Tùm i dzuŋu zə kuum Yeso Klisto tə Jɔn â tɔɔnə 10:28 - Kaa n Kəzə̀ n fəghə mə

²⁸ N fuu ghə n muu zə itsali zə, ghə nə̂ kpu koʼ way. Wù umɔʼ tsəm way ni bəkeeli nuu ghə n wɔɔ kuŋ.

Tùm i dzuŋu zə kuum Yeso Klisto tə Jɔn â tɔɔnə 10:28 ပူးပေါင်းရင်းမြစ်များ

Malakus 13:22

N təŋkey ghə̂ a tsɔŋɔ ghə i bəghənu n zəd i wù wey Zə̀ kə â dza naŋa nə̀ i tûm bənu nsə tûm tə Kəzə̀ tə tsɔŋɔ tə, ghə nə dii tsəə tə tsɔŋɔ tə nsə faalə n tsɔŋɔ mə ni sìi laʼ aghə̂ nsə ni buʼ sìi laʼ daŋŋə soʼo ghə̂ ghey Zə̀ kə sày naŋanə abə ghə khənə jìi tii.

Lukas 23:46

Yeso n dey shi kɔʼ n dzə̀ i taw zə dza, “Bày, zay kuŋ wɔɔ ghə.” Ambə tə dza tsunə sey, tə n tsəmə i tsu.

Tùm i dzuŋu zə kuum Yeso Klisto tə Jɔn â tɔɔnə 10:29

Bày wuŋ wən tə fuu bənə ghə tə̀ mə, taw tsəghəshi aghə̂ adzəm. Sey wù umɔʼ tsəm way ni bəkeeli nuu ghə n wɔɔ kə Bày.

Tùm i dzuŋu zə kuum Yeso Klisto tə Jɔn â tɔɔnə 11:25

Yeso n dza ndòw tə̀ wi nə̀, “À loʼ mə n zhəm dzəŋŋə nə ghə̂ ghə nə ivə, a loʼ mə n fuu soʼonə muu zə. Wù wey tə bəghəmnə tə̀ mə, abə tə kpu kənu, tə î keeli imuu.

Tùm i dzuŋu zə kuum Yeso Klisto tə Jɔn â tɔɔnə 14:19

Fəkəmə, ghə̂ a mbi ghə i kəm way ni koʼ mə, abə ghaa, ghaa i kee koʼonu mə. Ghaa i muu, n təŋkey, n loʼ utaw.

Tùm i dzuŋu zə kuum Yeso Klisto tə Jɔn â tɔɔnə 17:2

Bày, wə n fuu wi n daʼa kə nə̀ tə i saʼa ghə̂ ghə adzəm, sey nə̀ tə loʼ ni fuu muu zə itsali tə̀ ghə̂ ghey wə fuu naŋanə tə̀ wi.

Tùm i dzuŋu zə kuum Yeso Klisto tə Jɔn â tɔɔnə 18:9

Ghəə ghən â shi ni luulə ghɔɔmə zey Yeso â dza naŋa nə̀ i bə shi isəŋə nə̀, “N ghə̂ ghey wə â fuunə tə̀ mə, wù umɔʼ tii ka nay shi dzə.”

Tùm i dzuŋu zə kuum Yeso Klisto tə Jɔn â tɔɔnə 3:36

Wù wey tə bəghəmnə tə Waa tii, tə i keeli muu zə itsali, wù wey tə ka kee zow tə̀ Waa, î keeli dzə way muu zə. Zə̀ kə n fəələ tən nəghə wə ghi wù tii.”

Tùm i dzuŋu zə kuum Yeso Klisto tə Jɔn â tɔɔnə 4:14

Wù wey tə kee mə̂nə mmuu mey n fuunə tə̀ ghə, fə̀ŋ ə mmuu nə kəm zuʼlə koʼ way wi. N kuum dza bə tə̀ wɔ nə̀ mmuu mey mə i fuunə tə wi, mə i fəd doʼo tə̀ a loʼ sə̂ i dzuu zən i kuŋunə n kow ghə, fuu ghə n muu zə itsali zə.”

Tùm i dzuŋu zə kuum Yeso Klisto tə Jɔn â tɔɔnə 5:24

N dza bə isəŋə tə̀ ghaa nə̀, wù wey tə zownə ghɔɔmə zuŋ zə, bəghəm fu bə tə wù wey tə tûmnə mə, î keeli muu zə itsali. Zə̀ kə kəm way ni saʼ ghə boʼnə ghə n nuu shi bə nə ivə, ghə nya khə muu i fəghə zə.

Tùm i dzuŋu zə kuum Yeso Klisto tə Jɔn â tɔɔnə 6:27

Kə̂ ghaa nə̂ fwaʼanə ni keeli fəzəə wey u loʼnə ni bəb, fəd fwaʼ na ni keeli fəzəə wey u doʼlə tsalinə. À wey loʼ fəzəə wey Waa wù sɔŋtsuʼ î fuunə tə̀ ghaa, boʼ nə̀, Bày, tɔŋŋə Kəzə̀ n kuu naŋa tsəə wi n kow wi.”

