Tùm i dzuŋu zə kuum Yeso Klisto tə Jɔn â tɔɔnə 15:21 - Kaa n Kəzə̀ n fəghə mə

²¹ Ghə̂ a mbi a nə ghəə ghən adzəm ghəŋŋə n kow ghaa bòʼ mə, n təŋkey, ghə khə way wù wey tə tûm bənə mə.

Tùm i dzuŋu zə kuum Yeso Klisto tə Jɔn â tɔɔnə 15:21 ပူးပေါင်းရင်းမြစ်များ

Matyo 10:18

Ghə i kwɔɔ ndow ghaa n səə ghə̂ a saʼa ghə inaʼ ghə, nsə də̀ŋ u tənaʼa wə bòʼ mə̀, ghaa i faalə tɔʼ tiilə dza ndòw Tûm i dzuŋu i tii zə tə̀ ghə, nsə tə̀ ghə̂ ghey ghə way ghə̂ a Təjuu ghə.

Matyo 10:22

Ghə̂ adzəm a nə bàa ghaa bòʼ zəd zuŋ. Abə wù wey tə kee kow tsu kə fə̀ŋ, ndòw kûm i ndòw, tə i keeli ibəghəshi.

Matyo 10:39

Wù wey tə tsəŋənə ni kpu, î guŋŋənu muu i wi zə. Tə wey tə kee guŋunə muu i wi zə bòʼ mə, tə î keeli imuu.”

Matyo 24:9

Ghə i kwu ghaa, ghə fuu tsəghə ndòw ghaa tə̀ ghə̂ ghey ghə i chɔdlɔnə ghaa, ghə wey ghaa. Naʼa tə mbi tədzəm tə i bàa ghaa bòʼ zəd zuŋ.

Matyo 5:11

“Buulə i loʼ tə̀ ghaa abə ghə̂ a chɔdlɔnə ghaa, tsayyə ghaa, dza ndəm ə ghəə a bəbə ghə n tow ghaa a dza ghaa loʼ dzûmə tuŋ.

Malakus 13:13

Ghə̂ adzəm ghə i bàa ghaa bòʼ mə. A kee loʼ nə̀, wù wey tə i təmi taw tsunə, zow ngoʼ ndòw kùm i ndòw, tə i keeli ibəghəshi.

Lukas 21:12

Tə ghəə ghən ni bə shi, ghə nə̂ kwɔɔ ghaa, ghə nə̂ chɔd ghaa, ghə nə̂ fuu tsəghə ndow ghaa tə̀ ghə̂ ghey n ndaw tə udzəŋi u ghə̂ a təjuu nə ghə saʼ ghaa, ghə nə̂ kuu ghaa n ndaw tsaʼ. Ghə i ney bə ghaa n sə kə udəŋ nsə ghə̂ a saʼa ghə inaʼ ghə kùm zəd zuŋ.

Lukas 21:17

ghə̂ adzəm nə̂ baa ghaa bòʼ mə.

Lukas 6:22

Buulə i loʼ tə̀ ghaa ghey ghə bàanə ghaa, dzùm ghaa, kpaalə ghaa, khəə ghəə a bwù ghə n zəd a ghaa bòʼ Waa wù sɔŋtsuʼ.

Tùm i dzuŋu zə kuum Yeso Klisto tə Jɔn â tɔɔnə 15:24

Abə a mə loʼ nə̀ ghə â ka koʼ fwaʼ key mə â fwaʼnə n fəŋŋə kə ghə nə̀ wù loʼ ka kam fwaʼ koʼ tsə, a mə loʼ nə̀ ghə ka kam ghəŋə bəəbə dzə ghə i loʼ zə. A sə fa loʼ kə nə̀ ghə n koʼ, ghə a nam ndow kə n sə kə ni bàa mə ghi Bày wuŋ.

Tùm i dzuŋu zə kuum Yeso Klisto tə Jɔn â tɔɔnə 16:3

Ghə nə ghəə ghən ghəŋŋə n kow ghaa, n təŋkey, ghə khə way mə, khə soʼo way Bày wuŋ.

Tùm i dzuŋu zə kuum Yeso Klisto tə Jɔn â tɔɔnə 17:25

Bày wuŋ u dzuŋu wə, wə loʼ tsətsəghə. Nghee ghə̂ a mbi ghən buʼ khə kə way wɔ, n kee khənu wɔ, ngəd tuŋ tə u khə soʼo nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 8:19

Ghə n bəb ndòw tə̀ wi nə̀, “Bày wə loʼ ghee?” Yeso n dza ndòw tə̀ ghə nə̀, “Ghaa khə way mə, khə soʼo way Bày wuŋ. Abə ghaa mə̂ khənə Bày wuŋ, ghaa mə̂ khə soʼo mə̀.”

Tùm i dzuŋu zə kuum Yeso Klisto tə Jɔn â tɔɔnə 8:54

Yeso n beeli ndòw ghə nə̀, “Abə a mə loʼ nə̀ n kɔʼlə wû wuŋ, kɔʼlə n tii n mə loʼ kənunu. Wù wey tə fuunə mə n kɔʼlə mə loʼ Bày wuŋ, tə wey ghaa dzanə nə̀ a loʼ Zə̀ kə ghaa.

