Hibru 9:28 - Kaa n Kəzə̀ n fəghə mə

²⁸ Sey, Klisto a fəələ kə wû u wi nəŋə imɔʼ ni ney nuu ghəə a bəbə ghə n tow u ndəmə aghə̂. Tə i kəm bəghə kpiʼinu, a i way dzə ni ney nuu ghəə a bəbə ghə, a i loʼ ni ney bə ibəghəshi tə̀ ghə̂ ghən adzəm ghə ləmmənə wi.

Hibru 9:28 ပူးပေါင်းရင်းမြစ်များ

Matyo 20:28

Ighələ tə̀ Waa Weynum â ka bə dzə̀ fa n mbi nə̀ ghə̂ a fwaʼ tə̀ wi, tə â bə ni fwaʼ tə ghə̂ ghə nsə ni fuu muu i wi ni kùm shi tow u ndəmə aghə̂.”

Matyo 25:31

Yeso n dza tə ghə nə̀, “Abə waa weynum î bənə n wû u kədə̀ŋ ghi tsətəndəghə tə Kəzə̀ tə tədzəm ghi wi, tə i bə doʼo tsu n kuu kə ufɔɔ kə wi.

Matyo 26:28

a wən loʼ kaŋ tuŋ, kaŋ tə kaa mey Zə̀ kə zə̂nə ghi ghə̂ a wi ghə, tə fəələnə nə̀ Zə̀ kə neyzəə bəb i ndəmə aghə̂.

Tùm i dzuŋu zə kuum Yeso Klisto tə Jɔn â tɔɔnə 14:3

Abə n ndòw faalə naŋa tsunə luʼu tə tə̀ ghaa, mə i kəm bə dzəŋŋə, n bə ney ghaa tə̀ saa i loʼ adzəm, sey nə̀, luʼu key n loʼnə tii, ghaa i loʼ soʼo fu ghi mə.

Kəfwaʼ 1:11

Ghə̂ a tii ghə n bəb ndow tə tsətəndəghə tey nə̀, “Ghə̂ a Galili ghə, a loʼ kee ghaa tey sɔʼɔ laalə kɔʼɔ ndow bikighow? Yeso wən Zə̀ kə ney nuu kɔʼ ndow idəŋ n wɔ ghaa, a loʼ soʼo ighələ tə i bəghə dzəŋŋənə tə̀ ghaa â koʼ ndownə nghee tə nuulə ndownə tii.”

Roma 3:25

Zə̀ kə â fuu bə Klisto tə aloʼ umaʼlə ni kàa maʼa ghəə a saa a bəbə ghə, seynə abə saa gaʼnə fə̀ŋ kow Yeso Klisto wən â kpuunə n zad kə fəkaʼ, Zə̀ kə i neyzəə saa n ghəə saa a bəbə ghə boʼ və i Yeso n tow u ghey. Zə̀ kə â ghəŋə sey ni dii bə nə̀ tə loʼ tsətsəghə n ghəə a wi. N num tə ibam tə, Zə̀ kə â koʼonu ghəə a bəbə ghən ghə̂ ghə â ghəŋŋənə, tə n kee kow kə fə̀ŋ. Sey, tə n ka chɔd aghə̂ n ghəə a bəbə ghey ghə â ghəŋŋənə n nəŋə i tii zə.

Roma 5:15

À kee loʼ nə̀ naamə key Zə̀ kə fuunə, way dzə tə aloʼ bəb i Adam. N dza sey n təŋkey, ndəmə aghə̂ a kpuulə bòʼ bəb i wù umɔʼ. À kee loʼ nə̀ à dow tsəghəshi ndzuŋ zən Zə̀ kə diinə nsə naamə kən tə fuunə tə̀ ghə̂ ghə n ndəm nə kənunu. Tə fuu naamə kən n bam i wù umɔʼ tɔŋɔ Yeso Klisto, tə â kpuunə n tow u ghə.

Roma 6:10

Sey, və zən tə â kpunə â loʼ ni wey maʼa tən daʼa kən ghəə a bəbə a khənə n kow saa. Muu zən tə muunə nya, a loʼ muu zey i kpiilənə tə̀ Zə̀ kə.

