Hibru 9:11 - Kaa n Kəzə̀ n fəghə mə

¹¹ Klisto n kee bə tə̀ a loʼ fɔɔngili u nii nii wən tə fuunə fə u dzuŋu wən u loʼ zeynə fa. Fəə key tə fwaʼanə ghəə a wi ghə tii, tsəghəshinu, kpii tsəghəshi soʼo fəə u loʼ wən. À way dzə wù sɔŋtsuʼ tə khəmnə fəə fə tii fə, dii tsuu nə̀ fə way dzə n fə wey Zə̀ kə â bɔmnə fa n mbi.

Hibru 9:11 ပူးပေါင်းရင်းမြစ်များ

Matyo 11:3

Ghə n ndòw bəb tə̀ Yeso nə̀, “À loʼ wɔ Klisto wən Jɔn â dza nə̀ tə khə ni bə ə, nkee a ləmə tsu wù nuu ə?”

Matyo 2:6

‘Abə wɔ a naʼ i Betelehem zə, n ghəlitsə kə Juda, Wə̀ ndɔm way dzə nyaŋi fə inaʼ n naʼa tən fa n mboʼo Juda, Bòʼ nə̀ à i lòʼ fa, Də̀ŋ key kə î laalənə tə̀ ghə̂ ghuŋ ghə adzəm, tɔŋŋə ghə̂ ghə Izree î shiə bənə.’”

Malakus 14:58

“Ghey a zow tə dzanə nə̀, ‘Mə i sàʼa maʼa tsuu ndaw Kəzə̀ i nii zən n Yerosalem, ghə̂ ghə â bɔmnə, n kəm bəghə dzəŋŋə kɔʼ i nuu zə nə ntsuʼu ntəghə nə̀ a ka wù sɔŋtsuʼ bəghə dzə.’”

Tùm i dzuŋu zə kuum Yeso Klisto tə Jɔn â tɔɔnə 1:14

Sey Ghɔɔmə zə n doʼo bə wù sɔŋtsuʼ, bə muu bə n fəŋŋə kə saa. Tə n dii bə ndzuŋ nsə isəŋə bòʼ Kəzə̀. Saa n koʼ ghaʼ i wi, ghaʼ zən i dii bənə nə̀ a loʼ wi sɔʼi fə Waa fə, Bày khənə.

Tùm i dzuŋu zə kuum Yeso Klisto tə Jɔn â tɔɔnə 4:25

Weyzən wey n dza ndow tə̀ wi nə̀, “N khənu nə̀ bəghəshi i bəghənu. Abə wù wey Zə̀ kə â dza naŋa nə̀ i tûm bənu i bənə, tə i tiillə dza may bə aghəə adzəm tə̀ saa.”

Kəfwaʼ 7:48

Sətifən n ndow n sə kə dza, “I loʼ nə̀, Zə̀ kə idəŋ kə muu dzə way n ndaw nə a bəghə wù sɔŋtsuʼ. I bɔɔmə loʼ tə wù tûm Kəzə̀ dzanə nə̀,

2 Kɔrint 4:18

I loʼ sey n təŋkey, ghey naŋŋə dzə way sə̂ zə n fə̂ wən a koʼonə, ghey fədlə naŋŋə ndòw isə̂ n fə̂ wey a koʼo way, bòʼ nə̀, fə̂ wən a koʼonə, u doʼlə tsuŋŋə way, fə̂ wey a koʼo way kee doʼlə tənənu.

2 Kɔrint 5:1

Saa khənu nə̀ abə ghə saʼ maʼa tsunə fəə fə saa fən saa muunə tii tɔŋŋə vən fə uwû fə saa fən, saa khənu ndaw Zə̀ kə naŋanə tə̀ saa i doʼo tənə idəŋ. Ndaw tii, a ka bɔm dzə wù sɔŋtsuʼ.

