Tùm i dzuŋu zə kuum Yeso Klisto tə Jɔn â tɔɔnə 14:27 - Kaa n Kəzə̀ n fəghə mə

²⁷ N fuu naŋŋə ghaa n buulə zə. À loʼ buulə zuŋ n fuu bənə tə̀ ghaa. Buulə zən n fuu bənə tə̀ ghaa way dzə ndzoʼo buulə zey ghə̂ a mbi a fuunə. Kə̂ fə̀ŋ tə nə̂ baŋanə ghaa, kə̂ ghaa nə tsəŋə soʼonə.

Tùm i dzuŋu zə kuum Yeso Klisto tə Jɔn â tɔɔnə 14:27 ပူးပေါင်းရင်းမြစ်များ

Matyo 10:26

Yeso n ndow n sə̂ kə dza tə̀ ghə nə̀, “Kə ghaa nə tsəŋənə ghə, n təŋkey, ghə i loʼ i way ghə tsəd naŋanə, nə̀ î nə bə doʼo way təghə, ghə i loʼ i way ghə tsɔŋ ghəŋənə, ghə nə bə keeli way.

Lukas 1:79

Zə i ney bə luʼu tə zow tə tə̀ ghə̂ ghey ghə loʼnə nə kələm, nsə ghə̂ ghey ghə loʼnə tə̀ ghə nya sòʼo ivə. Zə i dii bə jii i dzuŋu zey i fuunə buulə zə tə saa.”

Lukas 10:5

Nə̀ ghaa nyi kə n ndaw i ghaa zə, dza tsu na tə̀ ghə̂ ghey fu nə̀, “buulə zə i loʼ i ghaa fa ndaw.”

Lukas 12:4

N dza bə tə̀ ghaa a fə ghuŋ ghə, kə ghaa nə tsəŋənə ghə̂ ghey ghə weynə wû u wù wə, kəm khə way ghə̂ i loʼ zə ni ghəŋə ghi muu i wù zə.

Lukas 2:14

“kɔʼlə n loʼ tə Zə̀ kə tə loʼ idəŋ, buulə i Kəzə̀ zə i loʼ tə̀ ghə̂ ghey ndzuŋ ə wi loʼ kow ghə fa n mbi.”

Tùm i dzuŋu zə kuum Yeso Klisto tə Jɔn â tɔɔnə 14:1

Yeso n ndow n sə kə, dza tə̀ ngəd tə̀ wi tə nə̀, “Kə fə̀ŋ tə nə baŋanə ghaa. Keeli na bəghəm i fə̀ŋ zə n kow Zə̀ kə, ghaa keeli soʼo n kow mə.

Tùm i dzuŋu zə kuum Yeso Klisto tə Jɔn â tɔɔnə 16:33

N ghəə ghən sa dza bə tə̀ ghaa nə̀ ghaa i khə buulə zə n fə̀ŋ tə ghaa, boʼnə ghaa loʼ n fə kəmɔʼ ghi mə. Ghaa nə ngii fəʼlənu fa n mbi, a kee loʼ nə̀ ghaa khə ni kuu tsu təfə̀ŋ tə a loʼ təsawgoʼ, n təŋkey, mə n təm zə̂ mbi.”

Tùm i dzuŋu zə kuum Yeso Klisto tə Jɔn â tɔɔnə 20:19

N nəŋə i fənə zə n tsuʼ inaʼ wə nkala u mɔʼɔ wey, ngəd tə Yeso tə n dzəŋi loʼ n ndaw nə̀ ghə n fii naŋa baʼ wə, n təŋkey ghə â tsəŋə ngəd tə Təjuu. Nghee ghə loʼnə fu, ghə n maŋ fwey Yeso tə teynə n sə kə ghə. Tə n dza tə̀ ghə nə̀, “Buulə zə loʼ ghi ghaa.”

Tùm i dzuŋu zə kuum Yeso Klisto tə Jɔn â tɔɔnə 20:21

Yeso n dza kpiʼi ndow tə̀ ghə nə̀, “Buulə zə i loʼ ghi ghaa. Nghee Bày â tûm bənə mə, à loʼ soʼo ighələ n tûm shiənə ndow ghaa.”

Tùm i dzuŋu zə kuum Yeso Klisto tə Jɔn â tɔɔnə 20:26

Ambə tsuʼu n tsəghə tsu ifam, ngəd tə Yeso tə n loʼ kpiʼi n ndaw, Tɔmɔs n loʼ ghi ghə. À n loʼ nə̀ baʼ u fii doʼonu, ghə n taa fəmi kɔʼ Yeso nə̀ tə tey n səə ghə, tə n dza tə̀ ghə nə̀, “Buulə zə i loʼ ghi ghaa.”

