Tùm i dzuŋu zə kuum Yeso Klisto tə Jɔn â tɔɔnə 20:31 - Kaa n Kəzə̀ n fəghə mə

³¹ A ghən ghə kee tɔ̀ɔ naŋanə fa, loʼ ni ghəŋə tsu nə̀ ghaa i loʼ ni bəghəm fuu nə̀ Yeso loʼ wù wey Zə̀ kə â dza naŋa nə̀ i tûm bənu, Waa Kəzə̀, nsə nə̀, abə ghaa bəghəm tə̀ wi, ghaa loʼ ni keeli imuu nə̀ i way ni may.

Tùm i dzuŋu zə kuum Yeso Klisto tə Jɔn â tɔɔnə 20:31 ပူးပေါင်းရင်းမြစ်များ

Matyo 16:16

Shimun Pita n beeli ndòw wi nə̀, “Wə loʼ Klisto, Waa Kəzə̀, Zə̀ kən kə loʼnə utaw nəŋə tədzəm.”

Matyo 27:54

Ambə wù nii ə saʼ kə təsawgoʼ wey nsə sawgoʼ tey tə â keyyənə Yeso koʼ tsunə nghee ghəlitsə kə noʼlənə tii nsə ghəə a loʼ ghey ghə â shiənə, tsəŋ zə n kwu ghə, ghə n dza nə̀, “Wù wən â ndzəm loʼ Waa Kəzə̀.”

Matyo 4:3

Satan n ndòw bə, zey ni mɔm koʼ wi, dza tə̀ wi nə̀, “Abə wə ndzəm loʼnə Waa Kəzə̀, dza tsu nə̀ tay ghən a fəd doʼo kɔʼ baa kə nkala.”

Malakus 16:16

Wù wey tə bəghəmnə ghəə zey ghaa dzanə, ney kɔʼ mmuu n Kəzə̀, tə i keeli ibəghəshi. Wù wey tə ka bəghəm i keeli ngoʼ.

Lukas 1:35

Tsəndəghə ə Kəzə̀ zey n beeli ndòw wi nə̀, “Zay kə Zow kə î tsuu bə n kow wɔ, daʼa K-a-zə̀ kə i tsət bə wɔ. À wey loʼ ghə i tii zə ghə î tɔŋɔnə waa u zow wey wə̀ i jiənə nə̀ a loʼ Waa Kəzə̀.

Lukas 1:4

sey nə̀ wə tɔʼ keeli tsu isəŋə n ghəə ghey wə̀ khə dzənə.

Lukas 24:47

Nsə nə ghaa naʼa tûm i dzuŋu zə n zəd i Yeso n badla tə mbi tədzəm nə ghə̂ a kweyyə nuu bə fə̀ŋ tə ghə n ghəə a bəbə ghə tə Zə̀ kə neyzəə bəb i ghə, ni zey tsu n Yerosalem, kuum ndow n badla tə mbi tədzəm.

Tùm i dzuŋu zə kuum Yeso Klisto tə Jɔn â tɔɔnə 1:49

Natanyə n beeli ndòw wi dza nə̀, “Wù dii wə, wə̀ ndzəm loʼ Waa Kəzə̀! Wə̀ loʼ də̀ŋ kə naʼ zə Izree!”

Tùm i dzuŋu zə kuum Yeso Klisto tə Jɔn â tɔɔnə 10:10

Wù tsɔŋɔ bəghə kə ni bə tsɔŋ, ni wey, nsə ni bəəbə. Abə mə, n bə nə̀ ghaa keeli muu zə itsali, ghaa keeli muu i tii zə naʼ idzəm.

Tùm i dzuŋu zə kuum Yeso Klisto tə Jɔn â tɔɔnə 19:35

Wù wey tə â koʼ ghəə ghən, à loʼ wi tə tiilə dza bənə ghəə a tii ghə, ghɔɔmə i wi i loʼ isəŋə. Tə a ndzəm khə soʼo nə̀, ghəə zey tə tiilə dza bənə, loʼ isəŋə, sey nə̀ ghaa loʼ soʼo ni bəghəm fuu tə̀ Zə̀ kə.

Tùm i dzuŋu zə kuum Yeso Klisto tə Jɔn â tɔɔnə 20:28

Tɔmɔs n beeli ndow wi nə̀, “Wə loʼ Mûkəbii wuŋ nsə Zə̀ kuŋ kə.”

Tùm i dzuŋu zə kuum Yeso Klisto tə Jɔn â tɔɔnə 3:18

Wù wey tə bəghəmnə tə̀ wi, Zə̀ kə kəm saʼa way wi, wù wey tə ka kee bəghəm tə̀ wi, Zə̀ kə n saʼ a wi gboo khəə tən, tə u naŋa wi n ngoʼ, n təŋkey, tə ka bəghəm dzə n zəd i sɔʼi fə Waa wi.

