Tùm i dzuŋu zə kuum Yeso Klisto tə Jɔn â tɔɔnə 1:14 - Kaa n Kəzə̀ n fəghə mə

¹⁴ Sey Ghɔɔmə zə n doʼo bə wù sɔŋtsuʼ, bə muu bə n fəŋŋə kə saa. Tə n dii bə ndzuŋ nsə isəŋə bòʼ Kəzə̀. Saa n koʼ ghaʼ i wi, ghaʼ zən i dii bənə nə̀ a loʼ wi sɔʼi fə Waa fə, Bày khənə.

Tùm i dzuŋu zə kuum Yeso Klisto tə Jɔn â tɔɔnə 1:14 ပူးပေါင်းရင်းမြစ်များ

Matyo 1:16

Yakɔb n ji tsu Yosef. Yosef â loʼ nùm Maliya, ghə n ji tsu Yeso n daʼa kə Zay kə Zow kə. Yeso wən loʼ wù wən Zə̀ kə â dza naŋa nə̀ i tûm bənu.

Lukas 2:11

Koʼo na! N tsuʼ u na wən, ghə ji bəghəshi ə ghaa n naʼ i Fɔɔ Devid. Tə loʼ Wù wey Zə̀ kə Tsuʼ naŋanə tɔŋɔ Klisto tə loʼ Mûkəbii.

Lukas 2:7

Tə n ji bə waa wi usə̂ isə wə̀, nə a loʼ waa u num wə. Tə n baŋ kɔʼ wi nə təndzə̂, nyəŋŋə naŋa tsu wi n kəŋ ufəzəə u tənyam, n təŋkey ghə â ka keeli bùʼ kə n ndaw i zayyə zə.

Lukas 9:32

Pita, nsə ghə̂ a wi a loʼ ghey n kee kùm tə bweeli. Nghee ghə zhim kɔʼnə ghə n koʼ ndòw ghaʼ i Yeso ghi ghə̂ ghey abəghə ghə â teynə ghi wi.

Tùm i dzuŋu zə kuum Yeso Klisto tə Jɔn â tɔɔnə 1:1

Tə Zə̀ kə ni kaʼ mbi, wù wey ghə tɔŋŋə nə̀ a loʼ Ighɔɔmə tə â loʼnu, Ghɔɔmə zə n loʼ ghi Zə̀ kə, Ghɔɔmə i tii zə n loʼ Kəzə̀.

Tùm i dzuŋu zə kuum Yeso Klisto tə Jɔn â tɔɔnə 11:40

Yeso n dza nə̀, “N ka dza tə wɔ nə̀ abə wə khənə bəghəm i fə̀ŋ zə, wə i koʼ ghaʼ i Kəzə̀ ə?”

Tùm i dzuŋu zə kuum Yeso Klisto tə Jɔn â tɔɔnə 14:6

Yeso n beeli ndow wi nə̀, “N loʼ jii, isəŋə nsə muu zə. Wù way dzə ni bə n səə Bày nə̀ a ka ney ndòw mə wi n səə wi.

Tùm i dzuŋu zə kuum Yeso Klisto tə Jɔn â tɔɔnə 14:9

Yeso n beeli ndow wi nə̀, “I sey dii nə̀ wɔɔ kə tìi tìi key n doʼo kəŋə bənə fa ghi ghaa a Filip, wə nam məʼlə kə wù wey n loʼnə ghii wə ə? Wù wey tə loʼ nə̀ tə n mə koʼ, tə n koʼ soʼo Bày. À loʼ kee ghaa sə nam dza kə nə̀, ‘Dii bə ghey n Bày ə?’

Tùm i dzuŋu zə kuum Yeso Klisto tə Jɔn â tɔɔnə 17:22

Kɔʼlə mey wə â fuunə tə̀ mə, mə n fu soʼo tə̀ ghə, nə ghə i loʼ nə kəfə kəmɔʼ ighələ tə̀ ghi wɔ loʼnə nə kəfə kəmɔʼ.

Tùm i dzuŋu zə kuum Yeso Klisto tə Jɔn â tɔɔnə 17:24

Bày, n ləghə nə̀ ghə̂ ghey wə â fuu tə̀ mə, ghə i loʼ ghi mə n luʼu key n loʼnə tii, tə̀ ghə loʼ ni mbɔŋ koʼ kɔʼlə muŋ, kɔʼlə mey wə â fuu tə̀ mə bòʼ ləghə zey wə khə n kow mə tə̀ mbi ni bə kaʼ.

Tùm i dzuŋu zə kuum Yeso Klisto tə Jɔn â tɔɔnə 18:37

Pilato n dza tə̀ wi nə̀, “I sey dii nə̀ wə loʼ kədə̀ŋ!” Yeso n beeli ndow wi nə̀, “À dza wɔ nə̀ n loʼ kədə̀ŋ. Zuŋ key ghə â jinə mə fa n mbi â loʼ ni bə dza isəŋə. Wù wey tə ləghənə isəŋə i tii zə, zəllənu ghəə zey n dzanə.”

