Tùm i dzuŋu zə kuum Yeso Klisto tə Jɔn â tɔɔnə 12:37 - Kaa n Kəzə̀ n fəghə mə

³⁷ Nghee tə Yeso â tsəm dii kə ndəmə ghəə a faalə ghə n sə kə ghə̂ a Təjuu, ghə n nam tuu ni bəghəm fuu tə̀ wi.

Tùm i dzuŋu zə kuum Yeso Klisto tə Jɔn â tɔɔnə 12:37 ပူးပေါင်းရင်းမြစ်များ

Matyo 11:20

Yeso n daŋŋə kaʼ ndòw ni kpaa ghə̂ ghey tə â ngii diinə ghəə a faalə ghə n naʼa tə ghə, ghə̂ a tii ghə n ka nam kwey fə̀ŋ tə ghə n ghəə a bəbə ghə. Tə n dza tə̀ ghə nə̀,

Lukas 16:31

Abraham n fəd dza tə̀ wi nə̀, ‘Abə ghə way ni bwey n laŋ u Mushi nsə n tsə i tûm tə Kəzə̀, ghə i nam way ni kwey abə wù tsəm zhəm dzəŋŋə bə kə nə ivə bə dza bə tə ghə.’”

Tùm i dzuŋu zə kuum Yeso Klisto tə Jɔn â tɔɔnə 1:11

Tə n bə n səə ghə̂ a wi, ghə̂ a wi ghə n ka kpii ney dzə wi.

Tùm i dzuŋu zə kuum Yeso Klisto tə Jɔn â tɔɔnə 11:42

N khənu nə̀ wə zow tsənu gɔŋŋə zuŋ zə, n kee dza bə i zən bòʼ ghə̂ ghən ghə teynə fa, nə ghə bəghəm nə̀ a loʼ wɔ wə tûmnə mə.”

Tùm i dzuŋu zə kuum Yeso Klisto tə Jɔn â tɔɔnə 12:36

Nya wən ghaa nam khənə daa kə, bəghəm fu na tə wi, sey nə̀ ghaa loʼ ni doʼo bə waa a kədaa.” Ambə Yeso ghɔɔmə may tsu ghəə ghən, tə n zəghə tsu ghə, ndow nyì doʼo ndow nə̀ kə ghə nə koʼonə wi.

Tùm i dzuŋu zə kuum Yeso Klisto tə Jɔn â tɔɔnə 12:38

Zə â loʼ sey ni luulə ghɔɔmə i Kəzə̀ zey wù tûm Kəzə̀ Ayzaya â tɔ̀ɔ naŋa nə̀, “Mûkəbii, a loʼ wù ghaa wə tə â bəghəm naŋanə ghɔɔmə i ghey zə ə? Â loʼ n wɔ wù ghaa wə Zə̀ kə â diinə daʼa kə wi kə n wɔ wi ə?”

Tùm i dzuŋu zə kuum Yeso Klisto tə Jɔn â tɔɔnə 15:24

Abə a mə loʼ nə̀ ghə â ka koʼ fwaʼ key mə â fwaʼnə n fəŋŋə kə ghə nə̀ wù loʼ ka kam fwaʼ koʼ tsə, a mə loʼ nə̀ ghə ka kam ghəŋə bəəbə dzə ghə i loʼ zə. A sə fa loʼ kə nə̀ ghə n koʼ, ghə a nam ndow kə n sə kə ni bàa mə ghi Bày wuŋ.

Tùm i dzuŋu zə kuum Yeso Klisto tə Jɔn â tɔɔnə 2:11

À wən loʼ tsəə ə Yeso i sə̂ isə zə tə â ghəŋənə n naʼ i Kana n mboʼo Galili. Â loʼ soʼo fu ngəd tə Yeso tə â koʼnə daʼa kə wi kə, sey, ghə n bəghəm fuu tə̀ wi.

Tùm i dzuŋu zə kuum Yeso Klisto tə Jɔn â tɔɔnə 6:2

Nɔɔ kə aghə̂ kə nii kə n dzûmə ndòw wi, n təŋkey ghə mâ koʼ faalə n wi mey tə â ghəŋŋənə ni baŋŋə ghə̂ a dzaŋa ghə.