Tùm i dzuŋu zə kuum Yeso Klisto tə Jɔn â tɔɔnə 21:19 - Kaa n Kəzə̀ n fəghə mə

¹⁹ Yeso ghəə ghən â khəə ni dii tsu ndzoʼo və zey Pita i kpuu ghii zə, i zey i nə fuu kɔʼlə mə tə̀ Zə̀ kə. Yeso n daŋŋə dza tə̀ wi nə̀, “Dzûmə bə mə.”

Tùm i dzuŋu zə kuum Yeso Klisto tə Jɔn â tɔɔnə 21:19 ပူးပေါင်းရင်းမြစ်များ

Matyo 10:38

Wù wey tə tuunə ni ney zat kə fəkaʼ kə wi, tə dzûmə bə mə, ka kɔʼ kpii dzə̀ ni doʼo dzûmə wuŋ.

Matyo 19:28

Yeso n dza ndòw tə̀ ghə nə̀, “N kuum dza bə tə̀ ghaa nə̀, abə Waa Weynum î doʼnə n kuu kə ufɔɔ kə wi kə nyiələ kə n mbi i fəghə zə, ghaa ghən ighəm n ghii ghə abəghə i doʼ soʼo fu n kuu u təfɔɔ, saʼa naʼa tə Izree tən ighəm n ghii tə təbəghə.

Matyo 8:22

Yeso n fəd dza ndòw tə̀ wi nə̀, “Dzûmə bə mə̀, zəghə maʼa ghə̂ a kpuu ghə tə̀ ghə tsəllə ndòw ghə̂ a ghə a kpuu ghə.”

Tùm i dzuŋu zə kuum Yeso Klisto tə Jɔn â tɔɔnə 12:26

Wù wey tə ləghənə ni doʼo wù kəfwaʼ wuŋ, khə ni dzûmə mə, nə luʼu key n loʼnə tii, wù kəfwaʼ wuŋ i loʼ sòʼo fu. Abə wù fwaʼanə tə̀ mə, Bày wuŋ n ngɔɔmə wù tii.”

Tùm i dzuŋu zə kuum Yeso Klisto tə Jɔn â tɔɔnə 12:33

Tə â dza sey ni dii ndzoʼo jìi zey tə i kpuunə tii.

Tùm i dzuŋu zə kuum Yeso Klisto tə Jɔn â tɔɔnə 18:32

Ghəə ghən â shi sey ni luulə tsu ghɔɔmə zey Yeso â ghɔɔmə naŋa ni dii ndzoʼo və zey tə i kpuu ghii zə.

Tùm i dzuŋu zə kuum Yeso Klisto tə Jɔn â tɔɔnə 21:18

N kùm dza bə tə wɔ nə̀, nghee wə â nam loʼ winətəghə, wə n dzəŋŋə tsə ndzə tə n nəŋə wɔ, ndow n luʼu tey wə ləghənə ni ndow, a kee loʼ kə nə̀ abə wə i dən tsu, u nə naalə shiə ndow ikpi, wù nuu nə dzəŋə fu tsu ndzə tə, tə boʼo kɔʼ wɔ, tə ney ndow wɔ n luʼu key wə mə buʼu ləghə way ni ndow.”

Tùm i dzuŋu zə kuum Yeso Klisto tə Jɔn â tɔɔnə 21:22

Yeso n beeli ndow wi nə̀, “Abə n ləghə nə̀ tə muu ni ndow kuum n nəŋə zey mə i dzəŋŋə bənə tii, a wɔ tii fəmmə kee? Dzûmə bə mə!”

Filipi 1:20

Moʼlə zuŋ nsə ləghə zuŋ i loʼ nə, kə n nə bwu koʼonə n fwaʼ kuŋ, nə̀ mə î fəd khə fə̀ŋ ni naʼlə tûm i dzuŋu zə, sey nə̀ wû wuŋ udzəm u loʼ ni fuu kɔʼləmə tə̀ Klisto nya nsə nə tənəŋə tədzəm, abə n loʼnə utaw nkee nə̀ mə n kpu.

2 Pita 1:14

N khənu nə̀ fəkəmə sa, mə i kəm way dzə n tow kə, nghee tə Mûkəbii saa Yeso Klisto â tɔʼ dii fuu bənə tə̀ mə.