Tùm i dzuŋu zə kuum Yeso Klisto tə Jɔn â tɔɔnə 15:19 - Kaa n Kəzə̀ n fəghə mə

¹⁹ Abə ghaa mə loʼ ghə̂ a mbi ghə, tə mbi mə ləghə ghaa. À sə fa loʼ kə nə̀ mə â sày nuu shi bə ghaa nə̀ ghaa ka kəm doʼo soʼo tə a loʼ ghə̂ a mbi. À wey loʼ ghə i tii zə ghə̂ a mbi a bàanə ghaa.

Tùm i dzuŋu zə kuum Yeso Klisto tə Jɔn â tɔɔnə 15:19 ပူးပေါင်းရင်းမြစ်များ

Matyo 10:22

Ghə̂ adzəm a nə bàa ghaa bòʼ zəd zuŋ. Abə wù wey tə kee kow tsu kə fə̀ŋ, ndòw kûm i ndòw, tə i keeli ibəghəshi.

Matyo 24:9

Ghə i kwu ghaa, ghə fuu tsəghə ndòw ghaa tə̀ ghə̂ ghey ghə i chɔdlɔnə ghaa, ghə wey ghaa. Naʼa tə mbi tədzəm tə i bàa ghaa bòʼ zəd zuŋ.

Lukas 6:32

Abə wə̀ ləghə kə ghə̂ ghey ghə ləghənə wɔ̀, wə̀ i zəə kee tii? Ghə̂ a bəbə a ngəŋə ləghə soʼo ghə̂ ghey ghə ləghənə ghə.

Tùm i dzuŋu zə kuum Yeso Klisto tə Jɔn â tɔɔnə 13:18

Yeso n dza kpiʼi ndow tə̀ ngəd tə wi tə nə̀, “N ghəə ghən ghɔɔmə dzə way tə̀ ghaa adzəm, n təŋkey, n khənu ngəd tuŋ tey n sày shi bənə. À kee loʼ nə̀ ghɔɔmə i Kəzə̀ i khə ni bə shi isəŋə nə̀, ‘Wù wey tə zə̂ə dzəŋi ghi mə, à loʼ wi tə kəm fəd doʼo bənə wù təngəmə wuŋ.’

Tùm i dzuŋu zə kuum Yeso Klisto tə Jɔn â tɔɔnə 15:16

A way dzə ghaa, ghaa â sày bə mə, a loʼ mə, mə â saynə ghaa, fu tsu ghaa n daʼa kə nə̀ ghaa i məə tam u dzuŋu wə, ndzoʼo tam wey u doʼo tən nə, sey nə̀, wù ghaa nɔɔ kə kee tə Bày n zəd zuŋ, Bày i fu fə kə tii kə tə̀ wi.

Tùm i dzuŋu zə kuum Yeso Klisto tə Jɔn â tɔɔnə 6:70

Yeso n beeli ndow ghə nə̀, “À loʼ mə, mə â sày kɔʼnə tow ghaa wə ighəm n ghii wə ubəghə, a kee loʼ nə̀ wù umɔʼ loʼ n fəŋŋə kə ghaa nə̀ a loʼ avəətsəə.”

Jems 4:4

Ghə nəb ityim tə a loʼ ghaa! Ghaa khə way nə̀ abə ghaa ngii gaʼnə fə̀ŋ n fə u mbi, i sey dii nə̀ ghaa loʼ ghə̂ a təngəmə tə Zə̀ kə ə? Keeli tsu na nə̀, ghə̂ ghey ghə ləghənə fə u mbi wə, ghəŋŋə wû i ghə nə̀ ghə doʼo ghə̂ a təngəmə ghi Zə̀ kə.

1 Pita 4:3

Ghaa n ngii bəəbə kɔʼ bə nəŋə zə ni ghəŋŋə ghey ghə̂ ghən ghə khə way Zə̀ kə ləghənə ni ghəŋŋə. Ghaa muu kɔʼ bə muu i ghaa ni ghəŋŋə dzəə dzəə tə aghəə tə, shiə n sə ghə n kow gheyzən ghə, məə khəə kaabə tsə nlə, ngii zəə kaabə tsə uzə̂, məə kɔʼɔ nlə bwey buʼlə kaabə tsə nbɔŋ, ngɔɔmə soʼo mmuʼu nə̀ Zə̀ kə n bàa tən.

1 Jɔn 3:12

Saa khə dzə way ni doʼo tə a loʼ Ken tə â loʼnə waa avəətsəə, tə n wey maʼa tsu waazə ə wi Ebel. Â loʼ kee tə â wey maʼanə wi ə? Â loʼ n təŋkey tə â ghəŋŋə ghəə a bəbə ghə, waazə ə wi n kee ghəŋŋə ghəə ghən a loʼnə tsətsəghə n sə̂ K-a-zə̀.

Chi dii 12:17

Sey ngəm zey n fəələ nay ndow unəghə ghi weyzən wey, nuu ndow ni ndow ballə ghi waa a waa a wi ghən ghə doʼo səənə, ghə̂ ghey adzəm ghə naŋŋənə laŋ u Kəzə̀ wə, nsə ghə̂ ghey ghə gaʼnə fə̀ŋ nə isəŋə zən Yeso â chi dii bənə.

Chi dii 12:9

Ghə n tən maʼa shi tsu ndow faŋkwu kə ngəm key. À wən loʼ zuu i wey wey zən zə â loʼnə nə nzeyyə, ghə tɔŋŋə nə̀ à loʼ Avəətsəə nkee Satan. À loʼ wi tə â sii ndzəŋnə mbi idzəm. Ghə n tən maʼa shi tsu bə wi fa a ghəlitsə, tən maʼa tsu bə soʼo tsətəndəghə tə wi ghi wi.