Sey, gheyzən ghey n nuu tsu fu nə isày zey ndow ni nyəŋ n tsəŋ zə n fə̀ŋ, tsɔŋ khə soʼo iduʼlə n fə̀ŋ. Ghə n nyəŋə ndòw ni ndòw dza ghə i tii zə tə̀ ngəd tə Yeso tə.
N kùm dza bə tə̀ ghaa nə̀ abə mə i nuu ndownə, ghaa nə deyyə, tsuulə nsə̂, ghə̂ a mbi a nə kee duʼlə. Ghaa nə mownu, ghab kə nə ka kee shi, mow i ghaa i nə fəd doʼo bə iduʼlə.
A wey bɔɔmə loʼ ghəə zey i shiənə nya ghi ghaa, ghaa mownu nya, a kee loʼ nə̀ mə i kəm koʼo kpiʼinu ghaa, fə̀ŋ tə ghaa tə i duʼlə n jìi zey wù loʼ nə kəm way ni ney nuu duʼlə i tii zə n wɔ ghaa.
Ghey ghəə ghən tɔ̀ɔ bə tə ghaa kuum ghɔɔmə zən i ghəŋŋənə nə̀ ghə̂ a keeli imuu. Ghɔɔmə i tii i mâ khə doʼo zey tə̀ Zə̀ kə ni bɔm mbi. Ghey mâ zow, ghey n koʼ ndow soʼo n sə̂ a ghey. Isəŋə loʼ nə̀ ghey mâ koʼ wi, mɔm tsu soʼo wi n wɔɔ a ghey ghə.