Roma 8:23

À kad way kə fə wən Zə̀ kə â bɔmnə fa n mbi u dzɔɔlənə n fɔɔbə i tii zə, wû i saa ghən saa loʼ nə̀ saa n bùʼ mɔm zow kɔʼ dzə kɔʼlə mən Zay kə Zow kə Zow kə fuunə, dzɔɔlə soʼonu n fə̀ŋ tə saa nghee saa ləmmə tənə nə tsuʼ fey Zə̀ kə i neynə saa nə̀ saa loʼ waa a wi, tə kweyyə nuu kɔʼ wû i saa.

Roma 8:3

Zə̀ kə mâ ghəŋə ghəə ghey laŋ kə Mushi kə â way ni ghəŋə n kow ghey təŋkey gow uwû ləghə way ni ghəŋŋə ghəə ghey laŋ kə dzanə. Tə n ney kɔʼ waa wi tûm bə fa n mbi n wû u wù sɔŋtsuʼ tə a loʼ umaʼlə ni ghəŋə nə̀ kə bəb i nə kəm keelinə daʼa kə n kow saa.

1 Kɔrint 1:7

Sey, ghaa khə maynu naamə wey Zay kə Zow kə fuunə, nghee tə̀ ghaa ləmmə tənə nə tsuʼ fey Mûkəbii ə saa Yeso Klisto i bəghə dzəŋŋənə tii.

1 Kɔrint 15:54

Sey, abə wû wən u fwaynə nə̂ kwey doʼo bənə n wû wən u fway way, wû wən u kpunə, nə kwey doʼo bə soʼonə wû wən u kpu way, i nə dii nə̀ zə n luulə ghəə zey i tɔ̀ɔ doʼonə n màʼlə K-a-zə̀ nə̀, “Zə̀ kə n təm zə̂ və zə.”

1 Tesalonika 1:10

Ghə dza kaabə soʼonu nghee ghaa ləmmənə Waa Kəzə̀ wən tə i tsu bə idəŋ, tɔŋŋə Yeso wən Zə̀ kə â zhəm dzəŋŋə bənə nə ivə. À loʼ wi tə bəghəshiənə saa n nə̀ kə Zə̀ kə nə chɔdlɔnə saa.

2 Tesalonika 2:1

Waazə ghə, ghey dza ghɔɔmə bə tə̀ ghaa nya kuum bə i Mûkəbii saa Yeso Klisto nsə nghee saa i zɔŋə bəghənə tii ni doʼo ghi wi. Ghey buʼu bə kəwɔɔ tə̀ ghaa waazə ghə nə̀

2 Timoti 4:8

Naamə kə ləmmə mə nya idəŋ n fwaʼ kə dzuŋu kən n fwaʼnə ghii kə. Naamə kə tii kə way kə tə mə, kə loʼ soʼo tə ghə̂ ghey adzəm ghə ləghənə ni koʼ tsuʼ fey Klisto i bəghə dzəŋŋənə ibam. À naamə kə tii kə naŋa Mûkəbii wən tə saʼanə ghə̂ ghə n jìi zey i loʼnə tsətsəghə.

Taytus 2:13

Nghee tə saa ndzəmə ləmmənə tsuʼ fə nii fey saa khənə nə̀ fə i bə ghəŋŋə nə̀ saa ngii duʼlə, saa keyyə tənə nə̀ Zə̀ kə saa kə səŋi kə nsə bəghəshi ə saa tɔŋŋə Yeso Klisto, bə n wû u kədə̀ŋ.

Hibru 1:14

Tsətəndəghə tə Kəzə̀ tə baa loʼ ghə ndee? Ghə loʼ zay wən Zə̀ kə â tûm bənə nə̀ ghə bə fwaʼ tə̀ ghə̂ ghey tə i bəghəshiənə ghə.

Hibru 10:10

I loʼ sey n təŋkey, Yeso Klisto a ghəŋə ghəə zey Zə̀ kə ləghənə, nghee tə â fuu ndownə wû u wi wə tə̀ a loʼ umaʼlə, ni sow maʼa tən ghəə a saa a bəbə ghə.

Hibru 12:14

Ndəmi n na wû zə nə̀ ghaa i muu nə ibuulə ghi ghə̂ ghə adzəm, ghaa i muu soʼo muu i zow zə, n təŋkey, wù way ni koʼ Mûkəbii abə tə muu way muu i zow zə.

