Hibru 9:14 - Kaa n Kəzə̀ n fəghə mə

¹⁴ Abə ghə â loʼ ni sow maʼa ghəə a ghə̂ a bəbə ghə n ghəə ghən ghə â ghəŋŋənə, zə i boʼo doʼlə ngee ghi Klisto wən tə â fuunə wû u wi wə tə̀ a loʼ umaʼlə tə̀ Zə̀ kə n tow u saa. Tə â ghəŋə ghəə ghən n bam i Zay kə Zow kən kə loʼnə nəŋə tədzəm. Kaŋ tə wi tə sow maʼa fə̀ŋ tə saa n ghəə a bəbə ghən saa ghəŋŋənə nə̀ a ney bə ivə n kôw saa. Sey, saa khə ni fwaʼa kə tə̀ Zə̀ kən kə fuunə muu zə.

Hibru 9:14 ပူးပေါင်းရင်းမြစ်များ

Matyo 12:28

Abə n dzùm shiənə zay u bwu wə n daʼa kə zày K-a-zə̀, i sey dii nə̀ fɔɔ u Kəzə̀ wə n bə tə̀ ghaa.

Matyo 16:16

Shimun Pita n beeli ndòw wi nə̀, “Wə loʼ Klisto, Waa Kəzə̀, Zə̀ kən kə loʼnə utaw nəŋə tədzəm.”

Matyo 20:28

Ighələ tə̀ Waa Weynum â ka bə dzə̀ fa n mbi nə̀ ghə̂ a fwaʼ tə̀ wi, tə â bə ni fwaʼ tə ghə̂ ghə nsə ni fuu muu i wi ni kùm shi tow u ndəmə aghə̂.”

Matyo 7:11

Abə ghaa loʼnə ni fuu fə̂ u dzuŋu wə tə̀ waa a ghaa ghə, loʼ sey nə̀ ghaa bəbənu, Bày ghaa idəŋ î sə̀ boʼo fuu ngee fə̂ u dzuŋu wə tə̀ ghə̂ ghey ghə nɔɔnə tə̀ wi ə?

Lukas 1:74

nə tə î bəghəshi saa n wɔɔ kə ghə̂ ghey ghə bàanə saa, sey nə̀ a i loʼ ni fwaʼa tə wi nə tsəŋ i way,

Lukas 12:24

Koʼo na ŋɔɔŋɔɔ wə, u zəghə way fə wə, kpey naŋŋə way fəzəə u loʼ wə n luʼu kə loʼ kə. Seykə, Zə̀ kə u fuunə ghə n fəzəə wə. Ghaa tsəghəshinu nnən mə.

Lukas 12:28

Abə Zə̀ kə loʼnə ni laalə dzɔb tə̀ tsaŋ u ji wən u nyimnə na ambə tsətsə nə ghə n kpəghə maʼa nə uvəllə, tə î sə boʼo labə ngee ghaa? Ghaa ngiʼi khə nyaŋi fə bəghəm i fə̀ŋ.

Lukas 4:18

“Zay kə Zow kə loʼ ghi mə təŋkey Zə̀ kə n mə sày nə̀ n naʼa tûm Kəzə̀ tə̀ ghə̂ a laa ghə, tə tûm mə nə̀ n ndòw naʼa bəghəshi i Kəzə̀ tə kɔt wə, n fù sə̂ a koʼo ghə tə̀ ghə̂ a fəbəghə, n bəghəshi ghə̂ ghey ghə loʼnə nə uchɔd,

Tùm i dzuŋu zə kuum Yeso Klisto tə Jɔn â tɔɔnə 3:34

Wù wən Zə̀ kə tûm bənə, ghɔɔmə bə ghɔɔmə i Kəzə̀, n təŋkey Zə̀ kə n fuu wi n Zay kə wi kə naʼ idzəm.

Kəfwaʼ 1:2

ndow kuum ndow n tsuʼ fey Zə̀ kə â ney kɔʼnə wi tii idəŋ. Tə̀ Zə̀ kə ni ney kɔʼ wi idəŋ, à n loʼ nə tə n tsəghə n kow Zay kə Zow kə ni fuu naŋa ulaŋ tə̀ ngəd tə wi tən tə â sày naŋanə.

