Tùm i dzuŋu zə kuum Yeso Klisto tə Jɔn â tɔɔnə 18:37 - Kaa n Kəzə̀ n fəghə mə

³⁷ Pilato n dza tə̀ wi nə̀, “I sey dii nə̀ wə loʼ kədə̀ŋ!” Yeso n beeli ndow wi nə̀, “À dza wɔ nə̀ n loʼ kədə̀ŋ. Zuŋ key ghə â jinə mə fa n mbi â loʼ ni bə dza isəŋə. Wù wey tə ləghənə isəŋə i tii zə, zəllənu ghəə zey n dzanə.”

Tùm i dzuŋu zə kuum Yeso Klisto tə Jɔn â tɔɔnə 18:37 ပူးပေါင်းရင်းမြစ်များ

Matyo 26:64

Yeso n beeli ndòw wi nə̀, “I loʼ tə̀ wə dzanə. N kee dza bə tə̀ ghaa nə̀, ni nuu tsu nya ndòw isə, ghaa î koʼo Waa Weynum tə doʼnə n kpii u təmə u Kəzə̀ wə, Zə̀ kən kə khənə daʼa wə udzəm. Ghaa i koʼ soʼo tə shiə tsu bənə n bikighow nə təmbaʼ.”

Matyo 27:11

Nya, Yeso n tey n sə̂ kə Pilato tə â loʼnə Gɔvənɔ. Pilato n bəb ndòw tə̀ wi nə̀, “Wə loʼ Də̀ŋ kə ghə̂ a Təjuu ə?” Yeso n beeli kɔʼ nə̀, “I loʼ tə̀ wə dzanə.”

Malakus 14:62

Yeso n dza tə̀ wi nə̀, “Ow, à loʼ mə. Ghaa î koʼo Waa Wù sɔŋtsuʼ tə doʼnə n kpii u Bày Zaamə Mbi u təmə wə, nghee tə bəghənə nə təmbaʼ.”

Malakus 15:2

Pilato n bəb tə̀ wi nə̀, “Wə loʼ də̀ŋ kə ghə̂ a Təjuu ə?” Yeso n dza nə̀, “I loʼ tə̀ wə dzanə.”

Lukas 22:70

Ghə n dzəŋi fuʼ bəb ndow tə wi nə̀, “wə fey nya dza wə loʼ waa Kəzə̀ ə?” Tə n beeli ndòw ghə nə̀, “À loʼ sey tə ghaa dzanə.”

Lukas 23:3

Sey, Pilato n bəb ndòw tə̀ wi nə̀, “I sey dii nə̀ wə loʼ də̀ŋ kə ghə̂ a Təjuu ə?” Yeso n beeli ndòw wi nə̀, “I loʼ tə̀ wə dzanə.”

Tùm i dzuŋu zə kuum Yeso Klisto tə Jɔn â tɔɔnə 1:14

Sey Ghɔɔmə zə n doʼo bə wù sɔŋtsuʼ, bə muu bə n fəŋŋə kə saa. Tə n dii bə ndzuŋ nsə isəŋə bòʼ Kəzə̀. Saa n koʼ ghaʼ i wi, ghaʼ zən i dii bənə nə̀ a loʼ wi sɔʼi fə Waa fə, Bày khənə.

Tùm i dzuŋu zə kuum Yeso Klisto tə Jɔn â tɔɔnə 1:17

Zə̀ kə â fu bə kəlaŋ fa n mbi nə̀ kə tsəghə n kow Mushi, Zə̀ kə n kee fu bə ndzuŋ nsə isəŋə nə̀ kə tsəghə n kow Yeso Klisto.

Tùm i dzuŋu zə kuum Yeso Klisto tə Jɔn â tɔɔnə 14:6

Yeso n beeli ndow wi nə̀, “N loʼ jii, isəŋə nsə muu zə. Wù way dzə ni bə n səə Bày nə̀ a ka ney ndòw mə wi n səə wi.

Tùm i dzuŋu zə kuum Yeso Klisto tə Jɔn â tɔɔnə 3:32

Tə tiilə dza bə ghəə ghey tə koʼnə nsə a ghey tə zownə, ghə̂ ghə a kee bəghəm way ghɔɔmə i wi zə.

Tùm i dzuŋu zə kuum Yeso Klisto tə Jɔn â tɔɔnə 7:17

Wù wey tə ləghənə ni ghəŋŋə ghəə ghey Zə̀ kə ləghənə, tə i keelinu nə̀ ghəə ghən n diinə fa, a nuu bə n wɔ Zə̀ kə mɔ n ghɔɔmə n ngəŋ zuŋ ə.

Tùm i dzuŋu zə kuum Yeso Klisto tə Jɔn â tɔɔnə 8:14

Yeso n beeli ndòw ghə nə̀, “Abə n tsəmə tiilə dza kə wû wuŋ wə n nəŋə mə, ghəə ghey n dzanə loʼ isəŋə, n təŋkey, n khənu luʼu key n nuu bənə tii nsə luʼu key n ndòwnə tii. Abə ghaa, ghaa kee khə dzə way luʼu key n nuu bənə tii nkee luʼu key n ndòwnə tii.

