Tùm i dzuŋu zə kuum Yeso Klisto tə Jɔn â tɔɔnə 16:7 - Kaa n Kəzə̀ n fəghə mə

⁷ N kee nam dza bə kə isəŋə tə̀ ghaa nə̀, a loʼ n ndzuŋ ə ghaa n nuulə ndownə, n təŋkey, abə n ka nuu ndow, Wù wey tə tsə̀ənə ghə̂ ghə i bə way. Nə n kee nuu ndow dzənu, mə i ndow tûm bə wi tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 16:7 ပူးပေါင်းရင်းမြစ်များ

Lukas 24:49

Sey, abə n ndownə, mə i tûm bə wù wey Bày wùŋ idəŋ â dza naŋanə tə̀ ghaa. Sey, ghaa khə ni doʼo ləmə n naʼ i Yerosalem tə daʼa K-a-zə̀ kə tsu bə n kow ghaa.”

Lukas 4:25

N kùm dza bə tə ghaa nə n tsuʼu mə Elayja, ghey a kpusə ghə â kəmənu n naʼ zə Izree, bikighow kə n fii doʼo ndòw, kùm kɔʼɔ ndow tənùm tətəghə n bad kə nə ghow i tsuu way, dzəŋ n ngii loʼ nə inaʼ,

Lukas 9:27

N dza bə isəŋə tə ghaa, nghee saa teynə fa, ghə̂ a loʼ a loʼnu ghə i koʼonə fɔɔ u Kəzə̀ wə nə ghə ka kpu.”

Tùm i dzuŋu zə kuum Yeso Klisto tə Jɔn â tɔɔnə 14:26

A kee loʼ nə̀ Bày wuŋ i tûm bə ghaa n Zay kə Zow kə n zəd zuŋ tɔŋŋə wù wey tə tsə̀ənə ghə̂ ghə. À loʼ wi tə i diinə ghaa n ghəə ghə adzəm, tə i zə̀ŋŋə bə soʼo ghaa n ghəə ghən adzəm mə â dza naŋanə tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 14:28

Ghaa mâ zow nghee mə â dzanə tə̀ ghaa nə̀, ‘N nuulə ndownu, a kee loʼ nə̀ mə i kəm bəghə dzəŋŋənu n səə ghaa.’ Abə ghaa mə ləghənə mə, ghaa mə khə ni duʼlə nə̀ n ndow n səə Bày, n təŋkey, Bày tsəghəshi mə.

Tùm i dzuŋu zə kuum Yeso Klisto tə Jɔn â tɔɔnə 14:3

Abə n ndòw faalə naŋa tsunə luʼu tə tə̀ ghaa, mə i kəm bə dzəŋŋə, n bə ney ghaa tə̀ saa i loʼ adzəm, sey nə̀, luʼu key n loʼnə tii, ghaa i loʼ soʼo fu ghi mə.

Tùm i dzuŋu zə kuum Yeso Klisto tə Jɔn â tɔɔnə 15:26

Abə wù wey tə tsə̀ənə ghə̂ ghə i bənə, tə wey Mə i ney kɔʼɔ n wɔ Bày wuŋ, n tûm bə tə̀ ghaa, tɔŋŋə Zay kən kə dìi bənə isəŋə bòʼ Kəzə̀, à loʼ wi tə i tiilə dza bənə ndzoʼo wù wey n loʼnə ghii wə.

Tùm i dzuŋu zə kuum Yeso Klisto tə Jɔn â tɔɔnə 16:8

Abə wù wey tə tsə̀ənə ghə̂ ghə i bənə, tə nə ghəŋə nə̀ ghə̂ a mbi a keeli nə̀ ghə ghəŋŋə ghəə a bəbə ghə, tə nə dii soʼo nghee ghə khə ni loʼ tsətsəghə n sə̂ K-a-zə̀ nsə nə̀ Zə̀ kə nə saʼanu ghə̂ ghə adzəm.

Tùm i dzuŋu zə kuum Yeso Klisto tə Jɔn â tɔɔnə 7:39

Yeso â ghəə ghən a dza bòʼ Zay kə Zow key ghə̂ ghey ghə bəghəmnə tə̀ wi î keelinə. Â loʼ n nəŋə i tii zə nə̀ Zə̀ kə ka kam tûm dzə Zay kə Zow kə tə̀ ghə̂ ghey ghə bəghəmnə tə̀ wi, n təŋkey, Zə̀ kə â ka kam kɔʼlə dzə̂ Yeso n ghaʼ i wi.

Kəfwaʼ 10:34

Ambə Pita zow tsunə ghəə ghən, tə n zey tsu ni ghɔɔmə nə̀, “Mə n ndzəm koʼ nya nə̀ Zə̀ kə badla way kpey wə,

Kəfwaʼ 2:33

Zə̀ kən kə loʼnə Bày wi n kɔʼlə naŋa wi n kpii u wi u təmə wə, fuu wi n Zay kə Zow kə tə̀ tə â təb naŋanə. Ghəə ghən ghaa koʼonə fa nsə ghəə ghən ghaa zownə à loʼ Zay kə Zow kən Yeso fuu bənə tə ghey naʼ idzəm.

Roma 8:28

Saa khənu nə̀, Zə̀ kə ghəŋŋə nə̀ ghəə ghey adzəm a shiənə, a fwaʼ n ndzuŋ ə ghə̂ ghey ghə ləghənə wi. À wən loʼ saa ghən Zə̀ kə â tɔŋɔnə nə̀ saa ghəŋə ghəə ghey tə â bayyə naŋanə nə saa ghəŋə.

2 Kɔrint 4:17

Sey, nyaŋi mə nchɔd mən saa koʼonə nyisa, n fədlə bayyə naŋa bə saa nə̀ saa i keeli kɔʼlə mən n nə may way, n tsəghəshinə chɔd mən n dzəm a keelinə.