Tùm i dzuŋu zə kuum Yeso Klisto tə Jɔn â tɔɔnə 18:33 - Kaa n Kəzə̀ n fəghə mə

³³ Pilato n kəm nuu nyi ndow ibam nə kəbali, tɔŋɔ tsu Yeso, bəb tə̀ wi nə̀, “À loʼ wɔ Də̀ŋ kə Təjuu kə ə?”

Tùm i dzuŋu zə kuum Yeso Klisto tə Jɔn â tɔɔnə 18:33 ပူးပေါင်းရင်းမြစ်များ

Matyo 27:11

Nya, Yeso n tey n sə̂ kə Pilato tə â loʼnə Gɔvənɔ. Pilato n bəb ndòw tə̀ wi nə̀, “Wə loʼ Də̀ŋ kə ghə̂ a Təjuu ə?” Yeso n beeli kɔʼ nə̀, “I loʼ tə̀ wə dzanə.”

Matyo 27:27

Sey sawgoʼ tə n ney kɔʼ Yeso n bii kə Pilato, saʼ kə təsawgoʼ key fu kədzəm n dzəŋi dzəŋ tsəghə kɔʼ wi.

Malakus 15:2

Pilato n bəb tə̀ wi nə̀, “Wə loʼ də̀ŋ kə ghə̂ a Təjuu ə?” Yeso n dza nə̀, “I loʼ tə̀ wə dzanə.”

Lukas 23:2

Ghə n kaʼ ni bàŋ dzuu i wi dza, “A kwu wù wən tə tsə̀ə bəəbənə ghə̂ a naʼ i Təjuu ghə nə kə ghə nə̀ tsownə màʼlə kə tə̀ Kaysa, tə tɔŋŋə soʼo wû u wi nə̀ i loʼ wù wən Zə̀ kə â dza naŋa nə̀ i tûm bənu, dii tsu nə tə loʼ Kədə̀ŋ.”

Tùm i dzuŋu zə kuum Yeso Klisto tə Jɔn â tɔɔnə 1:49

Natanyə n beeli ndòw wi dza nə̀, “Wù dii wə, wə̀ ndzəm loʼ Waa Kəzə̀! Wə̀ loʼ də̀ŋ kə naʼ zə Izree!”

Tùm i dzuŋu zə kuum Yeso Klisto tə Jɔn â tɔɔnə 12:13

Sey, ghə n ney kɔʼ utsəghə ndow ni kpii ney wi, fuu ukali n dzə̂ tə taw tə dza nə̀, “Kali u Kəzə̀! Zə̀ kə buulə wù wey tə bəghənə n zəd i Mûkəbii. Zə̀ kə buulə də̀ŋ kə naʼ zə Izree!”

Tùm i dzuŋu zə kuum Yeso Klisto tə Jɔn â tɔɔnə 12:15

“Ka na tsəŋ dzə a ghə̂ a Zayɔn ghə, Koʼo də̀ŋ kə ghaa kə key kə bəghənə, Nə̀ tə n kɔʼ doʼo n tow kə waa fə fənjakas.”

Tùm i dzuŋu zə kuum Yeso Klisto tə Jɔn â tɔɔnə 18:34

Yeso n beeli ndow wi nə̀, “Ghəə ghən wə bəbənə tə̀ mə, à shi kɔʼ bə n fə̀ŋ zə mɔ à loʼ wù loʼ tə dza nə̀ wə bəb bə ghəə ghən tə̀ mə ə?”

Tùm i dzuŋu zə kuum Yeso Klisto tə Jɔn â tɔɔnə 18:37

Pilato n dza tə̀ wi nə̀, “I sey dii nə̀ wə loʼ kədə̀ŋ!” Yeso n beeli ndow wi nə̀, “À dza wɔ nə̀ n loʼ kədə̀ŋ. Zuŋ key ghə â jinə mə fa n mbi â loʼ ni bə dza isəŋə. Wù wey tə ləghənə isəŋə i tii zə, zəllənu ghəə zey n dzanə.”

Tùm i dzuŋu zə kuum Yeso Klisto tə Jɔn â tɔɔnə 18:38

Pilato n bəb tə wi nə̀, “Isəŋə loʼ kəkee?” Nghee Pilato bəb tsu sey, tə n daŋŋə nuu shi kpiʼi ndow a bii n səə ghə̂ a Təjuu ghə, dza tə̀ ghə nə̀, “N ka koʼ ghə i loʼ zə wù wən ghəŋə bəəbənə.

Tùm i dzuŋu zə kuum Yeso Klisto tə Jɔn â tɔɔnə 19:12

Ambə Pilato zow tsu sey, tə n kaʼ ni kəŋ jìi ni zəghə maʼa Yeso. Ngəd tə Təjuu tə n kee taw shiə kɔʼɔ kə n dzə̂ tə nə̀, “Abə wə zəghə maʼa tsu wù wən, à sey loʼ nə̀ wə ndɔm way dzə fə̂ ə Kaysa tə loʼnə də̀ŋ kə, n təŋkey, wù wey tə dza i loʼ kədə̀ŋ fa inaʼ sey zuulə baalə Kaysa.”

Tùm i dzuŋu zə kuum Yeso Klisto tə Jɔn â tɔɔnə 19:3

Ghə n bə təmi bə n səə wi, dza nə̀, “Mbee! Də̀ŋ kə Təjuu!” Saa wi nə usali n tûm usə̂.

Tùm i dzuŋu zə kuum Yeso Klisto tə Jɔn â tɔɔnə 19:4

Pilato n kəm tsəghə shi bə, dza tə̀ ngəd tə Təjuu tey nsə nɔɔ kə aghə̂ key nə̀, “N sa ney shiə bə wi n səə ghaa nə̀ ghaa keeli tsu nə̀ n ka koʼ ghə i loʼ zə tə ghəŋə bəəbənə.”

Tùm i dzuŋu zə kuum Yeso Klisto tə Jɔn â tɔɔnə 19:9

Tə n nuu nyi ndow ibam nə kəbali, nyi bəb tə Yeso nə̀, “Wə baa nuu bə ghee?” Yeso n ka kee beeli wi.

1 Timoti 6:13

N dza bə tə wɔ n sə kə Zə̀ kən kə fuunə muu zə tə fə wə udzəm, nsə n sə kə Yeso Klisto wən tə â tɔʼ dzanə isəŋə n nəŋə zey Pontus Pilato â saʼanə wi,