Tùm i dzuŋu zə kuum Yeso Klisto tə Jɔn â tɔɔnə 14:21 - Kaa n Kəzə̀ n fəghə mə

²¹ Wù wey tə zow laŋ wuŋ wə, bɔɔmə bwey ndow tii, a wey loʼ wù wey tə baa ləghənə mə. Wù wey tə ləghənə mə, Bày wuŋ i ləghənu wi, mə i ləghə soʼo wi, n dii bə soʼo wû wuŋ tə wù tii.”

Tùm i dzuŋu zə kuum Yeso Klisto tə Jɔn â tɔɔnə 14:21 ပူးပေါင်းရင်းမြစ်များ

Lukas 11:28

Yeso n beeli ndòw wi dza, “buulə i fəd loʼ tə̀ ghə̂ ghey ghə zownə ghɔɔmə i Kəzə̀ zə naŋŋə.”

Tùm i dzuŋu zə kuum Yeso Klisto tə Jɔn â tɔɔnə 14:15

Yeso n nam dza ndow tə̀ ngəd tə wi tə nə̀, “Abə ghaa ləghənə mə, ghaa khə ni naŋŋə laŋ wuŋ wə.

Tùm i dzuŋu zə kuum Yeso Klisto tə Jɔn â tɔɔnə 14:18

N way ni naŋa taʼa ghaa tə̀ a loʼ waa a chi. Mə i bəghə dzəŋŋənu n səə ghaa.

Tùm i dzuŋu zə kuum Yeso Klisto tə Jɔn â tɔɔnə 15:14

Ghaa loʼ fə̂ ghuŋ abə ghaa bɔɔmə ghəŋŋə ndownə ghəə ghey n dza bənə tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 16:14

Zay kə Zow kə nə ghəŋə nə̀ n keeli nkɔʼlə, n təŋkey, tə nə ney kɔʼɔ ghɔɔmə zuŋ tə tiilə dza bə tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 16:27

I nə doʼlə sey n təŋkey, Bày wuŋ n wû u wi wə, ləghənu ghaa. Tə ləghə ghaa, bòʼ nə̀, ghaa n mə ləghə, bəghəm fuu soʼo nə̀ a loʼ wi tə tûm bənə mə.

Tùm i dzuŋu zə kuum Yeso Klisto tə Jɔn â tɔɔnə 17:23

Mə n gɔŋŋə nə̀ mə i loʼ nə kəfə kəmɔʼ ghi ghə nghee tə̀ wə loʼnə nə kəfə kəmɔʼ ghi mə, nə̀ ghə i tɔʼ tey tə a loʼ wù umɔʼ, tə ghə̂ a mbi ghə i keeli nə̀ a loʼ wɔ wə tûmnə mə, nsə nə̀ wə ləghə ghə ighələ tə̀ wə ləghənə mə.

Kəfwaʼ 22:18

Nghee tə sə a vəi kɔʼnə mə sey, mə n koʼ ndow Mûkəbii tə dza bənə tə mə nə̀, ‘Mbad ghəŋə ndow wə zəghə tsu Yerosalem, n təŋkey, ghə̂ ghən fa i bəghəm way ghəə zey wə dzanə bòʼ mə.’

2 Kɔrint 12:8

Tənəŋə tətəghə nə̀ n buʼu kə kəwɔɔ tə̀ Mûkəbii nə̀ tə ney nuu dzaŋ i tii zə.

2 Kɔrint 3:18

Saa ghən adzəm saa loʼnə nya n tûm n təsə mə təghə, saa n koʼ nghee Mûkəbii nyiəllənə tii. Nghee tə̀ saa koʼonə sey, Zay kə Zow kə nya kweyyə nuulə bə saa nyaŋi fənyaŋi nə̀ saa doʼo bə tə̀ a loʼ Mûkəbii sey nə̀, ghə̂ a loʼ ni tɔʼ koʼ nghee tə nyiəllə tii.

2 Kɔrint 4:6

À loʼ Kəzə̀ tə â dza tsu nə̀, “Tsə u bàŋ shi bə nə kələm”, à loʼ wi tə ghəŋənə nə̀ tsə u bàŋ n fə̀ŋ tə ghey sey nə̀ ghey koʼ kɔʼlə n Kəzə̀ mən n baŋanə n tûm usə u Klisto.

2 Tesalonika 2:16

Ghey gɔŋŋə ndow tə̀ Mûkəbii saa Yeso Klisto nsə tə̀ Zə̀ kə tə loʼnə Bày saa. Zə̂ kən kə ləghənə saa, tə tsəmmənə fəŋ tə saa nəŋə tədzəm, ghəŋə nə̀ saa i ləmə tənnə tə wi n bam i ndzuŋ ə wi.

2 Timoti 4:22

N gɔŋŋə nə̀ Mûkəbii i loʼ ghi wɔ. N gɔŋŋə soʼo nə̀ ndzuŋ ə Kəzə̀ i loʼ ghi ghaa adzəm.

1 Jɔn 2:5

Wù wey tə naŋŋənə ghɔɔmə i Kəzə̀ zə, tə ndzəmə dii bənu nə̀ tə ləghənu Zə̀ kə. Jìi zən saa keelinə nə̀ muu i saa i loʼ dzəŋi ghi wi, loʼ nə,

1 Jɔn 3:1

Koʼo na nghee tə̀ Bày ngii diinə ləghə i wi zə tii n kow saa. Tə n ghəŋə nə̀ ghə i tɔŋŋə saa nə̀ saa loʼ waa a Kəzə̀. Zə a ndzəm loʼ soʼonə nə̀ saa loʼ waa a Kəzə̀. Zuŋ key ghə̂ a mbi ghən koʼo keeli way saa loʼ nə̀ ghə khə way Zə̀ kə.

1 Jɔn 5:3

Ni ndzəmə ləghə Zə̀ kə, loʼ ni naŋŋə laŋ u wi wə. Laŋ u tii wə a loʼ nə u taw way ni naŋa.

2 Jɔn 1:6

Ləghə zən n dzaanə fa, loʼ ni zə̀ŋŋə̀ bə saa nə̀ saa i muu n laŋ K-a-zə̀. Laŋ kən, tə̀ ghaa â zow zey dzənə, loʼ nə, ghaa adzəm teeli khə ni ləghə wû i ghaa zə.

Chi dii 2:17

Wù wey tə khənə tuŋŋə wə, tə zow ghəə ghən Zay kə Zow kə dzanə tə dzəŋi u dzûmə tə Klisto wə. Wù wən tə i taw tsəghənə ghəə a bəbə ghə, mə i fuu ghə n fəzəə u loʼ wə ghə â nyi naŋanə, ghə tɔŋŋənə nə̀ a loʼ mana. Mə i fuu soʼo ghə n tay i fəmə zən ghə tɔ̀ɔ naŋanə zəd i fəghə zə tii, nə̀ wù loʼ khə way, nə̀ a khə kə wù wey tə i neynə tay i tii zə.”

Chi dii 22:14

Zə̀ kə i buulə ghə̂ ghey ghə sow ndzə̂ tə ghə tə nə̀ tə i zow, ghə i khə daʼa kə ni zə tam wən u məə n kaʼ fey fə fuu muu zə nsə ni tsəghə nyi n fuʼ u mbàa u naʼ tii zə.

Chi dii 3:20

Mə wənə n teynə n fuʼ u ndaw, buʼu kəbaʼ. Wù wey tə zow dzə̀ zuŋ, chi tsu kəbaʼ, mə i tsəghə nyi bə zə ghi wi, tə i zə soʼo ghi mə.