Tùm i dzuŋu zə kuum Yeso Klisto tə Jɔn â tɔɔnə 8:45

N kee ghɔɔmə kə isəŋə, a wey loʼ ghə i tii zə ghaa ləghə way ni bəghəm tə̀ mə.

Tùm i dzuŋu zə kuum Yeso Klisto tə Jɔn â tɔɔnə 8:46

À loʼ ndee n fəŋŋə kə ghaa tə loʼnə ni dza bə ghəə zey n ghəŋə bəəbənə. Abə i loʼ nə̀ n ghɔɔmə isəŋə, a kee loʼ kee, ghaa ləghə way ni bəghəm tə̀ mə ə?

Tùm i dzuŋu zə kuum Yeso Klisto tə Jɔn â tɔɔnə 8:47

Wù wey tə loʼnə wù Kəzə̀, zownu ghəə zey Zə̀ kə dzanə. Zuŋ key ghaa kee zow way ghɔɔmə i Kəzə̀ zə loʼ nə̀ ghaa way dzə ghə̂ a Kəzə̀.”

1 Timoti 6:13

N dza bə tə wɔ n sə kə Zə̀ kən kə fuunə muu zə tə fə wə udzəm, nsə n sə kə Yeso Klisto wən tə â tɔʼ dzanə isəŋə n nəŋə zey Pontus Pilato â saʼanə wi,

1 Pita 1:22

Nya wən ghaa sow maʼa dzənə wû i ghaa zə nghee ghaa naŋŋənə isəŋə, sey nə̀, ghaa i ndzəmə ləghə wû i ghaa zə tə a loʼ a awaazə, i ndzəmə ləghə na wû i ghaa zə n fə̀ŋ tə ghaa tə tədzəm.

1 Jɔn 2:21

N tɔ̀ɔ bə tə ghaa nə a way dzə nə ghaa khə way isəŋə ə tii, n fədlə tɔ̀ɔ bə n təŋkey ghaa khənu isəŋə nsə nə ghaa khə soʼonu nə̀ ghəə a badla a way ni shi koʼ tsə nə isəŋə.

1 Jɔn 3:14

Saa khənu nə̀ və i kəm khə way daʼa kə n kow saa, saa nya khə muu zən i may way, n təŋkey, saa ləghə tiilə waazə a saa. Wù wey tə khə way ləghə zə, və i sey nam khənu daʼa kə n kow wi.

1 Jɔn 3:19

Ghəə ghey saa ghəŋŋənə dii bənu nə̀ ghəə ghey saa dzanə loʼ isəŋə, sey, saa i loʼ ni bə n sə K-a-zə̀ nə̀ saa khə way tsəŋ zə n fə̀ŋ.

1 Jɔn 4:6

Saa fəd loʼ ghə̂ a Kəzə̀. Ghə̂ ghən ghə loʼnə ghə̂ a Kəzə̀ ghə, ghə zownu tə saa. Abə ghə mə way ghə̂ a Kəzə̀ ghə, ghə mə way ni zow tə saa. À wən loʼ nghee saa keelinə wù wey tə khənə zày key kə ghəŋŋənə nə̀ wù i dza isəŋə nkee zày key kə ghəŋŋənə nə̀ wù i badla ghəə ghə.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.

Chi dii 1:4

À loʼ mə Jɔn n tɔɔnə màʼlə kən. N tɔ̀ɔ bə tə̀ dzəŋi u dzûmə tə Klisto wən usəghəmbəghə u loʼnə n mboʼo Eshya. N gɔŋŋə nə̀ Zə̀ kə mə dii ghaa n ndzuŋ ə wi, tə fuu soʼo ghaa n buulə zə. À loʼ wi tə â loʼnə nə nzeyyə, tə loʼnə nyisa, à loʼ soʼo wi tə i bəghənə. N gɔŋŋə soʼo nə̀ zày u Kəzə̀ wən usəghəmbəghə u loʼnə n sə kə ndaŋ ə kədə̀ŋ ə Kəzə̀ dii ghaa n ndzuŋ, u fuu soʼo ghaa n buulə zə.

Chi dii 3:14

Yeso n dza kpiʼi bə tə̀ mə nə̀, “Tɔ̀ɔ ndow tə tsəndəghə ə Kəzə̀ zey i keyyənə dzəŋi kə dzûmə tə Klisto key n Lodishya nə̀, wù wey ghə tɔŋŋə nə̀ à loʼ Zə i loʼ sey, tə wey tə zownə tə̀ Zə̀ kə, dza soʼo isəŋə n ghəə a Kəzə̀, wù wey Zə̀ kə â dzəŋi kaʼ tsu ni bɔm ufə udzəm fa n mbi ghi wi, dza nə̀,