Tùm i dzuŋu zə kuum Yeso Klisto tə Jɔn â tɔɔnə 14:20 - Kaa n Kəzə̀ n fəghə mə

²⁰ A i loʼ n nəŋə i tii zə, ghaa i keeli tsuu nə̀ n loʼ nə kəfə kəmɔʼ ghi Bày, Bày u loʼ nə kəfə kəmɔʼ ghi mə, ighələ tə̀ ghaa loʼnə nə kəfə kəmɔʼ ghi mə, mə n loʼnə nə kəfə kəmɔʼ ghi ghaa.

Tùm i dzuŋu zə kuum Yeso Klisto tə Jɔn â tɔɔnə 14:20 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 10:38

Abə a kee loʼ nə̀ n fwaʼanu fwaʼ key Bày tûmnə mə nə̀ n bə fwaʼ, nə ghaa ləghə kə way ni bəghəm tə̀ mə, labi bəghəm kɔʼ kə na nə̀ ghəə ghey n fwaʼanə, loʼ ghəə a dzuŋu ghə. Sey ghaa i zowkeeli tsu nə Bày nsə mə loʼ kəfə kəmɔʼ.”

Tùm i dzuŋu zə kuum Yeso Klisto tə Jɔn â tɔɔnə 14:10

Nə̀ ma a Filip, wə kam bəghəm tə way nə̀ n loʼ nə kəfə kəmɔʼ ghi Bày, Bày u loʼnə nə kəfə kəmɔʼ ghi mə ə? Ghɔɔmə zən n ghɔɔmə bənə tə̀ wɔ, n ghɔɔmə dzə way n ngəŋ zuŋ, à loʼ Bày wən tə loʼnə nə kəfə kəmɔʼ ghi mə, tə fuunə mə n daʼa kə ni fwaʼ fwaʼ kə wi.

Tùm i dzuŋu zə kuum Yeso Klisto tə Jɔn â tɔɔnə 14:11

Bəghəm kɔʼ na nghee n dza tə̀ ghaa nə̀ n loʼ nə kəfə kəmɔʼ ghi Bày, Bày u loʼ nə kəfə kəmɔʼ ghi mə. Abə ghaa ləghə way ni bəghəm bòʼ i zən, kee bəghəm kɔʼ tə̀ mə bòʼ fwaʼ kən ghaa koʼnə nə̀ mə n fwaʼ.

Tùm i dzuŋu zə kuum Yeso Klisto tə Jɔn â tɔɔnə 16:23

Abə nəŋə i tii zə i bənə, ghaa i kəm bəb way mə n ghə i loʼ zə. N kùm dza bənu tə ghaa nə̀, abə ghaa nə nɔɔ kə kee kə tə̀ Bày n zəd zuŋ, tə nə fuunu tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 16:26

Abə nəŋə i tii zə i bənə, ghaa nə nɔɔ ndow fə kə n wɔ Bày nə igɔŋŋə n zəd zuŋ, nə a way dzə mə n nɔɔ fuu bənə tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 17:11

N nya zəghə taʼa tsuu ghə fa n mbi, mə n nuulə bə n səə wɔ. Bày wuŋ u zow wə, tsəd naŋa tsu ghə n daʼa key kə loʼnə n zəd zə, zəd zey wə â fuunə tə̀ mə, tə ghə doʼo nə kəfə kəmɔʼ ighələ tə̀ n loʼnə ghi wɔ nə kəfə kəmɔʼ.

Tùm i dzuŋu zə kuum Yeso Klisto tə Jɔn â tɔɔnə 17:26

Mə n chi dii wù wey wə loʼnə ghii wə tə̀ ghə, mə i ndow kə n sə kə ni ghəŋə nə̀ ghə keeli wù wey wə loʼnə, sey nə̀, ləghə zə zey wə khənə n kow mə zə i loʼ n fə̀ŋ tə ghə, mə i loʼ soʼo nə kəfə kəmɔʼ ghi ghə.”

Tùm i dzuŋu zə kuum Yeso Klisto tə Jɔn â tɔɔnə 17:7

Ghə n keeli nya nə̀ fə wən udzəm n khənə, a fuu wɔ tə̀ mə a Bày.

Tùm i dzuŋu zə kuum Yeso Klisto tə Jɔn â tɔɔnə 6:56

Ghə̂ ghey ghə fə̂nə wû wuŋ wə, mə̂ soʼo kaŋ tuŋ tən n fəələnə, ghə i muu ghi mə, mə i muu soʼo ghi ghə.

Roma 16:7

N tɔŋŋə zow bə soʼo Andronikus nsə Junia nsə waazə ghuŋ, ghə̂ a Təjuu ghən ghə â loʼ dzəŋinə ghi mə n ndaw tsaʼ. Wɔɔ a kəfwaʼ a ghə a loʼ n nəŋ n fəŋŋə kə ngəd tə Klisto. A sə kə â bəghəm ghə tə Klisto tə̀ mə ni bəghəm.

