Tùm i dzuŋu zə kuum Yeso Klisto tə Jɔn â tɔɔnə 15:24 - Kaa n Kəzə̀ n fəghə mə

²⁴ Abə a mə loʼ nə̀ ghə â ka koʼ fwaʼ key mə â fwaʼnə n fəŋŋə kə ghə nə̀ wù loʼ ka kam fwaʼ koʼ tsə, a mə loʼ nə̀ ghə ka kam ghəŋə bəəbə dzə ghə i loʼ zə. A sə fa loʼ kə nə̀ ghə n koʼ, ghə a nam ndow kə n sə kə ni bàa mə ghi Bày wuŋ.

Tùm i dzuŋu zə kuum Yeso Klisto tə Jɔn â tɔɔnə 15:24 ပူးပေါင်းရင်းမြစ်များ

Matyo 11:5

Ghə̂ a fəbə a nya koʼo təluʼu, kə̀ŋŋə u nya bweynu, ghə̂ ghey ghə â dzaŋanə kə̀m wə n taw, kùʼ wə a zownə tuŋŋə wə, ghə̂ à kpuu ghə a zhəm dzəŋŋə bə nə ivə, ghə a naʼlə soʼonə tûm i dzuŋu zə tə ghə̂ a laa ghə.

Matyo 21:32

Bòʼ nə̀, Jɔn â bə ni bə dii ghaa n jìi, nə̀ ghaa i loʼ tsətsəghə, ghaa n ka bəghəm tə̀ wi. A n fəd bəghəm kɔʼ ghə̂ a kwɔɔ a màʼlə kə tsow kə nsə gheyzən a kəkpala ghə. Nghee ghaa koʼ tsu kənə sey, ghaa ka nam kweyyə nuu bə fə̀ŋ tə ghaa tə n ghəə a bəbə ghə ni bəghəm tə̀ wi.”

Matyo 9:33

Ambə Yeso dzum shi tsunə zay kə bwu kə tii kə, wù kəmùʼ wey n khəə shi bə aghəə. Dzuu zə n ngii zum ghə̂ ghey, ghə n dza nə̀, “A ka kam koʼ kòʼ tsə ghəə zə tə̀ a loʼ i zən fa n naʼ zə Izree.”

Malakus 2:12

Wù tii n daŋŋə nuu kɔʼ, ney kɔʼ mbùŋ kə wi, bwey nuu shi ndòw n sə̂ kə ghə adzəm. Ghə i tii zə n tɔʼ loʼ ghə i zum zə idzuu zə tə̀ ghə̂ ghə adzəm. Ghə n fu kali u Kəzə̀, ghɔɔmə n wû i ghə nə̀, “ghey ka kam koʼ koʼ tsə ghə i loʼ zə tə̀ a loʼ i zən.”

Lukas 24:19

Tə n bəb ndòw tə̀ ghə nə̀, “Ghəə a ghaa ghə?” Ghə n dza, “Ghəə ghən ghə â shinə kûm Yeso wù Nazaled wən tə â loʼnə tûm Kəzə̀. Ghəə ghey tə â ghəŋŋə nə̀ nsə ghəə ghey tə â khəə n loʼ n zən kə n sə kə aghə̂ nsə n sə̂ K-a-zə̀.

Tùm i dzuŋu zə kuum Yeso Klisto tə Jɔn â tɔɔnə 10:32

Yeso n dza ndòw tə̀ ghə nə̀, “Bày wuŋ n ghəŋə mə nə̀ n ghəŋə ndəmə ghəə a dzuŋu ghə. À loʼ ghə i ghaa zə tii i ghəŋənə nə̀ ghaa i dza nə̀ ghaa dza i təmmə wey mə nə atay ə?”

Tùm i dzuŋu zə kuum Yeso Klisto tə Jɔn â tɔɔnə 10:37

Abə N loʼ nə̀ n fwaʼa way fwaʼ key Bày wuŋ tûmnə mə nə̀ n bə fwaʼ, kə ghaa nə̂ bəghəmnə tə̀ mə.

Tùm i dzuŋu zə kuum Yeso Klisto tə Jɔn â tɔɔnə 12:10

Sey, ghə fɔɔngili a nii ghə n kad tsu tsə̀m nə̀ ghə khə ni wey soʼo Lazarɔs tii.

Tùm i dzuŋu zə kuum Yeso Klisto tə Jɔn â tɔɔnə 12:45

Wù wey tə koʼnə mə, tə n sey koʼ soʼo wù wey tə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 14:9

Yeso n beeli ndow wi nə̀, “I sey dii nə̀ wɔɔ kə tìi tìi key n doʼo kəŋə bənə fa ghi ghaa a Filip, wə nam məʼlə kə wù wey n loʼnə ghii wə ə? Wù wey tə loʼ nə̀ tə n mə koʼ, tə n koʼ soʼo Bày. À loʼ kee ghaa sə nam dza kə nə̀, ‘Dii bə ghey n Bày ə?’

Tùm i dzuŋu zə kuum Yeso Klisto tə Jɔn â tɔɔnə 15:21

Ghə̂ a mbi a nə ghəə ghən adzəm ghəŋŋə n kow ghaa bòʼ mə, n təŋkey, ghə khə way wù wey tə tûm bənə mə.

Tùm i dzuŋu zə kuum Yeso Klisto tə Jɔn â tɔɔnə 15:22

Abə mə â ka bə ghɔɔmə aghəə tə̀ ghə, tə ghə mə khə way bəb i loʼ zə, a sə nya fa loʼ kə nə̀ ghə kəm way ni tuu nə̀ ghə ka bəb i loʼ i ghəŋə.

