Tùm i dzuŋu zə kuum Yeso Klisto tə Jɔn â tɔɔnə 12:31 - Kaa n Kəzə̀ n fəghə mə

³¹ Nəŋə zə n kpii tə̀ Zə̀ kə ni saʼ ghə̂ a mbi. À loʼ nya ghə i dzum maʼa shiənə Satan, tə loʼnə də̀ŋ kə mbi kə.

Tùm i dzuŋu zə kuum Yeso Klisto tə Jɔn â tɔɔnə 12:31 ပူးပေါင်းရင်းမြစ်များ

Matyo 12:28

Abə n dzùm shiənə zay u bwu wə n daʼa kə zày K-a-zə̀, i sey dii nə̀ fɔɔ u Kəzə̀ wə n bə tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 14:30

N kəm khə way ndəmə aghəə ni dza tə̀ ghaa, boʼ nə̀ də̀ŋ kə mbi kən nya bəghənu. Tə khə way daʼa kə loʼ kə n kow mə.

Tùm i dzuŋu zə kuum Yeso Klisto tə Jɔn â tɔɔnə 3:19

Tow kə ighəə key Zə̀ kə saʼa ghə̂ ghə a tii loʼ nə̀, daa kə bàŋ nyi bə n mbi, ghə̂ ghə u kee ləghənə ləm kə tsəghəshi kədaa, n təŋkey ghəə a ghə a ghəŋŋə a loʼ ghəə a bəbə ghə.

Tùm i dzuŋu zə kuum Yeso Klisto tə Jɔn â tɔɔnə 9:39

Yeso n dza, “N bə fa n mbi ni bə saʼ aghə̂, sey nə̀, ghə̂ ghey ghə fəb doʼonə ghə i loʼ ni koʼ təluʼu, ghə̂ ghey ghə koʼonə luʼu tə ghə fəb doʼo bə.”

Kəfwaʼ 26:18

À loʼ wɔ wə khə ni chi sə̂ a ghə, wə ney nuu shi bə ghə nə kələm, wə naŋa shi bə ghə n sə̂ a zow ghə. À loʼ soʼo wɔ wə khə ni ney nuu bə ghə n wɔ daʼa kə Satan kə, wə ney bə ghə tə Zə̀ kə. Sey nə̀, n bəghəm i fə̀ŋ zən ghə khənə n kow mə, Zə̀ kə i neyzəə bəb i ghə, ghə ney kɔʼ bənə kə ghə n fəŋŋə kə ghə̂ ghey Zə̀ kə sày naŋanə.’”

1 Kɔrint 1:20

Sey, ghə̂ ghey ghə moʼlə nə̀ ghə tɔbənu, ghə loʼ ghee? Ghə̂ a dii a kəlaŋ ghə, ghə loʼ ghee? Ghə̂ ghey ghə dza nə̀ ghə tɔʼ khə ni khəə ghəə ghə, ghə loʼ ghee? Zə̀ kə n mgbaŋ dii nə̀ tɔb wən ghə̂ a mbi a moʼlə nə̀ ghə khənu loʼ ilaʼlə.

1 Kɔrint 1:21

I loʼ sey n təŋkey, Zə̀ kə n ghəŋə n tɔb u wi nə̀ ghə̂ a way dzə ni keeli wi n tɔb u ghə. Zə̀ kə n ghəŋə nə̀ ghə̂ a mbi a fəd keeli wi n bam i tûm i dzuŋu zən ghə naʼlənə ghə tɔŋŋənə nə̀ a loʼ ilaʼlə. Zə̀ kə n tsəm tsu ni bəghəshi ghə̂ ghey ghə bəghəmnə tə̀ tûm i dzuŋu zən ghə̂ a mbi a tɔŋŋə nə̀ a loʼ ilaʼlə.

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

Efesus 6:12

N təŋkey, saa zùulə baalə dzə way ghi wù sɔŋtsuʼ. Saa zùulə baalə ghi zay u bəbə wən u loʼnə tə̀ a loʼ udə̀ŋ fa mbi, zay u bəbə wən u loʼnə tow kə n ghəə ghən a tsəghənə nə kələm, daʼa u bəbə wən u saʼanə ghəə a mbi ghə, nsə sə̀ghə̀ n bəbə mən n loʼnə idəŋ.

Kolose 2:15

À wən loʼ soʼo jìi zey tə â təm zə̂nə zày wən u saʼanə mbi tii. Tə n lənnə ghə n mgbaŋ nghee tə â təm zə̂nə ghə n zat kə fəkaʼ.

Hibru 2:14

Nghee waa a Kəzə̀ a loʼnə ghə̂ ghə, ghə khə gow uwû, khə soʼo təkaŋ. À wey loʼ ghə i tii zə Yeso n wû u wi wə â doʼo bə soʼonə wù sɔŋtsuʼ sey nə̀, abə tə i bə kpu tsunə, tə i wey maʼa daʼa key kə ghəŋŋənə nə̀ ghə̂ ghə i kpuulə tɔŋŋə daʼa kə avəətsəə.

1 Jɔn 3:8

Wù wey tə ghəŋŋə nduŋŋə ndow kənə ghəə a bəbə ghə, loʼ waa avəətsəə, n təŋkey, vəətsəə a ghəŋŋə tənnə tsə kə ghəə a bəbə ghə ni ney nuu bə n nəŋə zey Zə̀ kə â bɔmnə mbi. Zuŋ key Waa Kəzə̀ â bənə tii, â loʼ ni bə ləŋi maʼa tən fwaʼ kə avəətsəə.

1 Jɔn 4:4

Ghaa ghən ghaa loʼnə waa ghuŋ a dzuŋu ghə, ghaa loʼ waa a Kəzə̀. Ghaa mâ təm zə ghə̂ ghən, boʼnə zay kən kə loʼnə n kôw ghaa, kə n taw tsəghə shi zay key kə loʼnə n kow ghə̂ ghey ghə loʼnə fa n mbi.

1 Jɔn 5:19

Ghey khənu nə̀ ghey loʼ waa a Kəzə̀, ghey khə soʼonu nə̀ mbi idzəm loʼ n tənə wù təngəmə ə Klisto tɔŋɔ Satan.