Roma 8:1

Nghee tə̀ Zə̀ kə bəghəshinə saa n bam i Yeso, ghə̂ ghən ghə loʼnə nə kəfə kəmɔʼ ghi Yeso Klisto, ghə kəm way ghə̂ a bəbə ghə n sə K-a-zə̀.

1 Kɔrint 1:30

À loʼ Kəzə̀ kə ghəŋənə nə̀ ghaa i loʼ nə kəfə kəmɔʼ ghi Yeso Klisto. Zə̀ kə n ghəŋə nə̀ saa i khə tɔb wə n bam i Klisto. Klisto n ghəŋə nə̀ saa i loʼ tsətsəghə n sə K-a-zə̀, ghəŋə soʼo nə̀ saa i loʼ ghə̂ a Kəzə̀ a zow ghə. À loʼ wi tə bəghəshinə saa n ghəə a saa a bəbə ghə.

2 Kɔrint 12:2

N khənu wù loʼ tə â bəghəmnə tə̀ Klisto, a nya loʼ tənum ighəm n num tə təkaykə, ghə n ney nuu kɔʼ ndòw wi idəŋ. N kee way ni dza nə̀ â loʼ n wû u wi nkee â loʼ n zay kə wi. À khə kə Kəzə̀.

2 Kɔrint 13:5

Laalə tsu na wû i ghaa zə̀ ni koʼ nə̀ ghaa nam gaʼnu fə̀ŋ n kow Klisto ə? Ghaa koʼo keeli way nə̀ Klisto ndzəm loʼ n kow ghaa ə? À may kə nə̀ ghaa koʼ tsu nə̀ ghaa n bwu khə̂mə.

2 Kɔrint 5:17

Sey, abə wù loʼnə nə kəfə kəmɔʼ ghi Klisto, tə loʼ wù fəghə wə. Ghəə a wey ghə n tsəghə nuu, a nya loʼ ghəə a fəghə ghə.

2 Kɔrint 5:19

Sey, à loʼ n bam i Klisto Zə̀ kə təmdzəŋi bənə mbi idzəm ghi wi, nə̀ tə ka ney dzə bəb i ghə zə n taŋ. À loʼ wi tə fuunə ghey n tûm zən ghey naʼlənə. Tûm tii təmə dzəŋi naŋŋə bə aghə̂ ghi Zə̀ kə.

Galeshia 2:20

N nya loʼ tə ghə â baa dzəŋi mə n zat kə fəkaʼ ghi Klisto. N kəm khə way daʼa kə n muu zuŋ, a loʼ Klisto tə khənə daʼa kə n muu zuŋ. Mùu zən n muu nə nya, n muu bòʼ bəghəm i fə̀ŋ zən n khənə n kow waa Kəzə̀ wən tə â ləghənə mə, bəghəm ni kpu n tow kuŋ.

Efesus 2:10

À loʼ Kəzə̀ tə fwaʼ naŋa bənə saa tə̀ saa loʼnə nya boʼnə saa loʼ nə kəfə kəmɔʼ ghi Klisto. Tə saa bɔm nə̀ saa i loʼ nə kəfə kəmɔʼ ghi klisto sey nə̀ saa i loʼ ni fwaʼ fwaʼ kə dzuŋu kə, tɔŋŋə ghəə a dzuŋu ghey Zə̀ kə â khə bayyə naŋanə tə̀ saa nə̀ saa i ghəŋŋə.

Kolose 1:19

 tsəm Kəzə̀ ni ghəŋə nə̀ Klisto waa wi, i bɔɔmə loʼ tə a loʼ wi nə aghəə adzəm.

Kolose 1:27

Zə̀ kə â ləghə ni dii bə ghaʼ i wi nsə ghəə a wi a dzuŋu ghə tə ghə̂ ghən ghə way ghə̂ a Təjuu ghə soʼo. Ghəə zey Zə̀ kə â nyi naŋanə loʼ nə̀, Klisto muu n kow ghaa, dii tsu nə̀ ghaa ləmmə soʼo ni keeli kɔʼlə mən n loʼnə tə̀ ghə̂ a Kəzə̀ ghə.

Kolose 2:9

N təŋkey a may tsu kə n muu i Klisto tə a loʼ wù sɔŋtsuʼ a koʼonə muu i Kəzə̀ zə idzəm.

1 Jɔn 4:12

Wù loʼ ka kam koʼ koʼ tsə Zə̀ kə. Abə saa fədlə ləghə tiillə wû i saa zə, Zə̀ kə i loʼ nə kəfə kəmɔʼ ghi saa. Sey, ləghə i wi zə i loʼ ghi ndzəmə dii bə n ghəə a saa a ghəŋŋə ghə.