Tùm i dzuŋu zə kuum Yeso Klisto tə Jɔn â tɔɔnə 3:36

Wù wey tə bəghəmnə tə Waa tii, tə i keeli muu zə itsali, wù wey tə ka kee zow tə̀ Waa, î keeli dzə way muu zə. Zə̀ kə n fəələ tən nəghə wə ghi wù tii.”

Tùm i dzuŋu zə kuum Yeso Klisto tə Jɔn â tɔɔnə 5:24

N dza bə isəŋə tə̀ ghaa nə̀, wù wey tə zownə ghɔɔmə zuŋ zə, bəghəm fu bə tə wù wey tə tûmnə mə, î keeli muu zə itsali. Zə̀ kə kəm way ni saʼ ghə boʼnə ghə n nuu shi bə nə ivə, ghə nya khə muu i fəghə zə.

Tùm i dzuŋu zə kuum Yeso Klisto tə Jɔn â tɔɔnə 6:40

I loʼ sey kuum nə̀, ghəə zey Bày wuŋ ləghənə loʼ nə̀ ghə̂ ghey ghə koʼnə Waa, bəghəm fu tə̀ wi, ghə keeli muu zə itsali. Mə i zhəm dzəŋŋə bə ghə n tsuʼ fey mbi nə̂ maynə tii.”

Kəfwaʼ 10:43

Tûm tə Kəzə̀ tədzəm tə mâ ghɔɔmə bòʼ wi dza nə̀ ghə̂ ghey ghə bəghəm nə tə wi, Zə̀ kə i neyzəənu ghəə a ghə a bəbə ghə n bam i zəd i wi.”

Kəfwaʼ 3:16

Wù wən ghaa koʼo bənə fa, ghaa adzəm, ghaa tɔʼ khənu wi, tə taw doʼo bə bòʼ bəghəm i fə̀ŋ zən ghey khənə n kow Yeso. À loʼ bəghəm i fə̀ŋ n kow Yeso i ghəŋənə nə̀ wù wən taw doʼo bə tə ghaa koʼonə.

Kəfwaʼ 8:36

Nghee ghə ndownə n jii, ghə ndow koʼ tsu mmuu, wù wey tə â loʼ nə ghə n kàa n dza nə̀, “Koʼo mmuu n mən ə, à loʼ kee wə way ni fuu mə fa n mmuu n Kəzə̀ mə ə?”

Kəfwaʼ 8:37

[Filip n dza tə wi nə̀, “N loʼnu ni fuu wɔ n mmuu n Kəzə̀ mə abə wə bəghəmnə n fə̀ŋ zə idzəm.” Wù wey n dza ndow tə wi nə̀, “N bəghəmnu, mə n bəghəm nə̀ Yeso Klisto loʼ waa Kəzə̀.”]

Kəfwaʼ 9:20

Tə n daŋŋə zey ndow ni naʼa tûm nə Yeso loʼ waa Kəzə̀ n ndaw tə udzəŋi tə ghə̂ a Təjuu.

1 Pita 1:9

Nghee ghaa bəghəmnə tə̀ Zə̀ kə, naamə kə tii kə loʼ nə̀ Zə̀ kə i bəghəshiə fə̀ŋ tə ghaa.

1 Jɔn 4:15

Abə wù dza nə̀ Yeso loʼ Waa Kəzə̀, tə sey muu nə kəfə kəmɔʼ ghi Zə̀ kə, Zə̀ kə a muu soʼo nə kəfə kəmɔʼ ghi wi.

1 Jɔn 5:1

Wù wey tə bəghəmnə nə̀ Yeso loʼ wù wən Zə̀ kə â dza naŋa nə̀ i tûm bənu, tə loʼ waa Kəzə̀. Wù wey tə ləghənə bày, ləghə soʼonu waa wi.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.

2 Jɔn 1:9

Wù wən tə ndow kə n sə kə, nə tə bɔɔmə bwey ndow way tə Klisto diinə, wù tii way dzə nə kəfə kəmɔʼ ghi Zə̀ kə. Wù wey tə dzûmənə dii i Klisto zə, tə loʼ nə kəfə kəmɔʼ ghi Bày nsə Waa.

Chi dii 2:18

Yeso n dza bə tə̀ mə nə̀, “Tɔ̀ɔ ndow tə tsəndəghə ə Kəzə̀ zey i keyyənə dzəŋi kə dzûmə tə Klisto key n Tyatira nə̀, waa Kəzə̀ wən sə̂ a wi a baŋanə tə a loʼ uvəllə, fuu i wi zə u nyiəllənə tə a loʼ vuʼ kən ghə tsoʼlə tsunə, dza nə̀,