Tùm i dzuŋu zə kuum Yeso Klisto tə Jɔn â tɔɔnə 6:37

Ghə̂ ghey adzəm Bày wuŋ fuu naŋanə tə̀ mə, î teeli bə doʼlə ghi mə. Abə wù bə doʼo bənə ghi mə, mə î dzum nuu koʼ way wi.

Tùm i dzuŋu zə kuum Yeso Klisto tə Jɔn â tɔɔnə 6:47

N dza bə isəŋə tə̀ ghaa nə̀, wù wey tə bəghəmnə tə mə, tə î keelinu muu zə itsali zə.

Tùm i dzuŋu zə kuum Yeso Klisto tə Jɔn â tɔɔnə 6:68

Shimun Pita n beeli wi nə̀, “Mûkəbii, ghey kəm loʼ ni ndòw n səə ndee? À loʼ wɔ, wə khənə ghɔɔmə zey i fuunə muu zə itsali zə.

Kəfwaʼ 7:59

Nghee tə ghə təmmə nə wi sey, Sətifən n zey ndow ni gɔŋŋə dzanə, “Mûkəbii Yeso, ney zay kuŋ kə.”

Roma 5:17

À loʼ kənu isəŋə nə̀ və zə â keeli kədaʼa n kow ghə̂ ghə fa n mbi nə̀ à ney bə bəb zey wù umɔʼ â ghəŋə tsunə. A kee loʼ nə̀, ndzuŋ zən nsə naamə kən kə bəghənə n bam i wù umɔʼ tɔŋɔ Yeso Klisto kə tsəghəshi bəb zey, ghəŋŋənə nə̀ saa doʼo tsətsəghə n muu i saa ghi Zə̀ kə.

Roma 5:2

À loʼ bəghəm i fə̀ŋ zən saa khənə n kow Yeso Klisto, i ghəŋənə nə̀ saa keeli ndzuŋ ə Kəzə̀ zən saa muunə tii nya. Saa khə ni duʼlə n təŋkey saa ləmmə tənə nəŋə zey saa i loʼnə ghi Zə̀ kə, tə i ghəŋə nə̀ saa keeli soʼo kɔʼlə mən tə khənə.

Roma 5:21

Nghee tə bəb zə â khənə daʼa kə n kow ghə̂ ghə, ney bə ivə, à loʼ soʼo ighələ ndzuŋ ə Kəzə̀ khənə daʼa kə ni ghəŋə nə̀ ghə̂ ghə i loʼ tsətsəghə n sə kə wi ni keeli muu zən i nə may way n bam i Mûkəbii saa Yeso Klisto.

Roma 5:9

Abə kaŋ tə Klisto tə loʼ ni ghəŋə nə̀ saa doʼo tsətsəghə n sə K-a-zə̀, i sey dii nə̀ tə i teeli bəghəshiə soʼonu saa nə̀ kə Zə̀ kə nə chɔdlɔnə saa.

Roma 6:23

I loʼ sey n təŋkey, fə̂ key wù keelinə abə tə ghəŋŋənə ghəə a bəbə ghə, loʼ ivə. Naamə key Zə̀ kə kee fuunə tə̀ wù wey tə loʼnə nə kəfə kəmɔʼ ghi Mûkəbii saa Yeso Klisto loʼ muu zən i nə may way.

Roma 8:1

Nghee tə̀ Zə̀ kə bəghəshinə saa n bam i Yeso, ghə̂ ghən ghə loʼnə nə kəfə kəmɔʼ ghi Yeso Klisto, ghə kəm way ghə̂ a bəbə ghə n sə K-a-zə̀.

Roma 8:29

I loʼ sey n təŋkey, ghə̂ ghey Zə̀ kə â khənə nə̀ ghə i bə doʼlə ghə̂ a wi, tə â khənu nə̀ ghə i kweyyə nuulə bənu, ghə doʼo bə tə a loʼ waa wi, sey nə̀ waa wən i loʼ waa u sə isə wə n fəŋŋə kə ndəmə ghə̂ ghən ghə loʼnə dzûmə tə Klisto tə.

Filipi 1:6

N khə soʼonu nə̀ Zə̀ kən kə â zey tsu fwaʼ kə dzuŋu kən n kôw ghaa, i tsəghə ndow kə n ghii kə isə, ni ndow kùm tsuʼ fey kə i maynə tii, tɔŋɔ, n tsuʼ fey Yeso Klisto î bəghə dzəŋŋənə tii.