Hibru 2:3

Saa i nɔbə shiə ngee abə saa tsayyənə bəghəshi i nii zən ə? A loʼ Mûkəbii n wû u wi wə tə a naʼa bənə bəghəshi zən isə. Ghə̂ ghən ghə a zownə, ghə dii bə tə̀ saa nə̀ à loʼ isəŋə.

Hibru 4:15

N dza sey n təŋkey, fɔɔngili u nii nii wən way dzə ni doʼo nə̀ tə ka kwɔɔlə sî zə n kow saa abə saa bwu khə̂mə tsunə. Saa fəd khə fɔɔngili u nii nii wə, ghə â mɔm koʼnə wi nə təjìi tədzəm tə̀ ghə mɔm koʼonə saa, tə n ka kee ghəŋə dzə ghə i bəbə i loʼ zə.

Hibru 5:9

Ambə Zə̀ kə ghəŋə tsunə nə̀ tə kɔʼ kpii, tə n ghəŋə soʼo wi nə̀ tə doʼo wù wey tə fuunə bəghəshi zən i may way tə̀ ghə̂ ghən ghə zownə tə̀ wi.

Hibru 7:27

Tə way dzə tə a loʼ ghə fɔɔngili a nii nii a loʼ ghey ni fəələ maʼlə wə tsuʼu ndzəm bòʼ ghəə a wi bəbə ghə isə nsə bòʼ bəb i ghə̂ a loʼ ghə. Tə mâ fəələ tən maʼlə wə nghee tə â fuunə wû u wi wə bòʼ bəb zə aghə̂.

Hibru 9:25

Fɔɔngili u nii nii u ghə̂ a Təjuu wə â nyiə tsə n luʼu kən kə zow tsəghəshinə luʼu tə tədzəm ghi kaŋ tə nyam tə nùm tədzəm. Klisto â ka kee nyi ndow dzə fuu ni ndow fəələ kaŋ tə wi tə̀ a loʼ umaʼlə nə̀ tə i kəm fəələ kuulə.

1 Pita 2:24

Yeso n wû u wi wə mâ boʼo bəb i saa zə n zat kə fəkaʼ, sey nə̀, saa i way ni kəm ghəŋə ghəə a bəbə ghey saa khənə zày ni ghəŋŋə, saa i muu muu zey i loʼnə tsətsəghə. A loʼ fəŋ ghən tə â keelinə, a baŋŋənə ghaa.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,

2 Pita 3:12

nghee ghaa ləmmə tənə tsuʼ fey Zə̀ kə naŋanə nə̀ Yeso i bə dzəŋŋə, kə ghəŋə nə̀ tsuʼ fə tii fə mbad bə. N tsuʼ fə tii fə, vəllə u nə ləŋi maʼa kɔʼ kədəŋ, zuʼ kə uvəllə kə nə ghəŋə nə̀ fə wey udzəm u loʼnə idəŋ, nyə̀ŋ nuu tsu.

1 Jɔn 3:2

Fə̂ ghuŋ a dzuŋu ghə, nyisa wən saa loʼnə waa a Kəzə̀ ghə, saa kam khə way fə key saa i bə doʼlənə ghii kə. Saa kee khə kə nə abə Klisto i bənə, saa i bɔɔmə doʼlə kə tə a loʼ wi, n təŋkey, saa i koʼo ndow kə wi nghee tə bɔɔmə loʼnə tii.

1 Jɔn 3:5

Ghaa khənu nə Klisto a bə fa n mbi ni bə ney nuu ghəə a bəbə ghə, loʼ sey nə̀ tə ka kam ghəŋə koʼ tsə ghə i bəbə i loʼ zə.

Màʼlə kə Jud tə̀ ghə̂ a Kəzə̀ ghə 1:21

Keeli tsu na nə̀ Zə̀ kə ləghənu ghaa nghee ghaa ləmmənə nə̀ Mûkəbii saa Yeso Klisto kwɔɔlə isî n kow ghaa, tə fuu ghaa n muu zən i nə may way.

Chi dii 1:7

Koʼo na! Tə wey tə bəghənə nə təmbaʼ! Ghə̂ adzəm i koʼo wi, ghə̂ ghey ghə â tsuʼnə wi, i koʼ daŋŋə soʼo wi. Ghə̂ adzəm fa n mbi ghə i deyyə bòʼ wi. Zə i bɔɔmə doʼo kə sey! I doʼo sey.