Tùm i dzuŋu zə kuum Yeso Klisto tə Jɔn â tɔɔnə 20:17 - Kaa n Kəzə̀ n fəghə mə

¹⁷ Yeso n dza tə̀ wi nə̀, “Ka mə mɔm, n təŋkey, n ka kam kɔʼ taa dzə n səə Bày. Kee ndow n səə waazə ghuŋ ghə, wə dza tə̀ ghə nə̀ n nya ndow n səə Bày wuŋ, tə wey tə â loʼ soʼonə Bày ghə, tɔŋŋə Zə̀ kuŋ kən kə loʼ soʼonə Zə̀ kə ghə kə.”

Tùm i dzuŋu zə kuum Yeso Klisto tə Jɔn â tɔɔnə 20:17 ပူးပေါင်းရင်းမြစ်များ

Matyo 12:50

Wù wey tə ghəŋŋənə ghəə ghey Bày wuŋ idəŋ ləghənə, tə sey loʼ waazə wuŋ u num wə, waazə wuŋ u zən wə nsə này wuŋ.”

Matyo 25:40

Tə i beeli ndòw ghə nə̀, ‘N kuum dza bə tə̀ ghaa nə̀, ghəə ghey ghaa â ghəŋənə tə̀ waazə wuŋ u ghaa wə, ghaa â sey ghəŋə tə̀ mə̀.’”

Matyo 28:7

Ghaa zaŋŋə ndòw dza ndòw tə̀ ngəd tə wi tey nə̀ tə n zhəm dzəŋŋə bə nə ivə, tə n ndòw isə n Galili, ghaa i koʼo wi fu. I moʼlə tsu na ghəə ghən n dza tsunə tə̀ ghaa.”

Malakus 12:26

Nya, n ghɔɔmə bə tə̀ ghaa bòʼ zhəm dzəŋŋə zə ivə, ghaa ka kam tɔŋɔ koʼ n màʼlə kə Mushi n luʼu key vəllə wə â fəə nə fəkaʼ a? Zə̀ kə â dza tə̀ Mushi nə̀, ‘N loʼ Zə̀ kə Abraham, Zə̀ kə Ayzik, nsə Jakob.’

Malakus 16:19

Ambə Mûkəbii Yeso ghɔɔmə may tsunə ghəə ghən tə̀ ghə, Zə̀ kə n ney nuu kɔʼ ndòw wi idəŋ, tə n ndòw doʼo tsu n kpii u Kəzə̀ u təmə kə.

Lukas 10:4

Kə̂ ghaa nə neynə mbəghə fə ukhəə fə, nkee kəmbəghə, mɔ təgow ni tsɔʼ kweyyə. Kə̂ ghaa nə tɔŋŋəzownə wù n jii.

Tùm i dzuŋu zə kuum Yeso Klisto tə Jɔn â tɔɔnə 13:1

N tsuʼ fey Zə̂ kə taa zaʼa kə bwu bweelinə tii, Yeso n khə zey nə̀ nəŋə zə n kpii tə̀ wi ni zəghə maʼa mbi zən, tə ndow dzəŋŋə n səə Bày. Yeso â ngii ləghə ghə̂ ghən tə â loʼnə ghi ghə fa n mbi, tə n dii may tsu ləghə i wi tə̀ ghə ni ndow kùm n tsuʼ fey tə khə ni zəghə ghə.

Tùm i dzuŋu zə kuum Yeso Klisto tə Jɔn â tɔɔnə 13:3

Yeso â khənu nə̀ Bày n fuu naŋa ghəə ghə adzəm n wɔɔ a wi. Tə n khə soʼo nə̀ tə â nuu bə n səə Zə̀ kə, tə ndow dzəŋŋə n səə Zə̀ kə.

Tùm i dzuŋu zə kuum Yeso Klisto tə Jɔn â tɔɔnə 14:2

N dza bə tə̀ ghaa nə̀, dzuu a ndaw a loʼ n ndaw Bày wuŋ n ndəm, abə a mə way sey, tə n mə ka dza bə dzə tə̀ ghaa nə̀ n sa ndow ni ndow bayyə naŋa tsu təluʼu tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 14:28

Ghaa mâ zow nghee mə â dzanə tə̀ ghaa nə̀, ‘N nuulə ndownu, a kee loʼ nə̀ mə i kəm bəghə dzəŋŋənu n səə ghaa.’ Abə ghaa mə ləghənə mə, ghaa mə khə ni duʼlə nə̀ n ndow n səə Bày, n təŋkey, Bày tsəghəshi mə.

Tùm i dzuŋu zə kuum Yeso Klisto tə Jɔn â tɔɔnə 14:6

Yeso n beeli ndow wi nə̀, “N loʼ jii, isəŋə nsə muu zə. Wù way dzə ni bə n səə Bày nə̀ a ka ney ndòw mə wi n səə wi.

Tùm i dzuŋu zə kuum Yeso Klisto tə Jɔn â tɔɔnə 16:28

Mə â nuu bə n səə Bày, bə fa n mbi. N nya khə ni kəm zəghə tsu mbi n ndow dzəŋŋə n səə Bày.”