Tùm i dzuŋu zə kuum Yeso Klisto tə Jɔn â tɔɔnə 8:55

Ghaa khə dzə way wi, abə mə, n kee khənu wi. Abə n dza bənə nə̀ n khə way wi, i sey dii nə̀ n badla soʼo aghəə tə̀ a loʼ ghaa. N kee khənu wi, mə u naŋŋənə ghɔɔmə i wi zə.

Kəfwaʼ 17:23

N sey dza n təŋkey, nghee n bwey laalə kaabə bənə luʼu tey ghə fəələnə maʼlə wə tii, mə n ndow koʼ tsu bənə kə loʼ kə nə ghaa n tɔ̀ɔ naŋa tii nə̀, ‘Tə Zə̀ key ghey khə way.’ Zə̀ key ghaa maŋa bam fey nə ghaa tɔʼ khə way, a baa loʼ kə ghi n naʼlə bə tə ghaa fa nya.

Kəfwaʼ 26:9

Wû wuŋ, mə â moʼlə soʼo nə n tsəm khə ni kəŋ tsu təjìi tədzəm ni tuu maʼa nə̀ ghə̂ a ka bəghəm zəd i Yeso wù Nazaled.

Kəfwaʼ 3:17

Waazə ghə, n khənu nə ghaa nsə ghə̂ ghən ghə laalənə ghaa, ghaa â ghəŋə ghəə ghən n kow Yeso n təŋkey ghaa â khə way ghəə zey ghaa â ghəŋŋənə.

Kəfwaʼ 4:17

Ni kee ghəŋə nə̀ kə ghəə a tii a nə zamnə, saa khə ni teeli kii naŋa ndow ghə nə kə ghə nə kəm ghɔɔmə ghə i loʼ zə n zəd i wù wən ghə tɔŋŋə nə̀ a loʼ Yeso.”

Kəfwaʼ 5:41

Nghee ngəd tə Yeso tey zəghə tsunə ndaw tsə, ghə n nuu ndow, fəd duʼlə nə̀ Zə̀ kə n koʼ nə̀ ghə kɔʼ kpiinu ni fəghə, ghə keeli tow kə dədlə kə bòʼ Yeso.

Kəfwaʼ 9:14

Tə loʼ nə̀ tə n ney daʼa kə n wɔ ghə fɔɔngili a nii ghə ni bə kwu ghə̂ ghey adzəm ghə bəghəmnə tə wɔ.”

Kəfwaʼ 9:16

Mə i diinu tə wi nghee tə khə ni fəghə tii bòʼ mə.”

Roma 1:28

Nghee ghə kii maʼanə ghəə a Kəzə̀ ghə, Zə̀ kə n zəghə maʼa ghə nə̀ ghə i ghəŋŋə ndow ghəə ghə n jii zey moʼlə tə ghə tə bɔɔ doʼonə tii. À wey loʼ ghə i tii zə ghə ghəŋŋənə ghəə ghey a ka kpii tə̀ wù ni ghəŋə.

1 Kɔrint 15:34

Fən nyi dzəŋŋə bə n na n tɔb n ghaa, ghaa buu naŋa ghəə a bəbə ghən ghaa ghəŋŋənə. Tə̀ mə, a ngii loʼ tow kə dədlə kə nə̀ ghə̂ a loʼ a loʼ n fəŋŋə kə ghaa nə ghə khə way Zə̀ kə.

1 Kɔrint 2:8

Wù umɔʼ way dzə n ghə̂ ghən ghə saʼanə mbi n num tən nya tə â zowkeelinə ghəə ghən, n təŋkey, abə ghə â zowkeelinə, tə̂ ghə â ka baa Mûkəbii wən ghə fuunə kɔʼləmə n dzəm n zat kə fəkaʼ.

2 Tesalonika 1:8

Tə i bəghə ghi vələ u bəʼlə wə ni bə chɔd ghə̂ ghən ghə tuu maʼanə Zə̀ kə nsə ghə̂ ghən ghə ka bəghəm tûm i dzuŋu zə bòʼ Mûkəbii saa Yeso Klisto.

1 Jɔn 3:1

Koʼo na nghee tə̀ Bày ngii diinə ləghə i wi zə tii n kow saa. Tə n ghəŋə nə̀ ghə i tɔŋŋə saa nə̀ saa loʼ waa a Kəzə̀. Zə a ndzəm loʼ soʼonə nə̀ saa loʼ waa a Kəzə̀. Zuŋ key ghə̂ a mbi ghən koʼo keeli way saa loʼ nə̀ ghə khə way Zə̀ kə.

3 Jɔn 1:7

Boʼnə à loʼ n zəd i Klisto ghə â bwey fwaʼanə fwaʼ kən, nə ghə ney way fə kə n wɔ ghə̂ ghən ghə bəghəm way tə̀ Klisto

Chi dii 2:3

N khənu nə̀ wə mâ ngii fəghə, kow soʼo fə̀ŋ bòʼ mə, wə n ka kam tsəm buu doʼo koʼ.