Kəfwaʼ 10:38

Ghaa khənu nghee Zə̀ kə â tsuʼ naŋanə Yeso, wù Nazaled, fuu tsu wi n Zay kə Zow kə nsə daʼa kə. Ghaa khə soʼonu nghee tə â bwey kaabənə, ghəŋŋə ndzuŋ, baŋŋə ghə̂ ghən adzəm ghə a loʼ nə n tənnə daʼa kə avəətsəə, n təŋkey, Zə̀ kə â loʼ ghi wi.

Kəfwaʼ 14:15

“Kə̂ ghaa nə ghəŋŋənə ghəə ghən, ghey loʼ soʼo ghə̂ a sɔŋtsuʼ tə a loʼ ghaa! Ghey fa bə ni bə naʼa tûm i dzuŋu zə tə̀ ghaa, nə̀ ghaa loʼ ni kwey nuu bə fə̀ŋ tə ghaa n ghəə ghən a gaamə way ghaa, ghaa i ngɔɔmə ndow Zə̀ kən kə loʼnə utaw. À loʼ Zə̀ kən kə loʼnə utaw kə â bɔmnə mbi idzəm, tɔŋɔ bəkighow, ghəlikətsə, tədzuu, nsə fə wey tii udzəm.

Kəfwaʼ 15:9

Tə n ney ghə ighələ tə̀ tə â neynə saa nghee tə sow maʼa tsu fə̀ŋ tə ghə tə n ghəə a bəbə ghey ghə â ghəŋŋənə bòʼ bəghəm i fə̀ŋ zey ghə khənə n kow Yeso.

Roma 1:20

I loʼ sey n təŋkey, ni ney nuu bə tə mbi a kaʼnə, Zə̀ kə n ghəŋŋə nə̀ ghə̂ a keeli nə̀ tə loʼ Kəzə̀ n ghəə ghey tə̀ ghəŋŋənə. Ghə̂ ghə n koʼ soʼo daʼa kə wi kən kə doʼo tənnə. Tə n dii soʼo wû u wi wə n fə wey tə bɔmnə. Sey, ji i loʼ i way dzə tə̀ ghə ni dza nə̀ ghə khə way nə̀ Zə̀ kə loʼnu.

Roma 1:4

Zə̀ kə n zhəm dzəŋŋə bə wi nə ivə n daʼa kə Zay kə Zow kə ni dii bə nə̀ Yeso Klisto Mûkəbii saa loʼ waa wi. Tə loʼ kətow tə fə wə udzəm, khə way bəb i loʼ zə.

Roma 11:12

Ghəə a bəbə ghən ghə̂ a Təjuu ghə â ghəŋənə ni tuu maʼa Klisto, â ngii ney bə ibuulə tə̀ mbi. Ghəə bəbə a tii ghə n ghəŋə soʼo nə̀ Zə̀ kə ngii fuu buulə i wi tə̀ ghə̂ ghən ghə way ghə̂ a Təjuu ghə. Buulə i tii zə i boʼo doʼlə ngee abə ghə̂ a Təjuu adzəm a loʼ ni təmdzəŋi bə ni bəghəm tə̀ Klisto ə?

Roma 11:24

Ghaa ghə̂ ghən ghə way ghə̂ a Təjuu ghə, ghaa loʼ tə a loʼ kpìi kə kaʼ fə oliv fə mbvən fə. Abə Zə̀ kə â loʼ ni ney zuŋ dzəŋi nyi bə ghaa ghi kaʼ fə oliv fə inaʼ fə, loʼ sey nə̀ i tawnu ni shi sey. I sey dii nə̀, zə i taw way tə̀ Zə̀ kə ni kəm ney zuŋ dzəŋi nyi dzəŋŋə bə Juu tən tə â bùʼ loʼ tsənə ghə̂ a wi ghə.

Roma 6:13

Kə ghaa nə̂ bəghəmnə nə̀ bad kə uwû kə ghaa kə loʼ kə ghəŋŋə nə̀ ghaa i ghəŋŋə ghəə ghey a kpiilə way. Ghaa fəd khə ni fuu nyi may ndow wû i ghaa tə̀ Zə̀ kə tə a loʼ ghə̂ ghey tə bəghəshi bənə ghə nə̀ ivə, fuu ghə n muu i fəghə zə. Ghaa fuu may ndow soʼo wû i ghaa tə Zə̀ kə tə̀ tə loʼ ni ghəŋə nə̀ ghaa i fwaʼa ndow ghəə ghey a loʼnə tsətsəghə n sə kə wi.

