Tùm i dzuŋu zə kuum Yeso Klisto tə Jɔn â tɔɔnə 15:8 - Kaa n Kəzə̀ n fəghə mə

⁸ Bày wuŋ keeli nkɔʼlə abə ghaa ngii məənə tam wə. Tam wən ghaa məənə, dii tsuu nə̀ ghaa ndzəm loʼ ngəd tuŋ.

Tùm i dzuŋu zə kuum Yeso Klisto tə Jɔn â tɔɔnə 15:8 ပူးပေါင်းရင်းမြစ်များ

Matyo 5:16

À loʼ soʼo ighələ ghi ghaa, daa kə ghaa kə khə ni baŋa, tə̀ ghə̂ ghə i loʼ ni koʼ ghəə a ghaa a dzuŋu ghə, ghə i fuu kɔʼlə mə tə̀ Bày ghaa idəŋ.”

Matyo 5:44

N fa kee dza bə tə̀ ghaa nə̀, ghaa khə ni ləghə ndòw ghə̂ a təngəmə a ghaa ghə, gɔŋŋə tə̀ ghə̂ ghey ghə bàanə ghaa.

Matyo 9:8

Ambə nɔɔ kə aghə̂ key kòʼnə ghəə ghən, fə̀ŋ tə n shi ghə, ghə n kàʼ ndòw ni fuu nkɔʼlə tə Zə̀ kə nghee tə fuunə ndzòʼò daʼa kən tə̀ ghə̂ ghə.

Lukas 6:35

Sey, i ləghə na ghə̂ a təngəmə a ghaa ghə, ghəŋə ndzuŋ tə̀ ghə̂ ghə, fuulə fuu shiə fə u ghaa, moʼlə way nə ghə i teeli fu dzəŋŋə. Abə ghaa ghəŋənə sey, ghaa i keeli naamə kə nii kə, ghaa i loʼ luʼu wey waa a Kəzə̀ a səŋi a loʼnə tii, n təŋkey, tə ghəŋə ndzûŋ tə̀ ghə̂ à məə ghə nsə ghə̂ a bəbə ghə.

Tùm i dzuŋu zə kuum Yeso Klisto tə Jɔn â tɔɔnə 13:35

Abə ghaa khə ləghə zə n wû i ghaa, aghə̂ adzəm ghə i daŋŋə koʼ keeli bə nə̀ ghaa loʼ ngəd tuŋ.”

Tùm i dzuŋu zə kuum Yeso Klisto tə Jɔn â tɔɔnə 15:5

N loʼ fəkaʼ, ghaa a loʼ kpìi tə tii tə. Wù wey tə loʼ ghi mə nə kəfə kəmɔʼ, mə n loʼ soʼo nə kəfə kəmɔʼ ghi wi, a loʼ wi tə loʼ ni ngii mə̂ utam. I loʼ sey n təŋkey, abə a bow tə mə, ghaa way ni ghəŋə ghə i loʼ zə.

Tùm i dzuŋu zə kuum Yeso Klisto tə Jɔn â tɔɔnə 8:31

Sey, Yeso n dza ndòw tə̀ ghə̂ a Təjuu ghey ghə â bəghəmnə tə̀ wi nə̀, “Abə ghaa bɔɔmə bwey ndòwnə n jii zən n diinə, ghaa î ndzəm loʼ ngəd tuŋ tə.

1 Kɔrint 10:31

Sey, nə̀ wə zə̂ənu nkee wə məənu, nkee ghə i ghaa zə wə ghəŋŋənə, i ghəŋŋə ndow ghəə ghə adzəm ni fuu nkɔʼlə tə̀ Zə̀ kə.

1 Kɔrint 6:20

Zə̀ kə mâ kùmshi tow u ghaa wə n wən i taw zə. Sey, ghaa khə ni ney naŋa tsu vən fə uwû fə ghaa ni kɔʼlə Zə̀ kə a tii.

Filipi 1:11

Ghaa i khə muu i dzuŋu zey wù keelinə n bam i Yeso Klisto. Seynə nkɔʼlə nsə kali wə i loʼ tə̀ Zə̀ kə.

Taytus 2:10

Kə ghə nə tsɔŋɔnə n wɔ ghə mûkəbii a ghə ghə. Ghə fəd khə ni dii ndow tə̀ ghə mûkəbii a ghə ghə nə̀ ghə khə mwam u dzuŋu wə nəŋə tədzəm n jìi zey ghə loʼ ni gaʼ fə̀ŋ n kow ghə. Ghə keeli tsu ndzoʼo mwam wən ni ghəŋə nə̀ ghə̂ ghə i koʼo bə nə̀ ghəə ghey adzəm ghə zoʼlənə bòʼ Zə̀ kən kə loʼnə bəghəshi ə saa, a ndzəmə dzɔbənu.

Taytus 2:5

Ghə i loʼ ni tsə̀ waa a zən ghən nə̀ ghə i kwɔɔ tsu wû i ghə zə, khə soʼo way bwu i loʼ zə. Ghə i loʼ soʼo ni dii tə waa a zən ghən nə̀ ghə khə ni fwaʼa dzɔbə n ndaw tə ghə, zow soʼo tə num a ghə ghə, sey nə̀, kə wù loʼ nə dza ghə i bəbə i loʼ zə bòʼ ghɔɔmə i Kəzə̀.

1 Pita 2:12

Ghaa ndow kə n sə kə ni ghəŋŋə ghəə a dzuŋu ghə n fəŋŋə kə ghə̂ ghey ghə kam khə way Zə̀ kə, sey nə̀, abə ghə tsəm dza i kwu kə ghaa nə̀ ghaa ghəŋŋə ghəə a bəbə ghə, ghə i loʼ ni dza nə̀ ghaa ghəŋŋə ghəə ghey a dzɔbənə. Sey ghə i loʼ ni fuu nkɔʼlə tə Zə̀ kə n tsuʼ fey tə i kəm bəghənə tii ni bə saʼ aghə̂.

1 Pita 4:11

Wù wey tə naʼlənə ghɔɔmə i Kəzə̀ zə, tə khə ni bɔɔmə naʼlə kə ghəə ghey Zə̀ kə dzanə. Wù wey tə fwaʼanə tə̀ ghə̂ ghə, tə khə ni fwaʼa n daʼa key Zə̀ kə fuunə tə̀ wi, sey nə̀, nə aghəə adzəm, ghə̂ ghə i loʼ ni fuu kɔʼlə mə tə̀ Zə̀ kə n bam i Yeso Klisto. À loʼ tə̀ wi tə khənə kɔʼlə mə n dzəm, a loʼ soʼo wi tə khənə daʼa wə udzəm saʼa nəŋə tədzəm. Zə i loʼ sey.