Tùm i dzuŋu zə kuum Yeso Klisto tə Jɔn â tɔɔnə 17:11

N nya zəghə taʼa tsuu ghə fa n mbi, mə n nuulə bə n səə wɔ. Bày wuŋ u zow wə, tsəd naŋa tsu ghə n daʼa key kə loʼnə n zəd zə, zəd zey wə â fuunə tə̀ mə, tə ghə doʼo nə kəfə kəmɔʼ ighələ tə̀ n loʼnə ghi wɔ nə kəfə kəmɔʼ.

Tùm i dzuŋu zə kuum Yeso Klisto tə Jɔn â tɔɔnə 17:25

Bày wuŋ u dzuŋu wə, wə loʼ tsətsəghə. Nghee ghə̂ a mbi ghən buʼ khə kə way wɔ, n kee khənu wɔ, ngəd tuŋ tə u khə soʼo nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 17:5

Bày, ney naŋa mə n səə wɔ tə̀ mə i khə kɔʼlə mə, kɔʼlə n mɔʼɔ mey ghi wɔ â khə tsə tə mbi a nə zey tsu.

Tùm i dzuŋu zə kuum Yeso Klisto tə Jɔn â tɔɔnə 20:27

Tə n daŋŋə dza tə̀ Tɔmɔs nə̀, “Koʼo wɔɔ ghuŋ ghə, gaʼ bə waa kəwɔɔ wə fa. Naalə shi bə wɔɔ kə kə̀, wə mɔm bə teybow zuŋ. Ka i səmə, keeli tsu bəghəm i fə̀ŋ zə.”

Tùm i dzuŋu zə kuum Yeso Klisto tə Jɔn â tɔɔnə 7:33

Yeso n dza, “N khə kə tɔŋɔ fə inəŋə ni doʼo kəŋə ndow ghi ghaa, mə i daŋŋə nuu ndòw n səə wù wey tə tûmnə mə.

Roma 8:29

I loʼ sey n təŋkey, ghə̂ ghey Zə̀ kə â khənə nə̀ ghə i bə doʼlə ghə̂ a wi, tə â khənu nə̀ ghə i kweyyə nuulə bənu, ghə doʼo bə tə a loʼ waa wi, sey nə̀ waa wən i loʼ waa u sə isə wə n fəŋŋə kə ndəmə ghə̂ ghən ghə loʼnə dzûmə tə Klisto tə.

2 Kɔrint 6:18

Zə̀ kə, tə khənə daʼa wə udzəm dza soʼo nə̀, “Mə i doʼlə Bày ghaa, Ghaa i loʼ waa ghuŋ a num ghə nsə a zən ghə.”

Galeshia 3:26

Nya, à loʼ bəghəm i fə̀ŋ zən ghaa khə n kow Yeso Klisto, i ghəŋŋənə nə̀ ghaa doʼo waa a Kəzə̀.

Hibru 11:16

Ghə n fədlə mbuŋŋə ndow naʼ zey i dzɔb tsəghənə, tɔŋŋə naʼ zey i loʼnə idəŋ. Sey, Zə̀ kə dədlə way n tow kə abə ghə tɔŋŋənə wi nə̀ loʼ Zə̀ kə ghə bòʼ nə̀ tə n bayyə naŋa naʼ zə tə̀ ghə.

Hibru 8:10

Sey, Mə Mûkəbii, n dza nə̀, à wey loʼ kaa n fəghə mən mə i zə̂ənə ghi ghə̂ ghə Izree ghə N tsuʼu mən n bəghənə. Mə i kuu naŋa ndow laŋ wuŋ n tow u ghə N tɔ̀ɔ naŋa ndow soʼo n fə̀ŋ tə ghə. Mə i doʼlə Zə̀ kə ghə, Ghə i doʼo soʼo ghə̂ ghuŋ.

1 Pita 1:3

Saa fuu kəzɔŋŋə tə̀ Zə̀ kə tə loʼnə Bày tə Mûkəbii saa Yeso Klisto! Nghee tə ngii khənə sî i kwɔɔlə zə, tə n ghəŋə nə̀ saa i khə muu i fəghə zə nghee tə zhəm dzəŋŋə bənə Yeso Klisto nə ivə. À wən loʼ ghə i tii zə, saa muunə, ləmmə tənə nə̀ Zə̀ kə i fuunu saa n fə key tə â təb naŋanə tə̀ saa.

1 Jɔn 3:2

Fə̂ ghuŋ a dzuŋu ghə, nyisa wən saa loʼnə waa a Kəzə̀ ghə, saa kam khə way fə key saa i bə doʼlənə ghii kə. Saa kee khə kə nə abə Klisto i bənə, saa i bɔɔmə doʼlə kə tə a loʼ wi, n təŋkey, saa i koʼo ndow kə wi nghee tə bɔɔmə loʼnə tii.

Chi dii 21:3

Mə n zow ndow dzə̀ i taw zə i ghɔɔmə bənə n kuu kə fɔɔ, dza nə̀, “Koʼo, luʼu key Zə̀ kə muunə tii, nya loʼ n fəŋŋə kə aghə̂! Tə i muulə dzəŋi ghi ghə, ghə i loʼ ghə̂ a wi. Zə̀ kə n wû u wi wə i loʼ ghi ghə, tə i doʼo soʼo Zə̀ kə ghə.

Chi dii 21:7

Ghə̂ ghən ghə i təmə zəənə ghəə a bəbə ghə, ghə i zəə fə̂ wən udzəm. Mə i doʼo Zə̀ kə ghə, ghə i loʼ waa ghuŋ ghə.