Tùm i dzuŋu zə kuum Yeso Klisto tə Jɔn â tɔɔnə 15:23

Wù wey tə bàanə mə, tə sey baa soʼo Bày wuŋ.

Tùm i dzuŋu zə kuum Yeso Klisto tə Jɔn â tɔɔnə 16:9

Tə nə dii tə̀ ghə nə̀ ghəə zey ghə ghəŋə bəəbənə loʼ nə̀ ghə ka bəghəm fu dzə tə̀ mə.

Tùm i dzuŋu zə kuum Yeso Klisto tə Jɔn â tɔɔnə 3:2

N tsuʼ fə loʼ fə, tə n ndòw bə n səə Yeso n tsuʼu tə, dza nə̀, “Wù dii wə, n khənu nə̀ a wɔ tûm bə Kəzə̀ nə̀ wə bə dii ghey n ghəə ghə, n təŋkey, wù loʼ way dzə tə loʼnə ni fwaʼ ndzoʼo ghəə a faalə ghən wə fwaʼanə, a gɔʼɔ kə nə̀ Zə̀ kə loʼ ghi wi.”

Tùm i dzuŋu zə kuum Yeso Klisto tə Jɔn â tɔɔnə 5:36

N kee khə ghəə a nuu ghə a tiilə dza bənə ndzoʼo wù wey n loʼnə nə̀ a tsəghəshi a ghən Jɔn â tiilə dzanə bòʼ mə. Imɔʼ loʼ fwaʼ kən n fwaʼanə, tɔŋŋə fwaʼ kən Bày fu naŋanə tə̀ mə nə̀ n fwaʼ. Fwaʼ kən n fwaʼa nə̀, tiilə dza bə aghəə bòʼ mə nə̀ à loʼ Bày tə tûmnə mə̀.

Tùm i dzuŋu zə kuum Yeso Klisto tə Jɔn â tɔɔnə 6:36

N mâ dza tə̀ ghaa nə̀ ghaa n mə koʼ, ghaa u nam ləghə way ni bəghəm tə̀ mə.

Tùm i dzuŋu zə kuum Yeso Klisto tə Jɔn â tɔɔnə 7:31

À kee loʼ nə̀ ndəmə aghə̂ n nɔɔ k-a-ghə̂ key mâ bəghəm tə̀ wi. Ghə n dza, “Abə wù wey Zə̀ kə â dza naŋa nə̀ i tûm bənu î bənə, ghaa moʼonə tə î diinu tsəə tə, tə tsəghəshinə tə tən wù wən dii naŋanə ə?”

Tùm i dzuŋu zə kuum Yeso Klisto tə Jɔn â tɔɔnə 9:32

Tə̀ mbi â nə kaʼnə, saa ka kam zow koʼ tsə nə̀ wù loʼ mə ghəŋə wù nə̀ tə kaʼ ni koʼ təluʼu nə̀ a loʼ wù ghə jinə nə̀ wi tə fəb doʼonu.

Tùm i dzuŋu zə kuum Yeso Klisto tə Jɔn â tɔɔnə 9:41

Yeso n beeli kɔʼ nə̀, “Abə ghaa bəghəmnə nə̀ ghaa fəb doʼonu, i sey dii nə̀ wɔɔ a ghaa a zownu n ghəə a bəbə ghə. Abə ghaa kee moʼlənə nə̀ ghaa tɔʼɔ koʼonu luʼu tə, i sey diinə wɔ ghə a dzəənu n ghəə a bəbə ghə.”

Kəfwaʼ 10:38

Ghaa khənu nghee Zə̀ kə â tsuʼ naŋanə Yeso, wù Nazaled, fuu tsu wi n Zay kə Zow kə nsə daʼa kə. Ghaa khə soʼonu nghee tə â bwey kaabənə, ghəŋŋə ndzuŋ, baŋŋə ghə̂ ghən adzəm ghə a loʼ nə n tənnə daʼa kə avəətsəə, n təŋkey, Zə̀ kə â loʼ ghi wi.

Kəfwaʼ 2:22

Pita n daŋŋə dza tə ghə nə “Ghə̂ ghə Izree ghə, ghaa zow! Yeso wù Nazaled wən Zə̀ kə â sàynə, tə n dii bə wi tə ghaa n faalə mən tə â ghəŋənə, tsəə tən tə â diinə nsə ghəə a səŋi ghən tə â ghəŋənə n fəŋŋə kə ghaa. Wû i ghaa, ghaa mgbaŋ khənu ghəə a tii ghə.

Roma 1:30

Ghə bəəbə kaabə zəd a ghə̂ ghə, ləghə way Zə̀ kə, khə ndow, ghaŋŋə iwû, kɔʼlə soʼo iwû. Ghə kəŋə təjii tədzəm ni ghəŋŋə ghəə a bəbə ghə. Ghə ngɔɔmə way ghə bày a ghə ghə.

2 Timoti 3:4

ghə nə fìilə fuu shiə ghə̂ ghə, ghəŋŋə zɔ̀ʼ tə aghəə, ghə nə khə nə̀ a bɔɔmə may kə ghə, ghə nə ləghə ghəə ghən a dzɔbənə tə ghə, kee ləghə way Zə̀ kə,

Jems 4:4

Ghə nəb ityim tə a loʼ ghaa! Ghaa khə way nə̀ abə ghaa ngii gaʼnə fə̀ŋ n fə u mbi, i sey dii nə̀ ghaa loʼ ghə̂ a təngəmə tə Zə̀ kə ə? Keeli tsu na nə̀, ghə̂ ghey ghə ləghənə fə u mbi wə, ghəŋŋə wû i ghə nə̀ ghə doʼo ghə̂ a təngəmə ghi Zə̀ kə.