Kəfwaʼ 10:36

Ghaa khənu nə̀, Zə̀ kə â tûm bə tûm wi tə ghə̂ ghə Izree ghə, naʼlə ndow tûm i dzuŋu zə bòʼ ibuulə n bam i Yeso Klisto. Tə loʼ Mûkəbii tə ghə̂ ghə adzəm.

Kəfwaʼ 18:9

N tsuʼ fə loʼ fə n tsuʼu tə, Mûkəbii n bə dii may bə tə̀ Pɔl nə ujim, dza tə wi nə̀, “Ka fə kə loʼ kə tsəŋ dzə, ndow kə n sə kə ni ghɔɔmə ghəə ghə, kə wə nə tsəŋə doʼlənə mɔŋ.

Roma 1:7

N màʼlə kən tɔ̀ɔ bə tə ghaa ghə̂ a Roma ghən Zə̀ kə ngii ləghənə, sày kɔʼ soʼo ghaa nə̀ ghaa doʼo ghə̂ a wi. N gɔŋŋə nə̀ Zə̀ kə tə loʼnə Bày saa ghi Mûkəbii Yeso Klisto dii ghaa n ndzuŋ ə wi tə ghəŋə soʼo nə̀ ghaa i loʼ nə ibuulə.

Roma 15:13

N gɔŋŋə nə̀ Zə̀ kən kə ghəŋŋənə nə̀ ghaa i ləmmə fə key tə â təb naŋanə tə ghaa, kə fuu ghaa n duʼlə zə nsə buulə zə nghee ghaa gaʼnə fə̀ŋ n kow wi, sey nə̀, n daʼa kə Zay kə Zow kə, ghaa i laalə kɔʼɔ ndow tə wi n fə̀ŋ tə ghaa tə tədzəm.

Roma 5:1

Nghee tə̀ Zə̀ kə neynə saa nə̀ saa loʼ tsətsəghə n sə kə wi n təŋkey saa bəghəm tə wi, saa kəm khə way chɔdwə ghi wi n bam i Mûkəbii saa Yeso Klisto.

Roma 5:10

N sey dza n təŋkey, abə və i waa wi zə â loʼ ni ghəŋə nə̀ saa ghə̂ a təngəmə a Kəzə̀ a doʼo bə nə kəfə kəmɔʼ ghi Zə̀ kə. Nya wən saa loʼnə nə kəfə kəmɔʼ ghi Zə̀ kə, i sey dii nə̀ Klisto i bəghəshiənu saa n təŋkey tə loʼ utaw.

Roma 8:6

Wù wey tə naŋa tsunə fə̀ŋ ə wi ghəə ghən gow uwû wi ləghənə, tə i kpuunu. A kee bə wù wey tə naŋa tsunə fə̀ŋ ə wi n ghəə ghey Zay kə Zow kə ləghənə, tə n keeli imuu, tə n loʼ soʼo nə ibuulə.

1 Kɔrint 1:3

N gɔŋŋə nə̀ Zə̀ kə, tə loʼnə Bày saa, nsə Mûkəbii saa Yeso Klisto fuu ghaa n ndzuŋ nsə buulə i wi zə.

Galeshia 1:3

N gɔŋŋə ndow tə Zə̀ kə tə loʼ Bày saa nsə Mûkəbii Yeso klisto nə tə fuu ghaa n ndzuŋ nsə buulə zə.

Galeshia 5:22

Ndzoʼo mwam wey Zay kə Zow kə ləghə nə̀ saa keeli loʼ, iləghə, iduʼlə, ibuulə, ni kow fə̀ŋ, fə̀ŋ i dzuŋu zə, ghəə a dzuŋu ghə, zə̀ələ kə fə̀ŋ,

Galeshia 6:16

Abə tə ghə̂ ghən ghə bweynə n jii zən, n gɔŋŋə nə̀ buulə i Kəzə̀ nsə sî i kwɔɔlə i wi zə i loʼ ghi ghə nsə n kow ghə̂ a Kəzə̀ ghə adzəm.

Filipi 4:7

Sey, buulə i Kəzə̀ zən i tsəghəshinə tɔb u wù sɔŋtsuʼ wə udzəm, zə i loʼ ghi ghaa, ghəŋŋə nə̀ fə̀ŋ tə̀ ghaa nsə moʼlə tə ghaa tə i loʼ nə kəfə kəmɔʼ ghi Klisto.

Kolose 1:2

N màʼlə kən tɔ̀ɔ bə tə ghə̂ a Kəzə̀ ghən ghə bəghəm nə tə Klisto n naʼ i Kolose. N gɔŋŋə nə̀, Zə̀ kə, tə loʼnə Bày saa, tə fuu ghaa n ndzuŋ nsə buulə zə.

Kolose 1:20

Zə̀ kə â neynə waa wi ni ghəŋə nə̀ fə wən udzəm u loʼ nə fa n mbi, u doʼo dzəŋŋə bə n tənə wi. Â loʼ n bam i kàŋ tə waa wi wən ghə â baanə n zat kə fəkaʼ, Zə̀ kə â ghəŋənə nə buulə zə i loʼ fa n mbi, idəŋ nsə a ghəlitsə.