Tùm i dzuŋu zə kuum Yeso Klisto tə Jɔn â tɔɔnə 2:11

À wən loʼ tsəə ə Yeso i sə̂ isə zə tə â ghəŋənə n naʼ i Kana n mboʼo Galili. Â loʼ soʼo fu ngəd tə Yeso tə â koʼnə daʼa kə wi kə, sey, ghə n bəghəm fuu tə̀ wi.

Tùm i dzuŋu zə kuum Yeso Klisto tə Jɔn â tɔɔnə 3:16

Kuumnə, Zə̀ kə â ngii ləghənu mbi ni ney fuu bə sɔʼi fə Waa wi, nə̀ wù wey tə bəghəmnə tə wi, tə i ka kpu, tə i fəd keeli muu zə itsali.

Tùm i dzuŋu zə kuum Yeso Klisto tə Jɔn â tɔɔnə 3:18

Wù wey tə bəghəmnə tə̀ wi, Zə̀ kə kəm saʼa way wi, wù wey tə ka kee bəghəm tə̀ wi, Zə̀ kə n saʼ a wi gboo khəə tən, tə u naŋa wi n ngoʼ, n təŋkey, tə ka bəghəm dzə n zəd i sɔʼi fə Waa wi.

Tùm i dzuŋu zə kuum Yeso Klisto tə Jɔn â tɔɔnə 6:51

N loʼ baa key kə fuunə muu zə, kə key kə shi tsu bənə idəŋ. Wù wey tə zə̂nə baa kə tii kə î keeli muu zə itsali. Baa kən n fuunə loʼ wû wuŋ. N fuu ni kùmshi tow u ghə̂ a mbi nə̀ ghə keeli muu zə itsali.”

Tùm i dzuŋu zə kuum Yeso Klisto tə Jɔn â tɔɔnə 8:32

Ghaa i keeli isəŋə, isəŋə i tii zə i bəghəshi ghaa.”

Kəfwaʼ 13:33

Tə n luulə təb kə tii kə tə saa ghən saa loʼnə waa a waa a ghə ghə nghee tə zhəm dzəŋŋə bənə Yeso nə ivə. I tɔ̀ɔ doʼo n maʼlə kə təndzaŋa nə ukə̀m ubəghə nə̀, ‘Wə loʼ waa wuŋ, ni ney nuu tsu na, n nya loʼ bày wə.’

Roma 8:3

Zə̀ kə mâ ghəŋə ghəə ghey laŋ kə Mushi kə â way ni ghəŋə n kow ghey təŋkey gow uwû ləghə way ni ghəŋŋə ghəə ghey laŋ kə dzanə. Tə n ney kɔʼ waa wi tûm bə fa n mbi n wû u wù sɔŋtsuʼ tə a loʼ umaʼlə ni ghəŋə nə̀ kə bəb i nə kəm keelinə daʼa kə n kow saa.

Roma 9:5

Ghə loʼ waa a waa ghə Abraham Ayzik nsə Yakɔb. Ghə â ji bə Klisto wən Zə̀ kə â dza naŋa nə̀ i tûm bənu n naʼ zə Izree tə a loʼ wù sɔŋtsuʼ. Tə loʼ Kəzə̀, à saʼa wi fə wə udzəm, saa ndzəm khə soʼo ni fuu wi n kɔʼləmə nəŋə tədzəm. Zə i loʼ sey.

1 Kɔrint 15:47

Zə̀ kə â bɔm wù sə isə wən tɔŋŋə Adam nə təzub, dii tsu nə̀ tə shi fa n mbi. Wù ibam wən tɔŋŋə Klisto kee shi tsu bə idəŋ.

2 Kɔrint 12:9

Tə n fəd dza tə̀ mə nə̀, “Ndzuŋ zuŋ kpiinu tə̀ wɔ, n təŋkey, nəŋə zey wə laynə tii, à wey loʼ nəŋə zey daʼa kuŋ kə dzɔbənə n kow wɔ.” Sey, mə i baa ghaŋŋə tsəghəshiə uwû nya nə̀ n tsəŋə way n ghəə ghey a ghəŋŋənə nə̀ mə i lay, sey nə̀ daʼa kə Klisto kə i loʼ n kow mə.

Galeshia 4:4

Ambə nəŋə i kpi tsunə, Zə̀ kə n tûm bə waa wi. Waa tii n nyi bə fa n mbi nə a wi ji bə weyzən, tə n nyim kɔʼ bə tə laŋ kə ghə̂ Təjuu kə diinə.

