Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Tùm i dzuŋu zə kuum Yeso Klisto tə Jɔn â tɔɔnə 16:22 - Kaa n Kəzə̀ n fəghə mə

22 A wey bɔɔmə loʼ ghəə zey i shiənə nya ghi ghaa, ghaa mownu nya, a kee loʼ nə̀ mə i kəm koʼo kpiʼinu ghaa, fə̀ŋ tə ghaa tə i duʼlə n jìi zey wù loʼ nə kəm way ni ney nuu duʼlə i tii zə n wɔ ghaa.

အခန်းကိုကြည့်ပါ။ ကော်ပီ




Tùm i dzuŋu zə kuum Yeso Klisto tə Jɔn â tɔɔnə 16:22
40 ပူးပေါင်းရင်းမြစ်များ  

Sey, gheyzən ghey n nuu tsu fu nə isày zey ndow ni nyəŋ n tsəŋ zə n fə̀ŋ, tsɔŋ khə soʼo iduʼlə n fə̀ŋ. Ghə n nyəŋə ndòw ni ndòw dza ghə i tii zə tə̀ ngəd tə Yeso tə.


Nə a loʼ sey ghə i ghəŋə i loʼ kə imɔʼ, sey, Maria n sày ghə zey i kpiilənə, ghə way ni ney nuu dzə fə kə tii kə n wɔ wi.”


Abraham n fəd dza ndòw tə wi nə̀, ‘N waa moʼlə tsu nə nghee wə a muu nə mbi, wə â zəələ tsə uwû, Lazarɔs n kee muu tən tsə n ngoʼ. Nya tə kee zəələ uwû fa, wə a kee muunə n ngoʼ.


Sey, mûkəbii wey n dza ndow tə ghə nə̀, ‘Keeli tsu na nə wù wey tə khə fə kə, ghə i fu kuulə wi n ndəmə ufə, abə wù wey tə khə way fə kə, ghə i ney nuu daŋŋə nyanyi fey tə khə.


Ghə n ngii khə iduʼlə n fəŋ, kee nam way ni bəghəm ghə i tii zə, sey, tə n bəb ndòw tə̀ ghə nə̀, “Ghaa khə way fə kə zəə kə fa ə?”


Yeso n ndow n sə kə, dza tə̀ ngəd tə̀ wi tə nə̀, “Kə fə̀ŋ tə nə baŋanə ghaa. Keeli na bəghəm i fə̀ŋ zə n kow Zə̀ kə, ghaa keeli soʼo n kow mə.


Fəkəmə, ghə̂ a mbi ghə i kəm way ni koʼ mə, abə ghaa, ghaa i kee koʼonu mə. Ghaa i muu, n təŋkey, n loʼ utaw.


N fuu naŋŋə ghaa n buulə zə. À loʼ buulə zuŋ n fuu bənə tə̀ ghaa. Buulə zən n fuu bənə tə̀ ghaa way dzə ndzoʼo buulə zey ghə̂ a mbi a fuunə. Kə̂ fə̀ŋ tə nə̂ baŋanə ghaa, kə̂ ghaa nə tsəŋə soʼonə.


Yeso n nam dza ndow tə̀ ngəd tə wi tə nə̀, “Fəkəmə kə sa, ghaa i kəm koʼ way mə, abə n nuu ndownə, ghab kə i ka shi, ghaa i kəm koʼ dzəŋŋə tsu mə.”


N kùm dza bə tə̀ ghaa nə̀ abə mə i nuu ndownə, ghaa nə deyyə, tsuulə nsə̂, ghə̂ a mbi a nə kee duʼlə. Ghaa nə mownu, ghab kə nə ka kee shi, mow i ghaa i nə fəd doʼo bə iduʼlə.


A dza ghaa zow bə dzə ghəə ghən n dzanə fa, ghaa u zey ndow ni mow n fə̀ŋ tə ghaa.