Roma 6:22

Nya wən Zə̀ kə bəghəshinə ghaa n ghəə a ghaa a bəbə ghə, ghaa u doʼo bənə kɔd u wi, naamə kə ghaa kə loʼ nə̀ ghaa nya loʼ ni muu muu zən i zownə tə̀ Zə̀ kə, sey nə̀ ghaa keeli muu zən i nə may way.

1 Kɔrint 15:45

À wən loʼ i ghii i tɔ̀ɔ doʼonə n màʼlə K-a-zə̀ nə̀, “Wù sə̂ isə wən Zə̀ kə â bɔmnə â loʼ Adam.” Adam wə ibam wən tɔŋŋə Klisto kee loʼ zày kən kə fuunə muu zə.

2 Kɔrint 5:21

Klisto â khə way bəb i loʼ zə, Zə̀ kə n ghəŋə tsu nə̀ tə̀ doʼo bə tə̀ a loʼ wù bəbə wə bòʼ saa, sey nə̀ abə saa loʼnə nə kəfə kəmɔʼ ghi wi, saa i loʼ tsətsəghə n sə̂ K-a-zə̀.

2 Kɔrint 6:16

Muʼu n khə way ghə i loʼ zə ni ghəŋə ghi dzəŋi kə dzûmə tə Klisto kə. N dza sey n təŋkey saa loʼ ndaw Zə̀ kən kə loʼnə utaw, tə̀ Zə̀ kə dzanə nə̀, “Mə i muulə ghi ghə Mə i bwey soʼo n fəŋŋə kə ghə, Mə i loʼ Zə̀ kə ghə kə, Ghə i loʼ soʼo ghə̂ ghuŋ ghə.”

Galeshia 2:19

Abə a loʼ kə tə̀ laŋ kə, n bəghəmnu ni kpu, sey nə̀ mə i loʼ ni muu muu zey Zə̀ kə ləghənə.

Efesus 2:5

Sey, nghee tə̀ saa â loʼnə tə̀ a loʼ ghə̂ ghey ghə kpu doʼonə bòʼ ghəə a saa a bəbə ghə, tə n fuu saa n muu zə nya nghee saa loʼnə nə kəfə kəmɔʼ ghi Klisto. À loʼ bòʼ ndzuŋ ə Kəzə̀, saa keelinə bəghəshi zə n bəb i saa.

Efesus 5:2

Ghaa khə ni khə ləghə zə n wû i ghaa, ighələ tə̀ Klisto â ləghənə saa, tə n fuu nuu ndow muu i wi ni kpu n tow u saa. Tə n fəələ ndow wû u wi tə a loʼ maʼlə u ləmmə dzɔbə wə tə̀ Zə̀ kə.

1 Tesalonika 1:9

N dza sey n təŋkey, luʼu tədzəm, ghə tiilə dza kaabənu jìi zey ghaa â kpii neynə ghey tii. Ghə a tiillə dza soʼonə nghee tə̀ ghaa tuu maʼanə ni kəm ngɔɔmə muʼu mə tii, kaʼ ndow ni ngɔɔmə Zə̀ kən kə ndzəm loʼnə Zə̀ kə, loʼ soʼo utaw.

1 Timoti 1:17

N gɔŋŋə nə̀ ghə̂ a mə fuu ngɔɔmə zə nsə kɔʼləmə tə Zə̀ kə nəŋə tədzəm. Tə loʼ də̀ŋ kən kə loʼnə nya, loʼ nə tənəŋə tədzəm, də̀ŋ key kə kpuu koʼo tsə way, kə key wù loʼ ka kam koʼ koʼ tsə. A may kə wi tə mbi nə bə may. Zə i loʼ sey.

1 Timoti 3:15

abə n kpaʼi loʼlənə ni bə, màʼlə kən kə i ghəŋə nə̀ ghaa keeli nghee dzûmə tə Klisto tə khə ni muu tii n wû i ghə. Dzəŋi kən loʼ dzəŋi kə Zə̀ kən kə loʼnə utaw. À loʼ dzûmə tən tə tɔɔmənə nə̀ ghɔɔmə i Kəzə̀ zə i loʼ tsətsəghə ighələ tə̀ tsə kə ndaw nsə nyəllə u tɔɔmənə ndaw nə̀ kə i nə bwunə.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Hibru 1:3

À loʼ wi tə dii bənə nghee tə kɔʼlə mən Zə̀ kə khənə nyiəllənə tii. Tə bɔɔmə fiilə kə Kəzə̀ nghee tə kwu keelinə mbi n daʼa kə ghɔɔmə i wi. Ambə tə sow maʼa tsunə ghəə ghə aghə̂ a bəbə ghə, tə n nuu kɔʼ ndow idəŋ, ndow doʼo tsu n kpii u Kəzə̀ u təmə wə, tə khənə daʼa kə tsəghəshi ufə udzəm.