2 Tesalonika 2:13

Waazə ghə, ghey khə ni fuu zɔŋŋə kə nəŋə tədzəm tə̀ Zə̀ kə bòʼ ghaa ghən Mûkəbii ləghənə n təŋkey Zə̀ kə â sày ghaa nə nzeyyə nə̀ ghaa keeli ibəghəshi n daʼa kə Zay kə Zow kə ni ghəŋə nə̀ ghaa doʼo ghə̂ wi a zow ghə. Ghəə ghən ghə a shi nghee tə̀ ghaa bəghəmnə tûm Kəzə̀ zən i loʼnə isəŋə.

1 Timoti 1:16

Zə̀ kə n kee kwɔɔlə isî n kow mə sey nə̀ Yeso Klisto loʼ ni ney mə tə a loʼ tsəə, tə dii tə ghə̂ ghən ghə nam khə ni bəghəm fuu tə wi, nə̀ ghə loʼ soʼonu ni keeli muu zə itsali abə tə lɔʼlə loʼ ni kow fə̀ŋ ghi mə wən n bəb tsəghəshinə ghə̂ a bəbə ghə adzəm.

2 Timoti 1:12

A wey loʼ zuŋ key n fəʼlə fa tii n ndaw tsaʼ. N kee dədlə dzə way n tow kə a dza n loʼ n ndaw tsaʼ n təŋkey n khənu wù wey n bəghəm fuunə tə wi, mə n tɔʼ khə soʼo nə̀ tə i kwɔɔ keelinu fə key tə â fuunə tə mə ni ndow kuum n tsuʼ fey tə i bəghə dzəŋŋənə ibam.

Hibru 7:25

À wey loʼ ghə i tii zə tə loʼ ni bəghəshiə ghə̂ ghey ghə bəghənə n səə Zə̀ kə nəŋə tədzəm nə̀ ghə tsəghə n baa wi n təŋkey, muu i wi i loʼ tən tsə kə ni buʼu wɔɔ kə tə̀ Zə̀ kə n tow u ghə.

1 Pita 1:5

Nghee tə̀ ghaa bəghəmnə tə̀ Klisto, Zə̀ kə i keyyə ghaa n daʼa kə wi kən tə khənə ni ndow kuum n nəŋə zey Klisto i bəghənə. À loʼ n nəŋə i tii zə ghə i bəghəshiənə ghaa n nəŋə zey Zə̀ kə i saʼanə mbi tii.

1 Jɔn 1:2

Ghɔɔmə zən ndzəm loʼ imuu, zə â dii bənə wû u wi wə tə ghey, ghey n ndzəm koʼ soʼo. A loʼ ghɔɔmə zən ghey tiilə dza bənə tə ghaa, naʼlə bə soʼo tə ghaa kuum muu zə itsali zə â loʼnə ghi Bày wən tə ghəŋənə nə̀ ghey keeli wi.

1 Jɔn 2:19

Ghə̂ a təngəmə ghən â way dzəŋi dzə nə kəfə kəmɔʼ ghi saa. À wey loʼ ghə i tii zə ghə â nuu shinə n fəŋŋə kə saa. Abə zə â loʼnə nə̀ ghə â loʼ dzəŋi nə kəfə kəmɔʼ ghi saa, ghə â doʼo dzəŋi bə ghi saa, ghə a ka nuu dzə. Nghee ghə â fəd nuu shinə, i dii bə n mgbaŋ nə̀ wù ghə umɔʼ â way koʼ tsə ghi saa.

1 Jɔn 2:25

Klisto a təb naŋa nə̀ fə kən tə i fuunə tə saa, loʼ muu itsali zə.

1 Jɔn 5:11

Təmi tiilə i tii i loʼ nə̀, Zə̀ kə n fuu saa n muu zə itsali zə, muu i tii zə a loʼ n bam i Waa wi.

Màʼlə kə Jud tə̀ ghə̂ a Kəzə̀ ghə 1:1

À màʼlə kən tɔ̀ɔ bə mə Jud wən n loʼ waazə Jems nsə wù kəfwaʼ a Yeso Klisto. N màʼlə kən tɔ̀ɔ bə tə̀ ghə̂ ghən adzəm, Zə̀ kən kə loʼnə Bày saa ləghənə, sày naŋa nə̀ ghə doʼo n tənə Yeso Klisto.

Màʼlə kə Jud tə̀ ghə̂ a Kəzə̀ ghə 1:21

Keeli tsu na nə̀ Zə̀ kə ləghənu ghaa nghee ghaa ləmmənə nə̀ Mûkəbii saa Yeso Klisto kwɔɔlə isî n kow ghaa, tə fuu ghaa n muu zən i nə may way.

Màʼlə kə Jud tə̀ ghə̂ a Kəzə̀ ghə 1:24

N gɔŋŋə nə̀ saa adzəm i fuu kɔʼlə mə tə Zə̀ kə. Zə̀ kən kə loʼ ni kwu keeli saa nə̀ kə saa i bwu, nsə nə̀ saa i zow, ngii duʼlə soʼo n sə kə wi.