Efesus 3:8

Abə a tɔʼ laalə tsunə n ghə̂ a kəfwaʼ a Kəzə̀ adzəm, n ka kɔʼ kpii dzə ni doʼo wù kəfwaʼ a wi n fwaʼ kən. N ndzuŋ ə wi, tə u nam fuu mə n kɔb k-a-fwaʼ kən ni naʼa tûm i dzuŋu zə, dii ndow ndzuŋ zən i loʼnə n bam i Klisto tə̀ ghə̂ ghən ghə way ghə̂ a Təjuu ghə.

Kolose 1:19

 tsəm Kəzə̀ ni ghəŋə nə̀ Klisto waa wi, i bɔɔmə loʼ tə a loʼ wi nə aghəə adzəm.

Kolose 2:3

Ghəə ghən adzəm saa loʼ ni keeli kùm Kəzə̀, nyì doʼo n kow Klisto. À may kə wi tə loʼ ni chi dii ghəə a tii ghə.

Kolose 2:9

N təŋkey a may tsu kə n muu i Klisto tə a loʼ wù sɔŋtsuʼ a koʼonə muu i Kəzə̀ zə idzəm.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

Hibru 1:3

À loʼ wi tə dii bənə nghee tə kɔʼlə mən Zə̀ kə khənə nyiəllənə tii. Tə bɔɔmə fiilə kə Kəzə̀ nghee tə kwu keelinə mbi n daʼa kə ghɔɔmə i wi. Ambə tə sow maʼa tsunə ghəə ghə aghə̂ a bəbə ghə, tə n nuu kɔʼ ndow idəŋ, ndow doʼo tsu n kpii u Kəzə̀ u təmə wə, tə khənə daʼa kə tsəghəshi ufə udzəm.

Hibru 1:5

I loʼ sey n təŋkey, Zə̀ kə ka kam dza koʼ tsə tə̀ tsəndəghə u Kəzə̀ u loʼ wə nə̀, “Wə̀ loʼ waa wuŋ, Ni ney nuu tsu n tsuʼ fə na fən, n loʼ Bày wə.” Nkee nə̀, “Mə i doʼlə Bày wi, Tə i loʼ waa wuŋ.”

Hibru 10:5

À wən loʼ ghə i tii zə nghee wù wən Zə̀ kə â dza naŋa nə̀ i tûm bənu â dza i bə fa n mbi, tə n dza tə̀ Zə̀ kə nə̀, “Wə ləghə way maʼlə wə nsə naamə kə, Wə fədlə bayyə naŋŋə vən fə uwû fuŋ tə̀ a loʼ umaʼlə.

Hibru 2:11

Yeso ghi ghə̂ ghey tə â sow maʼa tsunə bəb i ghə zə, dzəŋi khə bày umɔʼ. À wey loʼ ghə i tii zə Yeso dədlə way n tow kə ni tɔŋɔ ghə nə̀ a loʼ waazə a wi.

Hibru 5:5

N jìi i mɔʼɔ zə, à way dzə Klisto tə â sàynə wû u wi wə ni doʼo fɔɔngili u nii nii wə nə̀ ghə̂ ghə i fuu bə wi n kɔʼlə mə. Â fəd loʼ Kəzə̀ kə â dza ndownə tə̀ wi nə̀, “Wə loʼ waa wuŋ, Ni ney nuu tsu na, n loʼ bày wə.”

1 Jɔn 4:14

Saa n koʼ, tiilə dza soʼo nə Bày a tûm bə waa wi nə̀ tə bə bəghəshi ghə̂ a mbi.

1 Jɔn 4:9

Zə̀ kə â dii bə nghee tə ngii ləghənə saa tii, nghee tə â tûm bə sɔʼi fə waa wi fa n mbi, sey nə̀, saa i keeli muu zə itsali.

2 Jɔn 1:7

Ndəm aghə̂ n shi ndow n mbi ni nəb kaabə tsə aghə̂ nə̀, Yeso â ka bə dzə n wû u wù sɔŋtsuʼ. Ndzoʼo wù wən loʼ wù nəbə wə aghə̂ wə, loʼ soʼo wù təngəmə ə Klisto.

Chi dii 19:13

Tə dzəŋə keeli saŋ nə̀ ghə n fùu nyi tsu nə təkaŋ. Zəd i wi loʼ “Ghɔɔmə i Kəzə̀.”

Chi dii 21:3

Mə n zow ndow dzə̀ i taw zə i ghɔɔmə bənə n kuu kə fɔɔ, dza nə̀, “Koʼo, luʼu key Zə̀ kə muunə tii, nya loʼ n fəŋŋə kə aghə̂! Tə i muulə dzəŋi ghi ghə, ghə i loʼ ghə̂ a wi. Zə̀ kə n wû u wi wə i loʼ ghi ghə, tə i doʼo soʼo Zə̀ kə ghə.