Tùm i dzuŋu zə kuum Yeso Klisto tə Jɔn â tɔɔnə 12:48 - Kaa n Kəzə̀ n fəghə mə

⁴⁸ Wù loʼnu tə i saʼanə ghə̂ ghey ghə tuu maʼanə mə, tuu soʼo ni ney naŋa ghɔɔmə zuŋ, n təŋkey, a i loʼ ghɔɔmə zən i shi bənə n dzuu zuŋ, zə i saʼanə ghə n tsuʼ fey mbi i maynə tii.

Tùm i dzuŋu zə kuum Yeso Klisto tə Jɔn â tɔɔnə 12:48 ပူးပေါင်းရင်းမြစ်များ

Matyo 10:15

N kuum dza bə tə̀ ghaa nə̀, ghəə ghən n dzanə fa tə̀ ghaa, abə tsuʼ u təsaʼ wə î kpii tsunə, naʼ zey ghaa nyoʼonə dzəm tii, Zə̀ kə î kwɔɔlənu n sî zə n kow naʼ i Sodom zə, nsə i Gomora zə, tsəghəshi naʼ i tii zə.”

Matyo 21:42

Yeso n dza ndòw tə̀ ghə nə̀, “ghaa ka kam tɔŋɔ koʼ n màʼlə K-a-zə̀ nə̀, ‘Tay zey ghə̂ a bɔm a təndaw â tuu maʼanə Fəd bə doʼo bə tay i bow i ndaw. A loʼ Mûkəbii, tə â ghəŋənə ghəə a tii ghə, Ghəə a tii ghə a ngii laabənə n sə̂ a ghey.’”

Matyo 25:31

Yeso n dza tə ghə nə̀, “Abə waa weynum î bənə n wû u kədə̀ŋ ghi tsətəndəghə tə Kəzə̀ tə tədzəm ghi wi, tə i bə doʼo tsu n kuu kə ufɔɔ kə wi.

Malakus 12:10

N moʼlə nə̀ ghaa n tɔŋɔ koʼ ghəə ghən n màʼlə K-a-zə̀, a dzanə nə̀, “Tay zey wù bɔm u təndaw wə â tuu maʼanə, A fəd loʼ i ghii i bə doʼo bənə num itay n tsə kə ndaw.

Malakus 16:16

Wù wey tə bəghəmnə ghəə zey ghaa dzanə, ney kɔʼ mmuu n Kəzə̀, tə i keeli ibəghəshi. Wù wey tə ka bəghəm i keeli ngoʼ.

Malakus 8:31

Yeso n kaʼ ndòw ni dii aghəə tə̀ ngəd tə wi tə nghee tə̀ tə khənə ni fəghə, dza tə̀ ghə nə̀, “Waa wù sɔŋtsuʼ khə ni koʼ ndəmə uchɔd, ngəd tə inaʼ, ghə fɔɔngili a nii ghə, nsə ghə̂ a dii a kəlaŋ ghə i tuu maʼa wi. Ghə i wey wi, a i bə tsuʼu n tsəghə tsunə ntəghə, tə i zhəm dzəŋŋə bə nə ivə.”

Lukas 10:16

Wù wey tə zownə tə ghaa, sey zow soʼo tə mə, tə wey tə tuu maʼanə ghaa, sey tuu maʼa soʼo mə. Wù wey tə tuu maʼanə mə, sey tuu maʼa soʼo wù wey tə tûmnə mə.”

Lukas 17:25

Ghə i sə̂ isə i loʼ nə̀ tə nə fəʼlə dzənu n ndəmə tə aghəə, ghə̂ a num tə tən nə tuu maʼa soʼo wi.

Lukas 20:17

Yeso n laalə ndow ghə nə asə̂, bəb ndow tə ghə nə̀, “Zuŋ key ghə tɔ̀ɔ naŋanə n màʼlə K-a-zə̀ nə̀, ‘Tay zey wù bəghə u təndaw wə â tuu maʼa nə̀, Zə n kəm bə doʼo nùm itây n tsə kə ndaw, loʼ nə ngee?’

Lukas 7:30

Ghə̂ a tə Falasi nsə ghə̂ a dii ghə ulaŋ ghə n tuu maʼa saʼ i Kəzə̀ zə n wû i ghə nghee ghə â ka ney dzə mmuu n Kəzə̀ n wɔ Jɔn.

Lukas 9:22

Tə n kəm dza tə̀ ghə nə̀, “Waa Weynum i teeli fəʼlənu, n ndəmə tə aghə̂, tə̀ ngəd, ghə fɔɔngili a nii ghə, n ghə̂ a dii ghə ulaŋ ghə i tuu maʼa tsu wi, ghə i wey wi, tə i kəm zhəm dzəŋŋə bə nə ntsuʼ ntəghə.”

Lukas 9:26

Wù wey tə i dədlə n tow kə bòʼ mə nsə ghɔɔmə zuŋ zə, Waa wù sɔŋtsuʼ nə dədlə soʼo n tow kə tə wù tii abə tə nə bənə n kɔʼlə n wi mə, nsə kɔʼlə n Bày mə nsə tsətəndəghə tə Kəzə̀ tə zow tə.

Tùm i dzuŋu zə kuum Yeso Klisto tə Jɔn â tɔɔnə 11:24

Mata n dza, “N khənu nə̀ tə î zhəm dzəŋŋə bənu n tsuʼ fey mbi î maynə tii.”

Tùm i dzuŋu zə kuum Yeso Klisto tə Jɔn â tɔɔnə 5:45

Kə̂ ghaa nə̂ moʼlənə nə̀ a i loʼ mə, mə i dzanə tə̀ Bày nə̀ ghaa n bwu laŋ kə. Wù wey tə i dzanə tə̀ Bày nə̀ ghaa n bwu laŋ kə, loʼ Mushi wən ghaa â gaʼ fə̀ŋ tə ghaa tə n kow wi.