Hibru 10:10

I loʼ sey n təŋkey, Yeso Klisto a ghəŋə ghəə zey Zə̀ kə ləghənə, nghee tə â fuu ndownə wû u wi wə tə̀ a loʼ umaʼlə, ni sow maʼa tən ghəə a saa a bəbə ghə.

Hibru 10:12

A kee bə fɔɔngili u nii nii wən tɔŋŋə Klisto, â fuu wû u wi tə̀ a loʼ umaʼlə nəŋə imɔʼ ni sòw maʼa tən ghəə a bəbə ghə. Sey Zə̀ kə n kɔʼlə naŋa kɔʼ wi n kpii u wi u təmə wə.

Hibru 10:2

Abə i mə loʼ nə̀ ghə ndzəmə sow maʼa ghəə a bəbə ghə, ghə̂ ghən ghə ngɔɔmə Zə̀ kə, ghə mə kəm khə way moʼlə tə nə̀ ghə khə ghə i bəbə i loʼ zə. Sey, ghə mə kəm fəələ way maʼlə wə.

Hibru 10:22

sey, saa khə ni ndow n səə Kəzə̀ n fə̀ŋ tə saa tə tədzəm, saa ndzəm bəghəm fuu soʼo tə̀ wi. Saa khə ni bə n səə wi nə̀ saa n sow maʼa moʼlə tə bəbə tən tə loʼnə n fə̀ŋ tə saa nə̀ tə i zow, sow maʼa soʼo wû i saa n mmuu n zow mə.

Hibru 11:21

À loʼ bəghəm i fə̀ŋ zən Yakɔb â khənə n kow Zə̀ kə, zə â ghəŋənə nə̀ tə buulə waa a Yosef nghee tə â dza i kpu. Tə n zoʼo doʼo ndow n tow kə mbaŋ a wi i nyəllə zə, fuu ingɔɔmə tə̀ Zə̀ kə.

Hibru 13:12

À loʼ soʼo sey Yeso â fəghənə a bii n fuʼu mbàa wə inaʼ ni sow maʼa tsu ghəə a ghə̂ a bəbə ghə n kaŋ tə wi.

Hibru 3:12

Waazə ghə, ghaa ney ighə̂mə nə̀ kə wù ghaa u loʼ u nə keeli fə̀ŋ i bəbə zə tə̀ tə loʼ ni tuu ni bəghəm tə̀ Zə̀ kə. Wù wey tə khənə ndzoʼo fə̀ŋ zən, way dzə ni ndow n səə Zə̀ kən kə fuunə muu zə.

Hibru 6:1

Sey, saa ndow kə n sə kə ni zoʼlə ghəə ghey a loʼ ni ghəŋə nə̀ saa beyyə tsu, saa ndow soʼo n sə kə ni ghəŋŋə ghəə ghey a tsəghəshinə ghəələ n sə isə mən saa â buʼ zoʼlə kɔʼnə bòʼ Klisto. Saa kəm khə way ni ghɔɔmə zeeli ghəə a kweyyə nuulə bə ghə n ghəə a bəbə ghə nsə nghee saa khə ni bəghəm tə̀ Zə̀ kə.

Hibru 7:16

Wù tii â ka doʼo dzə fɔɔngili tə̀ laŋ u wù sɔŋtsuʼ u diinə, tə â kee doʼo bə fɔɔngili nə̀ à ghəŋə Kəzə̀ n bam i daʼa kən kə loʼnə nə imuu nə̀ kə may way.

Hibru 7:27

Tə way dzə tə a loʼ ghə fɔɔngili a nii nii a loʼ ghey ni fəələ maʼlə wə tsuʼu ndzəm bòʼ ghəə a wi bəbə ghə isə nsə bòʼ bəb i ghə̂ a loʼ ghə. Tə mâ fəələ tən maʼlə wə nghee tə â fuunə wû u wi wə bòʼ bəb zə aghə̂.

