Tùm i dzuŋu zə kuum Yeso Klisto tə Jɔn â tɔɔnə 19:4 - Kaa n Kəzə̀ n fəghə mə

⁴ Pilato n kəm tsəghə shi bə, dza tə̀ ngəd tə Təjuu tey nsə nɔɔ kə aghə̂ key nə̀, “N sa ney shiə bə wi n səə ghaa nə̀ ghaa keeli tsu nə̀ n ka koʼ ghə i loʼ zə tə ghəŋə bəəbənə.”

Tùm i dzuŋu zə kuum Yeso Klisto tə Jɔn â tɔɔnə 19:4 ပူးပေါင်းရင်းမြစ်များ

Matyo 27:19

Nghee tə̀ Pilato nam doʼnə n kuu key tə doʼlənə tii ni saʼ aghə̂, wey wi n tûm bə tûm tə̀ wi nə̀, “Kə wə̀ nə ghəŋŋənə ghə i bəbə zə n kow wù wey, n təŋkey, wɔɔ a wi a zownu. Jim u mə bə mə na, n jim u tii wə, mə n ngii fəghənə bòʼ wi.”

Matyo 27:24

Ambə Pilato koʼ tsunə nə̀ ghə i loʼ i bwey way, nə̀ a kɔʼɔ bə uchɔd, tə n ney kɔʼ mmuu sow kɔʼ wɔɔ a wi n sə̂ kə nɔɔ kə aghə̂ key, dza tə̀ ghə nə̀, “Wɔɔ ghuŋ a way dzə n və i wù wən, a khə kə ghaa.”

Matyo 27:4

dza tə̀ ghə nə̀, “Mə n ghəŋə bəəbə ni fìi fuu wù nə̀ ghə wey loʼ sey nə̀ wɔɔ a wi a zownu.” Ghə n beeli ndòw wi dza nə̀, “I zey laalə way ghey, a wey loʼ chɔd wə.”

Matyo 27:54

Ambə wù nii ə saʼ kə təsawgoʼ wey nsə sawgoʼ tey tə â keyyənə Yeso koʼ tsunə nghee ghəlitsə kə noʼlənə tii nsə ghəə a loʼ ghey ghə â shiənə, tsəŋ zə n kwu ghə, ghə n dza nə̀, “Wù wən â ndzəm loʼ Waa Kəzə̀.”

Lukas 23:4

Sey, Pilato n dza ndòw tə̀ ghə fɔɔngili a nii ghey nsə nɔ̀ɔ kə aghə̂ key nə̀, “N ka kòʼ dzə ghə i bəbə i loʼ zə wù wən ghəŋŋə tə n loʼ ni saʼ wi.”

Lukas 23:41

Sa fəʼlə bòʼ ghəə a saa a bəbə ghə, sey, naamə kə saa kə kpiinu. Abə wù wən, tə ka ghə i bəbə i loʼ i ghəŋə dzə.”

Lukas 23:47

Ambə wù nii ə təsawgoʼ koʼ tsunə ghəə ghən a shinə, tə n fu nkɔʼlə tə̀ Zə̀ kə dza, “Wù wən â kûm loʼ wù dzuŋu wə.”

Tùm i dzuŋu zə kuum Yeso Klisto tə Jɔn â tɔɔnə 18:33

Pilato n kəm nuu nyi ndow ibam nə kəbali, tɔŋɔ tsu Yeso, bəb tə̀ wi nə̀, “À loʼ wɔ Də̀ŋ kə Təjuu kə ə?”

Tùm i dzuŋu zə kuum Yeso Klisto tə Jɔn â tɔɔnə 18:38

Pilato n bəb tə wi nə̀, “Isəŋə loʼ kəkee?” Nghee Pilato bəb tsu sey, tə n daŋŋə nuu shi kpiʼi ndow a bii n səə ghə̂ a Təjuu ghə, dza tə̀ ghə nə̀, “N ka koʼ ghə i loʼ zə wù wən ghəŋə bəəbənə.

Tùm i dzuŋu zə kuum Yeso Klisto tə Jɔn â tɔɔnə 19:6

Ambə ghə fɔɔngili a nii ghey nsə bwoli tə ndaw Kəzə̀ tey n Yerosalem koʼ ndow Yeso, ghə n fəd keeli shi kɔʼ n dzə̂ tə taw tə nə̀, “Baa na wi n zat kə fəkaʼ! Baa na wi n zat kə fəkaʼ!” Pilato n dza tə̀ ghə nə̀, “Ney na wi ghaa ndow baa n zat kə fəkaʼ n nəŋə ghaa, n təŋkey, n ka koʼ dzə ghə i bəbə zey tə ghəŋənə.”

2 Kɔrint 5:21

Klisto â khə way bəb i loʼ zə, Zə̀ kə n ghəŋə tsu nə̀ tə̀ doʼo bə tə̀ a loʼ wù bəbə wə bòʼ saa, sey nə̀ abə saa loʼnə nə kəfə kəmɔʼ ghi wi, saa i loʼ tsətsəghə n sə̂ K-a-zə̀.

Hibru 7:26

Yeso sey loʼ fɔɔngili u nii nii wən tə kɔʼ kpiinə ni laalə ghəə a saa ghə. Tə u zow, khə way bwu zə nkee bəb i loʼ zə n kow wi. Zə̀ kə a ney nuu shi kɔʼ wi n fəŋŋə kə ghə̂ a bəbə ghə, kɔʼlə naŋa kɔʼ wi idəŋ.

1 Pita 1:19

Ghə â fəd kuum nuu shi bə tow u ghaa n kɔb kə kaŋ tə Klisto tən ghə fəələnə n zat kə fəkaʼ, tə a loʼ kaŋ tə waa njì zən ghə fəələnə nə̀ i khə way fəmmə kə loʼ kə khə soʼo way dzə u loʼ wə n kow wi.

1 Pita 2:22

Tə â ka ghəŋə koʼ tsə ghə i bəbə i loʼ zə, tə n ka bad koʼ tsə soʼo aghəə.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,

1 Jɔn 3:5

Ghaa khənu nə Klisto a bə fa n mbi ni bə ney nuu ghəə a bəbə ghə, loʼ sey nə̀ tə ka kam ghəŋə koʼ tsə ghə i bəbə i loʼ zə.