Tùm i dzuŋu zə kuum Yeso Klisto tə Jɔn â tɔɔnə 12:50 - Kaa n Kəzə̀ n fəghə mə

⁵⁰ N khənu nə̀ laŋ kə wi kə ghəŋŋə aghə̂ nə̀ ghə i khə muu zə itsali zə. Ghəə ghey n ghɔɔmənə, N bɔɔmə ghɔɔmə kə nghee tə Bày â dza bənə tə̀ mə.”

Tùm i dzuŋu zə kuum Yeso Klisto tə Jɔn â tɔɔnə 12:50 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 17:3

Muu zə itsali zən loʼ tə̀ ghə ni khə wɔ, nə̀ a may kə wɔ wə ndzəm loʼnə Zə̀ kə, nsə ni keeli soʼo Yeso Klisto wən wə â tûm bənə fa n mbi.

Tùm i dzuŋu zə kuum Yeso Klisto tə Jɔn â tɔɔnə 20:31

A ghən ghə kee tɔ̀ɔ naŋanə fa, loʼ ni ghəŋə tsu nə̀ ghaa i loʼ ni bəghəm fuu nə̀ Yeso loʼ wù wey Zə̀ kə â dza naŋa nə̀ i tûm bənu, Waa Kəzə̀, nsə nə̀, abə ghaa bəghəm tə̀ wi, ghaa loʼ ni keeli imuu nə̀ i way ni may.

Tùm i dzuŋu zə kuum Yeso Klisto tə Jɔn â tɔɔnə 5:19

Yeso n dza ndòw tə̀ ngəd tə Təjuu tey nə̀, “N kûm dza bə isəŋə tə̀ ghaa nə̀, Waa way dzə ni ghəŋə dzə ghə i loʼ zə n daʼa kə wi. Tə ghəŋŋə ndòw kə ghəə zey tə koʼ neynə n wɔ Bày. N təŋkey, ghəə zey Bày ghəŋŋənə, Waa bɔɔmə ghəŋŋə ndòw kə i ghi.

Tùm i dzuŋu zə kuum Yeso Klisto tə Jɔn â tɔɔnə 6:63

À loʼ Zay K-a-zə̀ kə fuunə muu zə, daʼa kə wù sɔŋtsuʼ kə maŋ loʼ kənunu. Ghɔɔmə zən n ghɔɔmə bənə tə̀ ghaa, nuu bə n wɔ Zay K-a-zə̀, kə fuunə muu zə.

Tùm i dzuŋu zə kuum Yeso Klisto tə Jɔn â tɔɔnə 6:68

Shimun Pita n beeli wi nə̀, “Mûkəbii, ghey kəm loʼ ni ndòw n səə ndee? À loʼ wɔ, wə khənə ghɔɔmə zey i fuunə muu zə itsali zə.

Tùm i dzuŋu zə kuum Yeso Klisto tə Jɔn â tɔɔnə 8:28

Sey, Yeso n dza ndòw tə̀ ghə nə̀, “Abə ghə î kɔʼlə naŋa kɔʼnə Waa wù sɔŋtsuʼ n zat kə fəkaʼ, ghaa i daŋŋə keeli tsu nə̀ n loʼ wù wey N loʼnə ghii wə. Ghaa i keeli tsu soʼo nə̀ n ghəŋŋə dzə̀ way ghə i loʼ zə n daʼa kuŋ, n kee ghɔɔmə kə ghəə zey Bày wuŋ dza bənə tə̀ mə nə̀ n dza.

1 Timoti 1:16

Zə̀ kə n kee kwɔɔlə isî n kow mə sey nə̀ Yeso Klisto loʼ ni ney mə tə a loʼ tsəə, tə dii tə ghə̂ ghən ghə nam khə ni bəghəm fuu tə wi, nə̀ ghə loʼ soʼonu ni keeli muu zə itsali abə tə lɔʼlə loʼ ni kow fə̀ŋ ghi mə wən n bəb tsəghəshinə ghə̂ a bəbə ghə adzəm.

1 Jɔn 2:25

Klisto a təb naŋa nə̀ fə kən tə i fuunə tə saa, loʼ muu itsali zə.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.