Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Tùm i dzuŋu zə kuum Yeso Klisto tə Jɔn â tɔɔnə 19:42 - Kaa n Kəzə̀ n fəghə mə

42 Nghee â tsəm loʼ soʼo tsuʼ fey Zə̂ kə Təjuu kə bwu bweeli tii, say i tii zə ndzɔʼ kuʼlə loʼ soʼo, ghə n tsələ naŋa nyi ndow Yeso fu.

အခန်းကိုကြည့်ပါ။ ကော်ပီ




Tùm i dzuŋu zə kuum Yeso Klisto tə Jɔn â tɔɔnə 19:42
10 ပူးပေါင်းရင်းမြစ်များ  

N təŋkey, tə̀ Jona â doʼonə n nəghə wə itsəghə nə ntsuʼu ntəghə, Waa Weynum î doʼlə soʼo ntsuʼu ntəghə n fə̀ŋ ə ghəlikətsə.


Nəŋə zə n loʼ tə a loʼ n fə̀ŋ ə tsə tə n tsuʼ fey Zə̂ kə taa zaʼa kə bwu bweelinə tii, Pilato n dza tə ghə̂ a Təjuu ghə nə̀, “Koʼo na də̀ŋ kə ghaa kə kənə!”


Ndəmə ghə̂ a Təjuu ghə n tsəghə tɔŋŋə daŋŋə tsə ghəə a tii ghə, n təŋkey, ghə â baa wi n zat kə fəkaʼ n səə inaʼ. Ghə n tɔ̀ɔ naŋa soʼo ghəə a tii ghə n ghɔɔmə i Hibru, n ghɔɔmə i Grik nsə n ghɔɔmə i Latən.


Ghə â baa Yeso n zat kə fəkaʼ n tsuʼ fey tsuʼ inaʼ u ghə̂ a Təjuu u bwu bweelinə tii. Ni ghəŋŋə tsu nə̀ kə vən i loʼ i nə doʼlə səənə n zat kə fəkaʼ n tsuʼ inaʼ u ghə, ngəd tə Təjuu tə n dza tə̀ Pilato nə̀, “Dzɔb loʼ nə a mə khə̂mə tsu fuu i ghə, a ney nuu tsu bə vən a ghə.” Ghə â dza sey, n təŋkey, tsuʼ inaʼ u ghə̂ Təjuu wən wə â bəghənə â loʼ tsuʼ u nii wə.


À n loʼ sey nə̀ sum u loʼ u kuʼlə loʼ n luʼu key ghə â baa Yeso tii n zat kə fəkaʼ. Say zə n loʼ fu nə usum nə̀ ghə ka kam tsələ koʼ wù tii.


Ambə ghə ghəŋŋə may tsunə ghəə ghən màʼlə K-a-zə̀ kə dzanə adzəm bòʼ Yeso, ghə n ney tsu bə vən i wi n zat kə fəkaʼ, ndow tsəllə ndow wi n nyə̀ŋ isay ghə kpeyyə nyi ndownə nə̀ kənaa.


I tɔ̀ɔ doʼo soʼo n màʼlə K-a-zə̀ nə̀, tə â kpu tsunu, ghə n tsəllə tsu wi, ambə tsuʼu n tsəghə tsunə ntəghə, Zə̀ kə n zhəm dzəŋŋə bə wi nə ivə.


N sey dza n təŋkey, ghə mâ tsələ dzəŋi ghaa ghi Klisto n mmuu n Kəzə̀ mən ghə â fuunə tə ghaa. Ghaa n zhəm dzəŋŋə bə soʼo ghi wi, keeli kɔʼ muu i fəghə zə, tənkey ghaa gaʼ fə̀ŋ n daʼa K-a-zə̀, tə â zhəm dzəŋŋə bənə Klisto nə ivə.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