Tùm i dzuŋu zə kuum Yeso Klisto tə Jɔn â tɔɔnə 14:31 - Kaa n Kəzə̀ n fəghə mə

³¹ N kee fwaʼa kə tə̀ Bày dzanə, sey nə̀, ghə̂ a mbi a keeli nə̀ n ləghənu Bày. Nuu kɔʼ n na tə saa nuu tsu fa.”

Tùm i dzuŋu zə kuum Yeso Klisto tə Jɔn â tɔɔnə 14:31 ပူးပေါင်းရင်းမြစ်များ

Matyo 26:39

Tə n dzə kəŋə kpiʼi ndòw isə, bwu fəə ndòw tûm usə̂ aghəd, kaʼ ndòw ni gɔŋŋə nə̀, “Bày wuŋ, abə jìi loʼnə, ney nuu ndòw wɔ̂ uchɔd zən n wɔ mə. A kee loʼ nə̀ kə i nə doʼlənə tə̀ n ləghə, i doʼo tə̀ wə ləghənə.”

Matyo 26:46

Nuu kɔʼ na tə̀ sa nuu. Koʼo na! Wù wey tə fìi fuunə mə n bə.”

Lukas 12:50

A loʼ kə nə̀, N nam khə ndəm uchɔd ni koʼ isə tə̀ wù nə ney mmuu n Kəzə̀ mə n dzuu. Mə i sa loʼ kə nə imôw ni ndòw kùm n nəŋə zey zə maynə tii.

Tùm i dzuŋu zə kuum Yeso Klisto tə Jɔn â tɔɔnə 10:18

Wù way ni wey maʼa mə nə̀ a ka mə bəghəm, à kee tsəm tsu mə ni fuu nuu ndòw muu zuŋ. N khənu daʼa kə tii kə ni fuu, khə soʼo daʼa kə tii kə ni ney dzəŋŋə. À loʼ Bày wuŋ tə fuunə mə n laŋ kə nə̀ n loʼ ni ghəŋə sey.”

Tùm i dzuŋu zə kuum Yeso Klisto tə Jɔn â tɔɔnə 12:27

Yeso n ndow n sə kə ni dza nə̀, “Fə̀ŋ nya ngii bàŋa mə. N kəm loʼ ni dza nə̀ ngee? N sə loʼ ni dza nə̀, ‘Bày, bəghəshi mə n nəŋə zən ə?’ Ngaŋ! N way ni dza sey, n təŋkey, a wey loʼ zuŋ key mə â bənə fa n mbi, nə̀ n bə fəghə n nəŋə i zən.

Tùm i dzuŋu zə kuum Yeso Klisto tə Jɔn â tɔɔnə 12:49

N ka ghəə ghən ghɔɔmə shi bə dzə n daʼa kuŋ, a loʼ Bày wuŋ wən tə tûm shi bənə mə, tə fuunə mə n laŋ kə n ghəə zey n khənə ni dza nsə jìi zey n khənə ni ghɔɔmə tii.

Tùm i dzuŋu zə kuum Yeso Klisto tə Jɔn â tɔɔnə 13:1

N tsuʼ fey Zə̂ kə taa zaʼa kə bwu bweelinə tii, Yeso n khə zey nə̀ nəŋə zə n kpii tə̀ wi ni zəghə maʼa mbi zən, tə ndow dzəŋŋə n səə Bày. Yeso â ngii ləghə ghə̂ ghən tə â loʼnə ghi ghə fa n mbi, tə n dii may tsu ləghə i wi tə̀ ghə ni ndow kùm n tsuʼ fey tə khə ni zəghə ghə.

Tùm i dzuŋu zə kuum Yeso Klisto tə Jɔn â tɔɔnə 15:9

N ləghə ghaa n jìi zey Bày wuŋ ləghənə mə tii. Sey, bɔɔmə doʼo tsu kə na nə kəfə kəmɔʼ ghi mə tə̀ mə i ləghə ghaa.

Tùm i dzuŋu zə kuum Yeso Klisto tə Jɔn â tɔɔnə 18:11

Yeso n dza tə̀ Pita nə̀, “Sɔʼ naŋa nyi dzəŋŋə tsu kɔb zə n mbəghə kə wi. Ghaa moʼlə nə̀ ghaa loʼnu ni ghəŋə nə̀ n ka boʼo ngoʼ zey Bày wuŋ â fuu naŋa nə̀ n boʼo ə?”

Tùm i dzuŋu zə kuum Yeso Klisto tə Jɔn â tɔɔnə 4:34

Yeso n dza ndòw tə̀ ghə nə̀, “Fəzəə wuŋ u loʼ ni fwaʼ fwaʼ key wù wey tə tûm bənə mə, ləghənə nə̀ n fwaʼ, nsə ni mayyə fwaʼ key tə fuunə tə̀ mə nə̀ n fwaʼ.

Filipi 2:8

Nghee tə doʼo bə n wû u wù sɔŋtsuʼ, Tə n tsuulə tsu wû u wi, naŋŋə laŋ u Kəzə̀, Bùʼ bəghəm daŋŋə ni kpu, Tə n kpu tsu nə̀ ghə wi baa n zat kə fəkaʼ.