Kolose 2:11

Nghee tə ghaa loʼnə nə kəfə kəmɔʼ ghi Klisto, ghaa nya loʼ tə ghə n səghə tyi u ghaa wə. À kee loʼ nə̀ ghə ka tyi u ghaa u səghə dzə nghee ghə ndzəmə səghənə tyi u ghə wə a tii. Klisto â səghə tyi u ghaa nghee tə â ney nuu shi bənə ghaa n daʼa wən u ghəŋŋənə ghaa nə ghaa i ghəŋŋə ghəə a bəbə ghə.

Hibru 10:1

Laŋ kə maŋa dii bə nyaŋi fə ghəə a dzuŋu ghey ghə i bəghənə, kə dii may bə dzə way nghee tə̀ ghəə a dzuŋu a tii a baa loʼnə tii. À wən loʼ ghə i tii zə maʼlə u mɔʼɔ wən ghə fəələnə num tənum, way ni ghəŋə nə̀ ghə̂ ghən ghə bəghənə n səə Kəzə̀, nə̀ ghə doʼo nə̀ ghə khə way bwù i loʼ zə.

Hibru 12:27

Ghɔɔmə zən nə̀, “Kpiʼi.” Sey dii nə̀ ghə nə noʼlə maʼa kɔʼɔnu fə wey udzəm Zə̀ kə â bɔmnə fa a ghəlitsə, sey nə̀ u wey u loʼnə idəŋ nə̀ ghə way ni noʼlə i loʼ ni doʼo tən.

Hibru 13:14

Saa khə dzə way naʼ zən i doʼo tən nə tə̀ saa fa n ghəlikətsə, saa fədlə ləmmə ndow naʼ zey i nam khə ni bə.

Hibru 2:17

À wən loʼ ghə i tii zə Zə̀ kə a khə ni ghəŋə tsu nə̀ tə doʼo bə tə̀ a loʼ saa waazə a wi nə təjìi tədzəm sey nə̀, tə loʼ ni doʼo bə fɔɔngili u nii nii wə. Tə wən ghə loʼ ni gaʼ fə̀ŋ n kow wi, tə khə soʼonə sî i kwɔɔlə zə. Sey nə̀ tə loʼ ni ney fuu ndow wû u wi tə̀ a loʼ umaʼlə ni sow maʼa ghəə a bəbə ghən ghə̂ a ghəŋŋənə.

Hibru 3:1

Waazə ghuŋ a zow ghə, ghaa ghən Zə̀ kə tɔŋɔnə nə̀ ghaa dzəŋi doʼo ghə̂ a wi idəŋ, gaʼ ndow na fə̀ŋ tə ghaa n kow Yeso wən Zə̀ kə tûm bənə nə̀ tə bə doʼo fɔɔngili u nii nii wə tə̀ saa.

Hibru 4:15

N dza sey n təŋkey, fɔɔngili u nii nii wən way dzə ni doʼo nə̀ tə ka kwɔɔlə sî zə n kow saa abə saa bwu khə̂mə tsunə. Saa fəd khə fɔɔngili u nii nii wə, ghə â mɔm koʼnə wi nə təjìi tədzəm tə̀ ghə mɔm koʼonə saa, tə n ka kee ghəŋə dzə ghə i bəbə i loʼ zə.

Hibru 7:1

Mekisedek â loʼ kədə̀ŋ n naʼ i Salem, tə n loʼ soʼo fɔɔngili tə Zə̀ kən kə tsəghəshinə fə wə udzəm. Nghee Abraham dzəŋŋə bənə nə̀ tə n təm zə̂ də̀ŋ wə ukaykə n tsam, Mekisedek n kpiilə bə ghi wi n jìi, buulə tsu wi.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.

2 Jɔn 1:7

Ndəm aghə̂ n shi ndow n mbi ni nəb kaabə tsə aghə̂ nə̀, Yeso â ka bə dzə n wû u wù sɔŋtsuʼ. Ndzoʼo wù wən loʼ wù nəbə wə aghə̂ wə, loʼ soʼo wù təngəmə ə Klisto.