Tùm i dzuŋu zə kuum Yeso Klisto tə Jɔn â tɔɔnə 6:39

À wən loʼ ghəə zey wù wey tə tûmnə mə ləghənə, tə ləghə nə̀ n tɔʼ kwu keeli tsu ghə̂ ghey tə fuu naŋanə tə mə, kə wù umɔʼ nə naynə tii, n nə̂ zhəm dzəŋŋə bə ghə nə ivə n tsuʼ fey mbi nə maynə tii.

Tùm i dzuŋu zə kuum Yeso Klisto tə Jɔn â tɔɔnə 8:47

Wù wey tə loʼnə wù Kəzə̀, zownu ghəə zey Zə̀ kə dzanə. Zuŋ key ghaa kee zow way ghɔɔmə i Kəzə̀ zə loʼ nə̀ ghaa way dzə ghə̂ a Kəzə̀.”

Kəfwaʼ 17:31

Tə â fu laŋ kən təŋkey tə n naŋa tsuʼ fey wù wən tə sày naŋanə i saʼanə mbi idzəm n jìi zey i loʼnə tsətsəghə. Tə n dii tsəə tə ghə̂ ghə adzəm nə̀ ghəə ghən loʼ isəŋə nghee tə â zhəm dzəŋŋə bənə wi nə ivə.”

Kəfwaʼ 3:23

Wù wey tə i zow way ghəə ghey wù tûm wey dzanə, Zə̀ kə i dzaw nuu shi bə wi n fəŋŋə kə ghə̂ a wi, tə ləŋi maʼa wi.’

Roma 2:16

Tûm i dzuŋu zən n naʼlənə, bɔɔmə dii bə nghee zə i doʼlənə tii abə Zə̀ kə i saʼanə ghəə ghən a nyi doʼonə n fə̀ŋ tə aghə̂ tə n bam i Yeso Klisto.

2 Kɔrint 4:3

Abə i loʼ kə nə̀ ghə̂ a zowkeeli way tûm i dzuŋu zən ghey naʼlənə, à loʼ kə ghə̂ ghey ghə laʼa nay ndownə, ghə zowkeeli way.

2 Tesalonika 1:8

Tə i bəghə ghi vələ u bəʼlə wə ni bə chɔd ghə̂ ghən ghə tuu maʼanə Zə̀ kə nsə ghə̂ ghən ghə ka bəghəm tûm i dzuŋu zə bòʼ Mûkəbii saa Yeso Klisto.

Hibru 10:25

Mwam wən saa khənə ni təmə dzəŋi nəŋə tədzəm, kə saa nə buu naŋŋənə tə̀ ghə̂ a loʼ ghey ghəŋŋənə. Saa khə ni fəd ghəŋə nə̀ saa i ndəŋə təmə dzəŋi zeeli ni kuu fə̀ŋ tə saa tə, n təŋkey, ghaa n koʼ nə̀ tsuʼ fey Mûkəbii i bəghənə tii, nya kuʼlə bənu.

Hibru 12:25

Sey, ghaa ney ighə̂mə nə̀ kə ghaa i tuu ni zəllə tə̀ Zə̀ kə nghee tə ghɔɔmə bənə tə̀ ghaa. Abə ghə̂ ghə Izree ghə â ka nɔb shi nghee ghə â tuu ni zow tə̀ Mushi wey tə â fuunə ghə n tsə̀ zə fa a ghəlitsə, i sey dii nə̀ zə i bəbə tsəghəshiənu n kow saa, abə saa tuunə ni zow tə̀ wù wey tə ghɔɔmə tsuu bənə tə̀ saa idəŋ.

Hibru 2:3

Saa i nɔbə shiə ngee abə saa tsayyənə bəghəshi i nii zən ə? A loʼ Mûkəbii n wû u wi wə tə a naʼa bənə bəghəshi zən isə. Ghə̂ ghən ghə a zownə, ghə dii bə tə̀ saa nə̀ à loʼ isəŋə.

Hibru 4:12

Ghɔɔmə i Kəzə̀ i loʼ utaw, khə soʼo kədaʼa. I tɔb tsəghə təkɔb tədzəm. I khə kədaʼa ni nyi ndow n fə̀ŋ ə wù, n zay kə wù, zuŋ u wû u wù nsə n ghəb u wù. I loʼ ni saʼ moʼlə tə aghə̂ nsə ghə i ghaa zə wù dza i ghəŋŋə.

1 Pita 1:5

Nghee tə̀ ghaa bəghəmnə tə̀ Klisto, Zə̀ kə i keyyə ghaa n daʼa kə wi kən tə khənə ni ndow kuum n nəŋə zey Klisto i bəghənə. À loʼ n nəŋə i tii zə ghə i bəghəshiənə ghaa n nəŋə zey Zə̀ kə i saʼanə mbi tii.

2 Pita 3:3

N ləghə nə̀ ghaa zowkeeli tsu nə̀ n tsuʼu mən mbi may bənə, ghə̂ a loʼ ghə i bəghənu nə̀ ghə muu tən kə muu zey gow uwû ghə ləghənə. Ghə nə tsoʼo ghaa.

2 Pita 3:7

Zə a kee loʼ nə̀ n ghɔɔmə i wi i mɔʼɔ zən, Zə̀ kə n baʼ naŋa shi bə dəŋ key kə loʼnə nya nsə ghəlitsə kə nə̀ ghə i ləmmə tsu nəŋə zey tə i saʼanə ghə̂ ghey ghə ngɔɔmə way wi. Tə i ləŋi maʼa ghə nə uvələ.