Kolose 3:15

Buulə zən Klisto fuunə tə ghaa, i bəghə doʼo n fə̀ŋ tə ghaa, n təŋkey, Zə̀ kə n ndzəm sày ghaa nə̀ ghaa doʼo nə kəfə kəmɔʼ, sey nə̀ ghaa loʼ ni keeli ndzoʼo buulə zən. Ghaa i fuu zɔŋŋə kə tə̀ Zə̀ kə nəŋə tədzəm.

2 Tesalonika 1:2

N gɔŋŋə nə̀ Zə̀ kə, tə loʼnə Bày saa nsə Mûkəbii Yeso klisto dii ghaa n fə̀ŋ ə wi i dzuŋu zə, tə ghəŋə soʼo nə̀ fə̀ŋ tə ghaa tə i loʼ nə ibuulə.

2 Tesalonika 3:16

Ghey gɔŋŋə nə̀ Mûkəbii n wù u wi wə, tə loʼ wù wey tə fuunə buulə zə tə̀ ghə̂ a wi ghə, tə fuu ghaa n buulə zə nəŋə tədzəm. Ghey gɔŋŋə soʼo nə̀ Zə̀ kə i loʼ ghi ghaa.

2 Timoti 1:7

N dza sey n təŋkey, Zay key Zə̀ kə â fuunə tə saa ghəŋŋə dzə way nə̀ saa i tsəŋə ghəə ghə. Tə â fəd fuu saa n Zày key kə ghəŋŋənə nə̀ saa i khə daʼa kə, saa i ləghə wû i saa zə, saa i loʼ soʼo ni tɔʼ kwu keeli wû i saa.

Hibru 13:20

N gɔŋŋə nə̀ Zə̀ kən kə fuunə buulə zə, tə wən tə â zhəm dzəŋŋə bənə Mûkəbii saa Yeso nə ivə, wù baʼa u tənjì u səŋi wə, tə wən tə â ney kɔʼnə kaŋ tə wi tə, zə̂ kɔʼ kaa mən n nə may koʼ way,

Hibru 7:2

Abraham n dzawwə tsu fə wən tə a təm zə kɔʼ n tsam nə tə badla ighəm tə loʼnə ighələ. Tə n ney fu ndow wi n bad kə kəmɔʼ. Zəd i Mekisedek n ghɔɔmə i Təjuu zə â dii nə̀ a loʼ, “Də̀ŋ kə tsətsəghə kə.” Ghə â tɔŋŋə soʼo wi nə̀ a loʼ, “Də̀ŋ kə Salem.” I dii tsu nə̀, “Də̀ŋ kən kə ney bənə buulə zə.”

Chi dii 1:4

À loʼ mə Jɔn n tɔɔnə màʼlə kən. N tɔ̀ɔ bə tə̀ dzəŋi u dzûmə tə Klisto wən usəghəmbəghə u loʼnə n mboʼo Eshya. N gɔŋŋə nə̀ Zə̀ kə mə dii ghaa n ndzuŋ ə wi, tə fuu soʼo ghaa n buulə zə. À loʼ wi tə â loʼnə nə nzeyyə, tə loʼnə nyisa, à loʼ soʼo wi tə i bəghənə. N gɔŋŋə soʼo nə̀ zày u Kəzə̀ wən usəghəmbəghə u loʼnə n sə kə ndaŋ ə kədə̀ŋ ə Kəzə̀ dii ghaa n ndzuŋ, u fuu soʼo ghaa n buulə zə.

Chi dii 2:10

Kə wə i tsəŋ chɔd wən wə i bə keelinə. Wə ney ighə̂mə boʼnə Satan i kuu ghaa a loʼ ghə n ndaw tsaʼ ni mɔm koʼ ghaa, ghaa i fəghə nə ntsuʼu ighəm. Ghaa keeli tsu kə bəghəm i fə̀ŋ, abə a loʼ kə ivə, mə i fuu ghaa n muu i fəghə zə tə a loʼ kə naamə abə ghaa təm zə kɔʼ.

Chi dii 21:8

A kee bə ghə̂ ghən ghə tsəŋənə, khə way bəghəm i fə̀ŋ zə, ghə nəb ityim, ghə̂ ghey ghə weynə ghə̂ ghə, ghə̂ a laŋŋə ghə, ghə̂ a fənnə ghə, ghə̂ ghən ghə ngɔɔmə muʼu mə nsə ghə̂ ghey ghə badlanə ghəə ghə, luʼu kə ghə kə loʼ n nyî zə uvələ zey sɔlfɔ bəʼlənə fu. À wən loʼ və zən i dzûmə ndow i sə̂ isə zə.”