Tùm i dzuŋu zə kuum Yeso Klisto tə Jɔn â tɔɔnə 19:30 - Kaa n Kəzə̀ n fəghə mə

³⁰ Yeso n sɔɔlə mə̂ kɔʼ nlə n tii mə, daŋŋə dza nə̀, “Zə n may nya.” Tə n kùm tsu kətow, daŋŋə zay may kɔʼ i bə.

Tùm i dzuŋu zə kuum Yeso Klisto tə Jɔn â tɔɔnə 19:30 ပူးပေါင်းရင်းမြစ်များ

Matyo 20:28

Ighələ tə̀ Waa Weynum â ka bə dzə̀ fa n mbi nə̀ ghə̂ a fwaʼ tə̀ wi, tə â bə ni fwaʼ tə ghə̂ ghə nsə ni fuu muu i wi ni kùm shi tow u ndəmə aghə̂.”

Matyo 27:50

Yeso n kəm dey kpiʼi shi kɔʼ, zay kə wi kə n daŋŋə may i tsu.

Matyo 3:15

Yeso n fəd dza ndòw tə̀ wi nə̀, “Maŋ ghəŋə ndow kənu, n təŋkey, à loʼ ghəə zey i kpiinə ni ghəŋə n sə̂ K-a-zə̀.” Jɔn sey bəghəm kɔʼnu ni fuu wi n mmuu n Kəzə̀ mə.

Malakus 15:37

Yeso n dey shi kpiʼi kɔʼ n dzə i taw zə, daŋŋə kpu i kɔʼ.

Lukas 22:37

Kùm nə nəŋə zə n kpi tə ghə zey i tɔ̀ɔ doʼo n màʼlə K-a-zə̀ bòʼ mə nə̀, ‘Ghə â təm naŋa dzəŋi wi ghi ghə̂ a bəbə ghə’ ni ney kəbənə. Boʼnə, ghə zey i tɔ̀ɔ doʼonə n màʼlə K-a-zə̀ bòʼ mə̀ khə ni kuʼlə bə shi.”

Lukas 23:46

Yeso n dey shi kɔʼ n dzə̀ i taw zə dza, “Bày, zay kuŋ wɔɔ ghə.” Ambə tə dza tsunə sey, tə n tsəmə i tsu.

Tùm i dzuŋu zə kuum Yeso Klisto tə Jɔn â tɔɔnə 10:11

N loʼ wù baʼa u tənjì u dzuŋu wə. Wù baʼa u tənjì u dzuŋu u loʼ tə wey tə loʼ ni kpu n tow kə njì tə wi.

Tùm i dzuŋu zə kuum Yeso Klisto tə Jɔn â tɔɔnə 10:18

Wù way ni wey maʼa mə nə̀ a ka mə bəghəm, à kee tsəm tsu mə ni fuu nuu ndòw muu zuŋ. N khənu daʼa kə tii kə ni fuu, khə soʼo daʼa kə tii kə ni ney dzəŋŋə. À loʼ Bày wuŋ tə fuunə mə n laŋ kə nə̀ n loʼ ni ghəŋə sey.”

Tùm i dzuŋu zə kuum Yeso Klisto tə Jɔn â tɔɔnə 17:4

Mə n ghəŋə nə̀ wə keeli nkɔʼlə fa n mbi, n təŋkey, mə n mayyə fwaʼ key wə â fuu nə̀ n fwaʼ fa n ghəlikətsə.

Tùm i dzuŋu zə kuum Yeso Klisto tə Jɔn â tɔɔnə 19:28

Ambə ghəə ghən tsəghə tsu, Yeso n khə nə̀ i n mayyə ghəə ghə adzəm. Ni luulə ghɔɔmə i Kəzə̀ zən tûm tə Kəzə̀ tə â tɔ̀ɔ naŋanə, tə n dza nə̀, “Fə̀ŋ ə mmuu zuʼlə mə.”

Tùm i dzuŋu zə kuum Yeso Klisto tə Jɔn â tɔɔnə 4:34

Yeso n dza ndòw tə̀ ghə nə̀, “Fəzəə wuŋ u loʼ ni fwaʼ fwaʼ key wù wey tə tûm bənə mə, ləghənə nə̀ n fwaʼ, nsə ni mayyə fwaʼ key tə fuunə tə̀ mə nə̀ n fwaʼ.

Roma 10:4

I loʼ nə̀, Klisto mâ bə ghəŋə tsəghə nə̀ ghə̂ a doʼo tsətsəghə n sə K-a-zə̀ nə̀ à way dzə a dza ghə naŋŋə kəlaŋ. À wey loʼ ghə i tii zə, wù wey tə bəghəmnə tə wi, i doʼlə tsətsəghə n sə K-a-zə̀.

Roma 3:25

Zə̀ kə â fuu bə Klisto tə aloʼ umaʼlə ni kàa maʼa ghəə a saa a bəbə ghə, seynə abə saa gaʼnə fə̀ŋ kow Yeso Klisto wən â kpuunə n zad kə fəkaʼ, Zə̀ kə i neyzəə saa n ghəə saa a bəbə ghə boʼ və i Yeso n tow u ghey. Zə̀ kə â ghəŋə sey ni dii bə nə̀ tə loʼ tsətsəghə n ghəə a wi. N num tə ibam tə, Zə̀ kə â koʼonu ghəə a bəbə ghən ghə̂ ghə â ghəŋŋənə, tə n kee kow kə fə̀ŋ. Sey, tə n ka chɔd aghə̂ n ghəə a bəbə ghey ghə â ghəŋŋənə n nəŋə i tii zə.

1 Kɔrint 5:7

Ghaa khə ni teeli sòw maʼa ghəə a bəbə ghən a loʼnə tə a loʼ mbvuŋ i wey zə n fəŋŋə kə ghaa tə̀ ghaa zow doʼo bə tə a loʼ baa kə fəghə kən mbvuŋ way tii. Saa ndzəm loʼ baa kən mbvuŋ way tii n təŋkey ghə mâ sâa Klisto tə a loʼ waa njì ə zə̂ kə Taa zaʼa kə n tow u saa.

Filipi 2:8

Nghee tə doʼo bə n wû u wù sɔŋtsuʼ, Tə n tsuulə tsu wû u wi, naŋŋə laŋ u Kəzə̀, Bùʼ bəghəm daŋŋə ni kpu, Tə n kpu tsu nə̀ ghə wi baa n zat kə fəkaʼ.

Hibru 12:2

Saa bɔɔmə naŋa ndow kə sə a saa n kow Yeso wən tə â ghəŋə nə̀ saa bəghəm tə̀ Zə̀ kə, gaamə soʼo saa nə̀ bəghəm i fə̀ŋ i saa zə i taw. Tə n kow tsu kə fə̀ŋ ni fəghə, tə bə kpu n zat kə fəkaʼ. Tə n ka dədlə kətow n ghə i tii zə n təŋkey, tə â khənu duʼlə zey tə i keelinə isə. Tə nya doʼ n kpii kə təmə kə n kuu kə fɔɔ K-a-zə̀.

Hibru 9:22

I ndzəm loʼ n laŋ kə Mushi nə̀ à teeli loʼ kə təkaŋ tə ghəŋŋənə nə̀ ufə udzəm wə i zow nsə nə̀ abə ghə ka fəələ təkaŋ, ghə way ni neyzəə ghəə a ghə a bəbə ghə.