̂ a khənə n fə̀ŋ tə ghə. N nəŋə i tii zə, Zə̀ kə i fuu kə kay wù n kɔʼlə mey n kpiinə tə̀ wi.

Jems 5:7

Waazə ghə, kow tsu kə na fə̀ŋ tə ni ndow kùm n nəŋə zey Mûkəbii i bəghənə tii. Ghaa koʼonu nghee tə wù usum kow tsunə fə̀ŋ tii ni ləmə kəŋə ndow nə̀ sum u wi u fuu bə wi n fəzəə wə. Tə kow tsu kə fə̀ŋ sa, ghow zə n tsu kəŋə ndow sa tə̀ num i bən bə tii, fəzəə wə n fən nyi bə.

Chi dii 2:25

N kee ləghə kə nə̀ ghaa bɔɔmə təmi taw tsu n bəghəm i fə̀ŋ i ghaa ni ndow kuum n nəŋə zey mə i bəghənə tii.