Tùm i dzuŋu zə kuum Yeso Klisto tə Jɔn â tɔɔnə 15:25 - Kaa n Kəzə̀ n fəghə mə

²⁵ Ghəə ghən ghə ghəŋŋənə loʼ ni luulə tsu ghɔɔmə zey ghə â tɔ̀ɔ naŋanə n laŋ kə ghə nə̀, ‘Ghə bàa mə nə̀ n ka ghə n ghə i ghəŋə bəəbə.’

Tùm i dzuŋu zə kuum Yeso Klisto tə Jɔn â tɔɔnə 15:25 ပူးပေါင်းရင်းမြစ်များ

Matyo 10:8

I baŋŋə ndòw na ghə̂ a dzaŋa ghə, zhəm dzəŋŋə bə ghə̂ a kpuu ghə nə ivə, baŋŋə ndòw ghə̂ ghə ukə̀m, dzum shiə soʼo zay u bəbə wə n kow aghə̂. Mə n fuu ghaa n daʼa kə kənunu, fuu shi ndòw soʼo na nə kənunu.

Lukas 24:44

Sey tə n dza ndòw tə̀ ghə nə̀, “À wən loʼ ghəə ghey mə â dza naŋanə tə̀ ghaa n nəŋə zey mə â nam loʼnə ghi ghaa nə̀, aghəə adzəm khə ni bə doʼo tə̀ ghə â tɔ̀ɔ naŋanə kûm mə n laŋ u Mushi, ghəə ghey tûm tə Kəzə̀ tə̀ â naʼanə, nsə n maʼlə kə Sams.”

Tùm i dzuŋu zə kuum Yeso Klisto tə Jɔn â tɔɔnə 10:34

Yeso n beeli ndòw ghə nə̀, “N dza i mgbaŋ tɔ̀ɔ doʼo n màʼlə K-a-zə̀ nə̀, ‘N dza nə̀ ghaa loʼ uzə̀ ə?’

Tùm i dzuŋu zə kuum Yeso Klisto tə Jɔn â tɔɔnə 13:18

Yeso n dza kpiʼi ndow tə̀ ngəd tə wi tə nə̀, “N ghəə ghən ghɔɔmə dzə way tə̀ ghaa adzəm, n təŋkey, n khənu ngəd tuŋ tey n sày shi bənə. À kee loʼ nə̀ ghɔɔmə i Kəzə̀ i khə ni bə shi isəŋə nə̀, ‘Wù wey tə zə̂ə dzəŋi ghi mə, à loʼ wi tə kəm fəd doʼo bənə wù təngəmə wuŋ.’

Tùm i dzuŋu zə kuum Yeso Klisto tə Jɔn â tɔɔnə 19:36

Ghəə ghən â shi sey ni luulə ghɔɔmə i Kəzə̀ zey tûm tə Kəzə̀ tə â tɔ̀ɔ naŋa nə̀, “Ghə nə khəm way ghəb kə kəmɔʼ n kow wi.”

Roma 3:19

Saa n keeli nya nə̀ abə laŋ kə dza kə nə̀ ngee, kə dza ndow tə̀ ghə̂ ghey ghə loʼnə n tənə kəlaŋ. I loʼ sey ni fìi naŋa dzuu a ghə̂ adzəm fa n mbi nə̀ kə ghə nə taa daŋanə nsə ni ghəŋə tsu nə̀ ghə keeli tsu nə̀ ghə n bwu səə n sə K-a-zə̀. Sey Zə̀ kə khənu zuŋ kə ni saʼ ghə.

Roma 3:24

À kee loʼ nə̀ bòʼ ndzuŋ zən Zə̀ kə khənə n kow ghə̂ ghə adzəm, tə n ghəŋə nə̀ ghə i loʼ tsətsəghə n sə kə wi n bam i Yeso Klisto wən tə kùmshi bə nə saa n ghəə a saa a bəbə ghə.

2 Kɔrint 11:7

Mə â kpaʼi ghəŋə bəəbənu nghee mə â tsuulə tsunə wû wuŋ wə, sey nə̀ n kɔʼlə naŋa kɔʼ ghaa nghee mə â naʼlə bənə tûm i dzuŋu zə bòʼ Kəzə̀ tə̀ ghaa kənunu ə?

Galeshia 2:21

N way ni tuu maʼa ndzuŋ zən Zə̀ kə diinə tə mə, boʼnə abə wù mə loʼ ni doʼo tsətsəghə n sə K-a-zə̀, a dza tə naŋŋə kəlaŋ, zə i sey dii nə̀ Klisto â kpu nə kənunu!

2 Tesalonika 3:8

Ghey ka zə̂ dzə fə̂ kə wù kə kənunu. Ghey fəllə fwaʼanu nəŋə tədzəm n tsuʼu tə nsə n tsə̂ tə sey nə̀ kə̂ ghey nə̂ doʼlənə tə̀ a loʼ kəfəmmə tə wù ghaa u loʼ wə.

Chi dii 21:6

Tə n daŋŋə dza bə tə̀ mə nə̀, “Mə n ghəŋə may ghəə ghə adzəm! N loʼ ney kə sə nsə fii kə bam. À zey mə ghəə ghə adzəm, à mayyə soʼo mə ghəə ghə adzəm. Ghə̂ ghən fə̀ŋ ə mmuu zuʼlənə ghə, mə i fuu ghə n mmuu mə n shiə bənə n tɔŋ fə dzuu fey fə fuu muu zə nə̀ ghə ka fə kə tsə.

Chi dii 22:17

Zay kə Zow kə nsə wey Waa Nji zey dza nə̀, “Bəghə!” Wù wey tə zow ghəə ghən teeli khə ni dza soʼo nə̀, “Bəghə!” Wù wən fə̀ŋ ə mmuu zuʼlənə wi, tə bə. Wù wey tə ləghənə ni mə̂ mmuu mən n fuu muu zə nə̀ tə̀ ka tsə, tə bə mə̂.