Hibru 9:12

Tə â ka nyi dzə n luʼu kə zow kən n kaŋ tə ji tə nkee kaŋ tə mbɔŋ tə ni ndow fəələ umaʼlə tii, tə â fəd nyi ndow n kaŋ tə wi tə. Sey, tə n fuu saa n bəghəshi zən i nə may way.

Hibru 9:26

Abə i mə loʼ sey, Klisto a sey khə ni fəghə n ndəmə tənəŋə ni ney nuu bə tə̀ mbi a kaʼnə. À kee loʼ nə̀ num tə nya bəghə ni bə may, tə u dii tən bənə wû u wi wə, ni ney nuu ghəə a bəbə ghə n bam i wû u wi wən tə fuu ndownə tə̀ a loʼ umaʼlə.

Hibru 9:7

À kee may kə fɔɔngili u nii nii wə tə â nyiə tsənə n dzuu i kəfəə i fə̀ŋ zey nəŋə imɔʼ nə kənum. Tə n ney kɔʼ təkaŋ ni ndow fəələ tə̀ Zə̀ kə n tow kə wi nsə n ghəə a bəbə ghən ghə̂ a ghəŋŋə nə̀ ghə khə way nə̀ ghə sey ghəŋŋə bəəbənu.

Hibru 9:9

Dzuu i sə isə zən loʼ tsəə i dii bənə tsuʼu mən saa loʼnə tii nya. I sey dii nə̀ fə wən nsə nyam tən ghə fəələ ndownə maʼlə wə tii tə̀ Zə̀ kə, way dzə ni ghəŋə nə̀ fə̀ŋ ə wù wey tə fuunə kɔʼlə n tii mə i kpii tə̀ Zə̀ kə.

1 Pita 1:19

Ghə â fəd kuum nuu shi bə tow u ghaa n kɔb kə kaŋ tə Klisto tən ghə fəələnə n zat kə fəkaʼ, tə a loʼ kaŋ tə waa njì zən ghə fəələnə nə̀ i khə way fəmmə kə loʼ kə khə soʼo way dzə u loʼ wə n kow wi.

1 Pita 2:22

Tə â ka ghəŋə koʼ tsə ghə i bəbə i loʼ zə, tə n ka bad koʼ tsə soʼo aghəə.

1 Pita 2:24

Yeso n wû u wi wə mâ boʼo bəb i saa zə n zat kə fəkaʼ, sey nə̀, saa i way ni kəm ghəŋə ghəə a bəbə ghey saa khənə zày ni ghəŋŋə, saa i muu muu zey i loʼnə tsətsəghə. A loʼ fəŋ ghən tə â keelinə, a baŋŋənə ghaa.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,

1 Pita 4:2

Sey, ni ney nuu tsu nya, ndow n sə kə, ghaa khə ni teeli muu muu i ghaa zə n nəŋə zən ghaa nam khənə fa n mbi n jìi zey Zə̀ kə ləghənə, a way dzə n jìi zey gow uwû ləghənə.

1 Jɔn 1:7

Abə saa bweynə nə kədaa nghee tə Zə̀ kə loʼ nə daa kə, saa sey zəə dzəŋi nə kəfə kəmɔʼ. Sey, maʼlə wən Yeso, waa Kəzə̀ a fəələnə n kaŋ tə wi, tə i sow zowwə naŋŋə kɔʼɔnu saa n ghəə a saa a bəbə ghə adzəm.

1 Jɔn 3:5

Ghaa khənu nə Klisto a bə fa n mbi ni bə ney nuu ghəə a bəbə ghə, loʼ sey nə̀ tə ka kam ghəŋə koʼ tsə ghə i bəbə i loʼ zə.

Chi dii 1:5

N gɔŋŋə nə̀ Yeso Klisto wən tə dii bənə isəŋə zən saa loʼ ni gaʼ fə̀ŋ tii, tə loʼnə wù sə isə ni zhəm dzəŋŋə bə nə ivə, tə saʼa soʼonə dəŋ wə fa a ghəlitsə, dii ghaa n ndzuŋ ə wi, tə fuu soʼo ghaa n buulə zə. Tə ləghənu saa, tə u bəghəshi saa n ghəə a saa a bəbə ghə, nghee tə â fuu ndow wû u wi wə n tow u saa n kaŋ tə wi tən tə â fəələnə n zat kə fəkaʼ.