Ngəd zey Yeso â ngii ləghə tsənə n dza tə̀ Pita nə̀, “À loʼ Mûkəbii!” Ambə Shimun Pita zow tsu sey, tə n ney dzəŋə kɔʼ ndzə tə wi tey tə â tsɔʼ naŋanə nə kəfən nghee tə fwaʼanə, taa nyi tsu nə inyi, təghə shi kəŋə ndow n nguŋ.


Wù wey tə kee mə̂nə mmuu mey n fuunə tə̀ ghə, fə̀ŋ ə mmuu nə kəm zuʼlə koʼ way wi. N kuum dza bə tə̀ wɔ nə̀ mmuu mey mə i fuunə tə wi, mə i fəd doʼo tə̀ a loʼ sə̂ i dzuu zən i kuŋunə n kow ghə, fuu ghə n muu zə itsali zə.”


Dzûmə tey n Antyɔk n ngii khə iduʼlə, Zay kə Zow kə n loʼ soʼo ghi ghə.


Ambə n fə̀ŋ ə tsuʼu tə, Pɔl ghi Silas n gɔŋŋə, zhim aghəə tə̀ Zə̀ kə. Ghə̂ a ndaw tsaʼ a loʼ ghey n maŋa zəllə.


Ghə n təmə dzəŋi tsuʼu n dzəm n ndaw Kəzə̀ i nii zə, ghə n bweyyə kaabə ndaw tə ndaw, zəə dzəŋi nə iduʼlə nsə n fə̀ŋ tə dzuŋu tə, zəə soʼo baa K-a-zə̀.


Nghee ngəd tə Yeso tey zəghə tsunə ndaw tsə, ghə n nuu ndow, fəd duʼlə nə̀ Zə̀ kə n koʼ nə̀ ghə kɔʼ kpiinu ni fəghə, ghə keeli tow kə dədlə kə bòʼ Yeso.


Ghə̂ a loʼ a koʼo ghey tə̀ a loʼ ghə̂ ghey ghə mownə, loʼ sey nə̀ ghey duʼlə nəŋə tədzəm. Ghə̂ a loʼ a koʼo ghey tə̀ a loʼ ghə̂ a laa ghə loʼ sey nə̀ ghey ghəŋŋə nə̀ ndəmə aghə̂ ghə i kùm. Ghə̂ a loʼ a koʼo ghey tə̀ a loʼ ghə̂ ghey ghə khə way fə kə, loʼ sey nə̀ ghey khə ufə udzəm.


Ghey gɔŋŋə ndow tə̀ Mûkəbii saa Yeso Klisto nsə tə̀ Zə̀ kə tə loʼnə Bày saa. Zə̂ kən kə ləghənə saa, tə tsəmmənə fəŋ tə saa nəŋə tədzəm, ghəŋə nə̀ saa i ləmə tənnə tə wi n bam i ndzuŋ ə wi.


Ghaa â kwɔɔlə isî n kow ghə̂ a ndaw tsaʼ ghə, ghaa n bəghəm ndow nə iduʼlə nə̀ ghə bəkeeli nuu fə u ghaa n təŋkey, ghaa khənu nə̀ ghaa i keelinu fə wə, u dzɔb tsəghəshinə u wən, nə̀ wə i doʼlə tsali soʼonu.


Sey, Zə̀ kə n dzəŋi fuu bə aghəə abəghə, ghəə zən tə a dza nə̀ tə i ghəŋŋənu nsə kaa n wi mə. Sey, ghəə ghən abəghə a way ni kwey boʼnə Zə̀ kə badla way ghəə ghə. Nsə sey, saa ghən saa nyəŋə ndownə n səə wi nə̀ tə tsəd naŋa saa, khə way tsəŋ zə, abə saa təmi taw tsu dzənə ni ləmə fə kən kə i bəghənə tə̀ saa.


Nghee ghaa loʼ kə nə̀ ghaa ka kam buʼ koʼ wi, ghaa a nam ləghə wi. Nghee ghaa koʼo kə way wi ghaa a nam bəghəm fuu kə tə wi, ghaa a khə soʼo duʼlə i nii zə n jìi zey wù way ni buʼ tiilə dza.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